InfoHub Logo

2017 jyly Jerden 36 000 kılometr bıiktikte orbıtadan túsirilgen alǵashqy sýretter. Sýretterdi Muhıt jáne atmosferalyq zertteýler ulttyq basqarmasy jarıalaǵan.

GOES-16 spýtnıgi ár 15 mınýt saıyntutastaı jarty shardy joǵary sapada túsire alady. Ol ǵalymdar men meteorologtarǵa aýa raıyn baqylap, tabıǵat apatyn joǵary dáldikpen aldyn ala boljaýǵa múmkindik beredi.

Karıb araldary jáne AQSH-tyń ońtústik-shyǵys bóligi.

GOES-16 spýtnıgi sýretteriniń sapasy dál osy serıa spýtnıkteri túsirgen fotosýretterden 4 ese joǵary bolsa, jumys isteý jyldamdyǵy 5 ese artyq.

Qazirgi ýaqytta spýtnık Jer betinen 36 000 kılometr bıiktikte. Dál osy sebepti ol bizdiń ǵalamsharymyzdy bútindeı sýretke túsire alady.

Salystyrma úshin, Halyqaralyq ǵarysh stansıasy 400 kılometr bıiktikte ornalasqan.

GOES-16 spýtnıgi 2016 jyly qarasha aıynyń 19 juldyzynda Kanaveral múıisindegi ǵarysh aılaǵynan ushyrylyp, eki aı kóleminde jumysqa jaramdylyǵy tekserilgen.

Endi ol bir jyl boıy synaq merziminen ótkizilmek. Mejeli ýaqyt jetkennen soń, spýtnıktiń qaı jerde anaǵurlym tıimdi bolary anyqtalyp, jańa orbıtaǵa aýystyrady.

Bul 16 paneldi sýret AQSH-tyń kontınenttik bóligin eki anyq kanalda, tórt jaqyn ınfraqyzyl oblysta jáne negizgi oblystyń 10 ınfraqyzyl kanalynda kórsetedi. Bul kanaldar bult atmosferadaǵy sý býy, tútin, muz nemese janartaý kúlin anyqtaýǵa múmkindik beredi.

 

---