InfoHub Logo

Jańa jyl
Maqsaty: oqýshylardyń qyrkúıek aıynan bastap úırengen án - bılerin ortaǵa salý, jańa jyl merekesimen quttyqtaý.
Kórnekiligi: jańa jyldyq kıimder, betperdeler, bezendirilgen shyrsha t. b.
Ádisteri: oıyn, rólde oınaý, án, bı.
Ótý barysy:
Júrgizýshi: Appaq búgin qyr dalam,
Aq dastarhan japqandaı.
Halyq bitken qarbalań,
Qonaq kútip jatqandaı.
Aqnıet: Kóńilde kóp qýanysh,
Ár kóńilde jaqsylyq.
Keter jylǵa myń alǵys,
Ákelgen kóp jaqsylyq.
Eldar: Jańa jylda aldaǵy,
Kóńil ósip keńeısin.
Ortaq oıy, armany,
Jaqsy dástúr kóbeısin.
Júrgizýshi: Qadirmendi halaıyq, osynaý este erekshe qalatyn jańa jyl keshine qatysyp otyrǵan qonaqtar, sizderge zor densaýlyq, baıandy baqyt, tatý - tátti ǵumyr, beıbit aspan tileımiz.
Álibı: Al, aǵaıyn, aǵaıyn,
Eski jyldaı aǵa bar.
Ony ortaǵa alaıyq,
Shyǵaryp ony salaıyq.
Júrgizýshi: Aıaýly da qurmetti 2012 jyl, sen bizben birge 365 kún, 365 tún birge boldyń. Beıbitshilik jyl boldyń. Rahmet saǵan.
Aqjol: Ótken jylǵa rızamyz,
Kemeldendi elimiz.
Qandyq talaı syrǵa biz,
Sharyqtady oıymyz.
Eski jyl (ulý): Balalarym, balǵyndarym,
Alǵysym kóp aıtar meniń!
Dál osydan artyǵyraq
Qarsy alyńdar jylan jylyn!
Júrgizýshi: Al balalar, Eski jyl rıza bolsyn. Ónerleriń bolsa kórsetip, kóńilin kóterip shyǵaryp salaıyq.
Aıbek: Jańa jyldyq toıda,
Kórseteıik óner biz.
Taqpaq aıtyp, án salsaq,
Rıza bolar Eski jyl.

Án: Nazerke "Ertegiler"
Eski jyl: Saý bolyńdar, balalar,
Keleshegi halqymnyń.
Ashyq bolsyn aspanyń,
Aman bolsyn jas - káriń.
/Eski jyl ketedi/

Júrgizýshi: Balalar, búgingi bizdiń jańa jyl merekesine arnalǵan keshimizge Qar
hanshaıymy da kelipti.
Qar hanshaıymy: Balalardyń kóńildi bolǵandaryn unatpaımyn, jaman qyzdar men uldar. Kúlesińder, kóńildenesińder, endeshe qorǵanyńdar. Áı, meniń senimdi kómekshilerim muzdar, qaıdasyńdar? Muzdar ushyńdar, barlyǵyn muz etip qatyryńdar.
/Barlyq balalar muz bolyp qatady./
Júrgizýshi: Meniń sıqyrly kúshim jetpeı jatyr, sıqyrdy sheshý úshin kóńildeneıik, kúleıik. /Balalar kúlip qozǵala bastaıdy./
Qar hanshaıymy: Ony áli kóremiz, kimge jaman bolatynyn. Aıaz ata kelmeıdi.
Júrgizýshi: Bizdi qorqytpa, seni jańa jyl keshinde ne kútip turǵanyn áli bilmeısiń.
Qar hanshaıymy: Men kóreıin, meni ne kútip turǵanyn. Áı syǵan qyzy Aza, kel maǵan bal ashyp ber.
/Bılep syǵan qyzdary keledi/
Syǵan: Nege shaqyrdyń, Qar hanshaıymy?
Qar hanshaıymy: Jeter bılegeniń, endi maǵan myna jańa jyl keshinde ne bolatynyn aıtyp ber.
Syǵan: Qazir, qazir, meniń jarqynym, o sulýym, búgin sen Aıaz atanyń qolyndaǵy taıaqshadan erısiń. Alaqan syzyqtary aldamaıdy, ótirik aıtpaıdy.
Qar hanshaıymy: Sen ne dep otyrsyń, ońbaǵan, mystan syǵan, qane joǵal!
/Syǵan ketedi, Qar hanshaıymy oılanyp qalady./
Aıaz atanyń qolyndaǵy taıaqshadan erımin be? Múmkin emes, biraq alaqan aldamaıdy.
Men oılanaıyn.

Júrgizýshi: Balalar, Qar hanshaıymynan qorqyp tura bermeı, merekemizdi jalǵastyraıyq, án salyp, bı bıleıik.
Qar hanshaıymy: Men án, kúlki, merekelerińdi unatpaımyn. Merekelerińniń shyrqyn buzamyn. Ha - ha - ha!
Júrgizýshi: Balalar, Aıaz atany kómekke shaqyraıyq. Qane, barlyǵymyz birge "Aıaz ata, Aqshaqar" dep aıǵaılaıyq.
Balalar: Aıaz ata, Aqshaqar!
Júrgizýshi: Qosh keldińiz Aıaz ata! Amansyń ba Aqshaqar!
Aıaz ata: Amansyńdar ma, balalar
Ajarlaryń atqan tańdaı,
Kıimderiń qandaı, el aman,
Jurt tynysh, kóńilderiń
Shat eken.
Aq qyraýǵa malynǵan,
Saqalym da, murtym da.
Aıaz ata saǵynǵan,
Sálem berem jurtyma.
Aqshaqar: Al balalar, balalar,
Qulaq qoıyp tyńdańdar.
Mekteptiń úlken zalynda
Jasyl shyrsha janynda,
Jańa jyldy qarsy alyp,
Bı bıleıik án salyp.

