InfoHub Logo

Taqyryby: «Jaqsy kóńil - kúı - jan azyǵy» 
Maqsaty: Muǵalimderdiń psıhıkalyq kóńil - kúılerin kóterý, shyǵarmashylyq qabiletterin baǵalaı bilý, ózderine qurmetpen qaraý, durys qarym - qatynas ornata bilý.
Trenıń sabaq qurylymy:
1. Tanysý
2. Ádisteme «Meniń minezim»
3. «Men - úıde» jáne «Men - jumysta» jattyǵýy
4. «Tıimdi qarym - qatynas ornatý» jattyǵýy
5. «Ystyq kartop» jattyǵýy
6. Relaksasıalyq jattyǵý «Sarqyrama»
7. Qorytyndy «Kún shýaǵy» jattyǵýy
Trenıń barysy: Sálemetsizder me! Búgingi ótkiziletin psıhologıalyq trenıńke qosh keldińizder! Búgin sizderdiń psıhıkalyq kóńil - kúılerińizdi kóterýge, óz boılaryńyzdaǵy shyǵarmashylyq qabiletterińizdi baǵalaı bilýge, óz - ózińizge qurmetpen qaraýǵa, bir - birimizben syılastyq qarym - qatynasta bolýǵa arnalǵan trenıńke uıymshyldyqpen qatysýǵa shaqyramyn.
Toptaǵy qaǵıda:
1. Belsendilikti arttyrý
2. Birigip jumys isteý
3. Bir - birine kedergi keltirmeý
4. Óz oıyńdy ashyq aıta bilýge úırený
5. Ózińe paıdaly nárseni alý
6. Áriptestermen jaqsy qarym - qatynasta bolý
7. Ózin erkin ustaýǵa úırený
1. «Tanys bolaıyq!» jattyǵýy
Maqsaty: Ózin tanystyrý, ujymǵa beıimdelý, aınalasyndaǵylarmen birlesip jumys jasaýǵa oń baǵyttalý.
2. Ádisteme: «Meniń minezim»
Maqsaty: Ózine degen senimdiligin, ózin tanýǵa degen qabiletterin anyqtaý.
Árbir qatysýshy bilezikteı sheńber syzyp, ony tórtke bóledi.
Ár bólikke tómendegi janýar, ań, qus attaryn jazyp shyǵady.
Túıe, Jylqy, Sıyr, Qoı, Eshki, It, Mysyq, Taýyq, Qaz, Aqqý, Qarlyǵash,
Úırek, Bulbul, Arystan, Qasqyr, Túlki, Maımyl, Qoıan, Taýeshki, Tasbaqa,
Jylan, Balyq.
Sońynda 1. Úıde, 2. Jumysta, 3. Joldastarynyń arasynda, 4. Ózindik baǵa dep bólingen bólikterge jazylǵan janýarlar, qustar adamnyń sol bólikke qatysty minezdemelermen tanysady.
Jaýaby:
1. Túıe - shydamdy
2. Jylqy - tektilik
3. Sıyr - ókpelegish
4. Qoı - jaıdarlylyq
5. Eshki - uıymdastyrýshylyq
6. It - adaldyq
7. Mysyq - bıórisi basym adamdar
8. Taýyq - shyǵarmashyl
9. Qaz - tazalyq
10. Aqqý - sezimtal
11. Qarlyǵash - baýyrmal
12. Úırek - uqyptylyq
13. Bulbul - ándi jaqsy kóretin
14. Arystan - qaıratty
15. Qasqyr - jigerli
16. Túlki - beıimdelgish
17. Maımyl - ártistik qabileti bar
18. Qoıan - elgezek
19. Taýeshki - talǵamy joǵary
20. Tasbaqa - meıirimdi
21. Jylan - salqynqandy
22. Balyq - erkindikti qalaıdy
Taldaý: jattyǵýdan alǵan áserińiz? Ózińizdi teńeý qıyn boldy ma?
3. «Men – úıde» jáne «Men – jumysta» jattyǵýy (10 mınýt)
Qazir sizder paraqty eki baǵanǵa bólińizder. Birinshi baǵanaǵa «Men úıde» dep, al ekinshi baǵanaǵa «Men jumysta» dep jazyńyzdar. Osy eki baǵanany sol jerdegi minez - qulyqtaryńyz ben júris - turystaryńyzdy jazyńyzdar.
Talqylaý:
1. Osy jaǵdaılardaǵy minez - qulyqtaryńyz ben júris - turystaryńyzdyń uqsastyqtary men aıyrmashylyqtary týraly qorytyndy jasańyz.
2. Qaı baǵanany toltyrǵan ońaıǵa soqty? Qaı baǵana kópteý boldy?
3. Ne sebepti aıyrmashylyqtar bolady?
4. Bul baǵanadaǵy jaǵdaılar sáıkes kelý kerek pe? Nege?
4. «Tıimdi qarym - qatynas ornatý» jattyǵýy.
