Topsasy jumyr tobylǵy tomsaryp alyp keledi,
Tolaıym myna tirlikti tobylǵy taıaq kóredi.
Tolǵanyp júrgen beıbaqqa,tobylǵy taıaq til bitse:
- Aldyńda or bar, aıaýlym,beri júr, beri! -der edi
Kórinbeı oǵan kóktem túr,kórinbeı nur tur sebelep,
Top qyzdar ótip barady -toptanyp ushqan kóbelek.
Janarsyz adam keledi,attaı da almaı jaqsylap,
Tozyǵy jetken asfáltty,tobylǵymenen shegelep.
İzdeıdi kózin basynan,izdeıdi kózin aıaqtan,
İzdeıdi kózin qolynan,izdeıdi kózin taıaqtan.
Janarsyz adam keledi...janarly beıqam tirlikten,
Janaryn daýlap,dúnıeni taıaqpen túrtip oıatqan.

---