InfoHub Logo

Jańajyldyq keshte qonaqtardyń kóńil-kúıin qalaı kóteresiz? Dástúrli merekelik dastarhan men tilek aıtý azdyq etetini anyq. Demek, qyzyqty ázil men jumbaqtar, saıys pen oıyndar uıymdastyrý kerek. Túngi 12 - den keıin qonaqtaryńyz uıyqtap qalmaý úshin bizdiń kóńildi oıyndarmen tanys bolyńyzdar. Keshterińiz qyzyqty ótsin!

Temperamentti er belgisi oıyny
Bes er adamdy ortaǵa shyǵaryp, bir qatarǵa otyrǵyzyńyz. Árbiri bir aıaǵyn ekinshisiniń ústinen qoıyp otyrýy kerek. Jáne ústińgisiniń balaǵyn aıaǵy kórinetindeı etip túrip qoıýy shart.
Osylaı otyrǵan kúıi er adam Aqshaqar jibıtindeı, ádemi ótkir quttyqtaý sózin aıtýy tıis.
Barlyq erkek óz tapqyrlyǵyn ortaǵa salyp bolǵan soń, júrgizýshi:
«Shyn máninde, saıys eń túkti aıaq úshin bolǵan edi», - dep jeńimpazdy sol belgisine qaraı anyqtaıdy.

Jańajyldyq saıys
Qalpaqqa bir - bir sózden jazylǵan kishkentaı qaǵazdar salynady. Mysaly, shyrsha, muz, qar, Aıaz Ata, tb. Árbir oıynshy kezekpen qaǵazdy alyp, sonda jazylǵan sóz kezdesetin óleń ne án aıtýy kerek.

Qyzyqty oıyn
Qatysýshylarǵa aqsha kýpúrasy taratylady. Oıynshylardyń maqsaty – 3 ret úrip, aqshany alysyraq jyljytý kerek. Bir úrgennen keıin, aqsha túsken jerge jaqyndap, taǵy úredi. Kimniń kýpúrasy alysyraq ushsa, sol jeńedi. Qalasańyz, kýpúralardy komanda bolyp, estafetamen jyljytýǵa bolady.

Álippe
Júrgizýshi: «Bárimiz saýattymyz, degenmen álippeni bilemiz be?» - deıdi. Oıynshy «A» árpinen bastap, álippe boıynsha ári qaraı qysqa quttyqtaý tirkester aıtady. Mysaly, A – Aqshaqardaı sulý bolaıyq. Á – Árbir úıge Jańa jyl qýanysh ákelsin. B – Baqyt tileımin. Eń kúlkili tirkes aıtqan oıynshy jeńimpaz atanady.

Qar qyzyn/qar jigitti jasaımyz.
Eger jańa jyl túni jerde qar jatsa, qonaqtarǵa syrtta oıyn oınaýdy usynýǵa bolady. Barlyq oıynshylar (er adamdar bolǵany jaqsy) birneshe topqa bólinip, árbiri Qar qyzyn jasaýǵa tapsyrma alady. Ádettegi qardan jasalǵan músin emes, ádemi qyz beınesi bolýy shart. Sulý qyz dene pishinin keltirgen top jeńedi. Mysaly, Qar qyzyn jasaý úshin áıel kıimin de qoldanýǵa bolady, t. s. s. Dál osylaı áıel adamdar da oınaı alady. Biraq olar jańa jylda kezdestirgisi keletin armanyndaǵy jigitti jasaýy qajet.

Syılyqtarǵa toly qorap
Jańa jylǵa mynadaı kishigirim ázil uıymdastyrýǵa bolady. Jańa jyldy toılaıtyn bólmeniń buryshyna ústińgi beti bar, túbi joq qorap qoıyp qoıyńyz. Ony ádemi lentamen baılap, «Merekeńizben» dep jazyp qoısańyz da bolady. Al ishine kámpıtti toltyryp salyńyz. Eń bastysy, qorapty joǵary bir jerge qoıyńyz, shkaftyń ústine bolsa tipti jaqsy. Aldaıtyn adamyńyz bólmege kirgende, oǵan arnalǵan syılyq shkaftyń ústinde ekenin aıtyńyz. Árıne, ol birden baryp, qorapty ala bergende, ústine kámpıt tógiledi.