Júrgizýshi: Aıaz ata, Qar hanshaıymy bizdiń merekemizdi buzbaqshy, sıqyrly taıaǵyńyzben ony eritip jiberińizshi. /Aıaz ata taıaǵyn kótere bergende Qar hanshaıymy keledi/.
Qar hanshaıymy: Aıaz ata, balalar, meni keshirińizder. Meni eritpeńizder, men sizdermen birge kóńil kótereıin.
Aıaz ata: Qane balalar, keshiremiz be?
Balalar: Iá, keshiremiz!
Júrgizýshi: Endeshe merekemizdi jalǵastyraıyq. Sheńber quryp turaıyq, shyrshanyń shamdaryn jaǵaıyq.
Balalar: Qýant, shamdaryńdy jarqyrat.
/Shyrsha shyraǵy janady, balalar qol soǵady/
Júrgizýshi: Balalar, Aıaz ata men Aqshaqarǵa ónerlerimizdi kórsetip, Aıaz atadan
syılyq alaıyq.
Júrgizýshi: Taqpaq daıyndaǵan balalar kele qoıyńdar.
Aıaýjan: Jańa jyl keldi mine jerimizge,
Ákelgen qut bereke elimizge.
Jaqsylyq pen qýanysh jyly bolyp,
Qıyndyq jolatpasyn elimizge.
Ernar: Keldi taǵy jańa jyl
Qýantamyz sizderdi.
Qutty bolsyn qýanysh,
Quttyqtaımyn sizderdi.
Aıaýlym: Appaq kúmis bar dalam,
Zymyraımyn shanamen,
Toǵaılar ton kıedi,
Aıaz betten súıedi.
Jınalyp alyp bar bala
Turǵyzamyz qar qala.
Aıjan: Óleń de ázir, án de ázir,
Oıyn da ázir, bı de ázir.
Kel jańa jyl bizderge,
Kel jańa jyl, Jańa jyl.
Islam: Jańa jylda barlyq úıge
Aıaz ata keledi.
Jańa jylda sábılerge
Syılyq ákep beredi.
Abylaı: Jańa jyl, jańa jyl
Jańa jylda jańa jyr.
Jasyl shyrsha janynda
Bılep barlyq bala júr.
Botagóz: Shattyq jyr, shatty jyr
Dıdarynda shattyq nur.
Aıaz ata ortada
Arqasynda qapshyq júr.
Asıma: Shyrsha quryp alańǵa,
Jyrǵa shashý shashaıyq.
Toıǵa kóńil ashaıyq,
Qane, ánge basaıyq.
Aqshaqar: Aıaz ata, Jańa jyl qaıda, jolda kele jatyp adasyp ketpep pe eken.
Balalardyń kómegimen taýyp alsaq qaıtedi.
Júrgizýshi: Qane balalar, olaı bolsa, kel Jańa jyl dep aıqaılaıyqshy.
Jańa jyl: Halqym meniń!
Jańa jylmyn sen!
Eldi sharlap samǵaımyn,
Bir kún qyzyq bir kúnnen
Bola bersin árdaıym.
Jańa jyldyń bastaýyn
Sendermen toılaıyn.

Júrgizýshi: Aıaz ata, Aqshaqar jáne Jańa jyldy ortaǵa alyp, shyrshany aınala
"Appaq, appaq" ánin oryndaıyq.
Án: "Appaq, appaq"
Bı: « Shyǵys» Anel
Án: "Aıgólek" Oljas, Aısha, Ermek, Aıǵanym, Sultan J.
Oıyn: "Shańǵyshy"
Maqsaty: Bılep júrip júrýge úıretý.
Sharty: tabandaryna aq qaǵaz qoıyp, bılep júrip sony jyljytady.
Váls "Aq qaıyń" Nýrıslam - Shuǵyla, Á. Temirlan - Shuǵyla, Temirlan - Dılnaz,
Almat - Ádemi, Aıbek - Balaýsa, Bekjan - Ýnzılá
Án "Tólder" Birjan, Nuraly.
Oıyn: "Bıshi jup"
Maqsaty: Ádemi bıleı bilýge tárbıeleý.
Sharty: Shardy eki bala eki jaǵynan qysyp alyp, shardy qolmen ustamaı bıleıdi.
Án: "Qoshaqan" Alısher, Sultan. E, Maǵjan, Bekarys, Zýhra, Perızat
Án "Árqashan kún sónbesin" Asyl, Asanáli, Temirjan, Alıhan
Bı Ózbekshe Móldir
Aıaz ata: Balalar, bizdiń áli de baratyn jerlerimiz kóp. Bizdi ózderińdeı balalar tosyp otyr. Kelesi jańa jylǵa deıin saý bolyńdar.
Balalar: Saý bolyńyz Aıaz ata, saý bolyńyz Aqshaqar!

Júrgizýshi: Quttyqtaý sóz kezegi ata - analarǵa beriledi.
Endi balalar ir top óz kabınetterine baryp, Aıaz ata tastap ketken syılyqtarymyzdy alaıyq. Osymen jańa jyl keshine oraı daıyndalǵan keshimiz aıaqtaldy, saý bolyńyzdar.