Ortaǵa 6 muǵalim shaqyramyn. Sizderge tapsyrmalar beriledi. Tapsyrmalardy únsiz oqyp, verbaldyq emes qarym - qatynas quraldarynyń kómegimen jaǵdaıattardy oınap shyǵýy tıis. Basqa qatysýshylar ne jaıly «baıandalyp» jatqanyn sheshýleri kerek.
5. «Ystyq kartop» oıyny
Maqsaty: Qatysýshylardyń kóńil - kúılerin kóterý.
Qatysýshylar sheńber quryp turady. Aldyn - ala daıyndalǵan suraqtar qaǵazǵa jazylyp, dóńgelek pishinde ýmajdap, ystyq kartop daıyndaımyz. Qarqyndy áýen qosylady da, qatysýshylar ystyq kartopty jyldam bir - birine beredi. Áýen toqtatylǵan kezde ystyq kartop kimniń qolynda bolady sol adam tez qaǵazdy ashyp, jazylǵan suraqqa jyldam jaýap berýi tıis. Suraqtar:
Búgingi kóńil - kúıiń?
Seniń súıikti taǵamyń?
Seniń hobbıiń?
Sporttyń qaı túrin unatasyń?
Qandaı kıim úlgisin unatasyń?
Jyldyń qaı mezgilin unatasyń? Ne úshin?
Qaı tústi unatasyń?
Jyldyń eń qysqa aıy?
Kaktýs gúline uqsaıtyn jándik?
Súıikti ániń?
«A» dybysynan bastalatyn bes zatty ata?
Keri oqyǵanda týra maǵynany beretin adamnyń dene múshesi?
Saǵan unaıtyn kıno?
Súıikti ánshiń?
6. «Sarqyrama» relaksasıalyq jattyǵýy
Maqsaty: qatysýshylardyń ózderin sergek sezinýine kómektesedi.
Bul medıtatıvtilik tehnıka denedegi qysymdy túsirýge baǵyttalǵan, mýzykamen oryndalady.
Júrgizýshi: «Jaılanyp otyryńyz jáne kózińizdi jumyńyz. 2 - 3 ret demińizdi shyǵaryńyz, dem alyńyz. Ózińizdi sarqyramanyń janynda turmyn dep elestetińiz. Biraq bul basqa sarqyramalarǵa uqsamaıtyn erekshe sarqyrama. Sýdyń ornyna bul sarqaramadan jup - jumsaq appaq jaryq aǵýda. Endi ózińizdi osy sarqyramanyń astynda turmyn dep oılańyz jáne osy sarqyramadan sizdiń basyńyzdan tómen qaraı aq jaryqtar aǵyp jatyr dep oılańyz… Ózińizdiń mańdaıyńyz, aýyzyńyz, betińiz ben moınyńyzdan aǵyp jatqan aq ulpa jaryqty sezinińiz… Aq jaryq sizdiń ıyqtaryńyz ben arqańyzdan aǵyp jatyr, bul sizge ózińizdi jaıly sergek sezinýińzge kómektesedi. Arqańyzdan aqqan aq jaryq sizdiń arqańyzdaǵy aýyrtpalyqty alyp ketkendeı bolady…
Sonymen qatar jaryq sizdiń qoldaryńyz ben alaqandaryńyzdan jáne saýsaqtaryńyzdan aǵyp jatyr. Sizdiń qoldaryńyz ben alaqandaryńyzdyń jumsaq ári sergek bolǵandyǵyn sezindińiz. Jaryq sizdiń aıaqtaryńyz ben óksheńizden aǵyp ketip jatqandyǵyn sezindińiz. Bul jaryq sizdiń deneńizdegi qysymdy ózimen birge alyp ketip, deneńizdi jup - jumsaq ári sergek etýde. Siz ózińizdi jaıly sezinýdesiz, sizdiń deneńiz jaǵymdy kúshter men qýattarǵa baıýda… (30 sekýnd). Al endi, sizdiń boıyńyzdy taratqan sarqyramaǵa óz alǵystaryńyzdy bildirińiz. Deneńizdi tik ustap, kózińizdi ashyńyz».
Taldaý: Qandaı sezimde boldyńyz? Ne sezindińiz?
7.«Kún shýaǵy» jattyǵýy
Maqsaty: pozıtıvti kóńil - kúı ornatý.
Barysy: árbir qatysýshynyń aldyn ala daıyndalǵan kúnniń beınesi daıyndalǵan. Kúnniń ishine jáne sáýlesine qatysýshylar bir birine óz tilekterin jazady.
Qorytyndy: Bizdiń jattyǵýlarymyz aıaqtalýǵa jaqyn qaldy. Men sizderdiń barlyǵyńyzǵa qatysqandaryńyz úshin rızamyn. Men sizdermen jumys jasaǵanyma óte qýanyshtymyn.
Trenıńke qatysqandaryńyzǵa raqmet! Saý bolyńyzdar!
Týrganbaeva Nýrsaýle Týrakbaevna
Pedagog - psıholog, №6 jalpy bilim beretin mektep,
Quryq aýyly, Mańǵystaý oblysy