Shyrshany bezendir saıysy
Oıyn úshin birneshe lenta, jyltyraq pen oıynshyqtar (oıynshy sanyna qaraı) qajet. Shyrsha retinde áıelder oınaıdy. Olar bir qolyna lentanyń bir ushyn ustap turady. Al er adamdar qoldaryn tıgizbeı, erinderimen basqa shetin qysyp, óz hanymyn bezendiredi. Qaı juptyń «shyrshasy» ádemirek bolsa nemese qaısysy birinshi bitirse, sol jup jeńedi.

Túıreýish
Bul jańajyldyq ázil úshin birneshe jup kerek, erli - zaıyptylar bolsa jaqsy. Barlyǵynyń kózderin baılap qoıyp, olardyń kıimderine bes - besten túıreýish taǵasyz. Bir - biriniń ústindegi barlyq túıreýishti birinshi bolyp jınaǵan jup jeńedi. Munyń bári baıaý ádemi ánniń áýenimen ótýi tıis. Alaıda, oıynda bir syr bolady: qyzdyń kıimine 5 túıreýish taǵylsa, jigittiń ústine tórt túıreýishten ilinedi. Demek, jeńiske bul syrdy birinshi bolyp túsingen jup jetedi. Al oǵan deıin ekinshi jartysynyń ústinen sońǵy túıreýishti uzaq izdegenin syrtynan tamashalaý - óte qyzyq kórinis.

Qolǵap pen túıme
Birneshe jup ortaǵa shaqyrylady. Er adamdarǵa qalyń qysqy qolǵaptar beriledi. Al qyzdardyń kıiminiń ústinen kóılek nemese halat kıgiziledi. Er adamdar seriktes áıeliniń ústindegi túımelerdi qolǵappen tez taǵyp shyǵýy tıis.

Jańajyldyq tilekter saıysy
5 qatysýshyny ortaǵa shaqyramyz. Olardyń árbireýi kezekpen bir jańajyldyq tilek aıtýy tıis. Bes sekýndtan artyq oılanǵan oıynshy oıynnan shyǵarylady. Sońyna deıin jetken adam jeńedi.

Kúldirgish
Árbir oıynshy bir esimnen alady, mysaly, muz, oıynshyq, qar, shyrsha t. b. Júrgizýshi barlyǵyn aınalyp júrip, túrli suraqtar qoıady: «- Sen kimsiń? - Shyrsha. - Búgin qandaı meıram? - Muz. - Mynaýyń ne? (murnyn kórsetip) – Oıynshyq. Árbir oıynshy barlyq suraqqa ózine berilgen «esimmen» jaýap berýi tıis, jáne de ol sózdi qajetinshe septeýine bolady. Oǵan qosa, jaýap bergende, kúlýge tyıym salynady. Kim kúlip jiberse, oıynnan shyǵady. Jeńilgenderge túrli jaza taǵaıyndalady: óner kórsetedi, bir nárse alyp keledi, jasap beredi t. s. s.

Jańa jyl!!!
áni: Sáken Dáribaev
sózi: Saılaýbaı Toılybaev
1
Kók shyrshamyz yrǵalyp,♫
Jatyr dala - qyr naǵyp
Jylym keldi appaq júzi nurlanyp!

Jarasatyn elime,
Tórlet jylym tórime!
Beıbit jatqan qazaǵymnyń jerine!

Qaıyrmasy:
Jańa jyl! Jańa jyl! Jańa jyl!
Aq kórpesin jamyldy ǵoı dala - qyr.
Jańa jyl! Jańa jyl! Jańa jyl!
Shalqytaıyq shattyq án men jańa jyr.

2
Shyrshamyzǵa sham jaǵyp,
Qaraımyz ǵoı tamsanyp,
Bı bıleıik, al qánekeı án salyp!

Aıaz ata ánimiz,
Aqshaqaryń sánimiz,
Qarsy alaıyq jańa jyldy bárimiz!
3
Kúlimdesin kúnimiz,
Jalyndasyn júzimiz,
Qýanyshpen kelsin Jańa jylymyz!

Jańa jylym shattyǵym,
Araılanyp atty kún,
Tileıikshi elimizge sátti kún!