InfoHub Logo

Mektepke deıingi jastaǵy balanyń mektepke daıyndyq deńgeıin dıagnostıkalaý
Maqsaty: Oqýshylardyń mektepke beıimdelýin qalyptastyrý, psıhologıalyq jeteleý.
İ. A. R. Lýrıanyń qysqa merzimdi este saqtaý qabiletin anyqtaý.
Bir - birine uqsamaıtyn, bir - birine baılanyspaıtyn 10 sóz daıyndaımyz.
Mysaly: ıne, orman, sý, kese, ústel, sańyraýqulaq, saty, pyshaq, nan, eden, qumyra.
Nusqaý: «Qazir men saǵan sózder oqımyn, al sen esińde saqtaǵanyńdy maǵan qaıtalap beresiń. Meni muqıat tyńda. Men oqyp bolǵannan keıin birden qaıtala. Daıynsyń ba?
Oqımyn. Osydan keıin 10 sózdi naqty aıtyńyz, balaǵa qaıtalaýdy usynyńyz. Sózderdiń orny aýyssa bolady. Osy jaǵdaıdy 5 ret qaıtalańyz. Ár atalǵan saıyn sózderge h belgisin qoıyńyz. Hattamaǵa nátıjesin engizińiz. Bala neshinshi ret qaıtalaǵanda kóp sózdi esine saqtap aıtqanyn anyqtańyz. Osydan keıin balaǵa mynadaı minezdeme berýge
bolady.
A) Eger bala bastapqyda kóp sóz aıtyp, keıin sóz tizbegin azaıtsa, onda zeıinniń shashyrańqylyǵyn, umytshaqtyqty bildiredi.
B) Birde joǵary, birde tómen zıgzag formasyn kórsetse, zeıinniń turaqsyzdyǵyn kórsetedi.
V) «qısyq» formada bolsa, emosıalyq álsizdikti, qyzyǵýshylyqtyń joqtyǵyn kórsetedi.
İİ. Operatıvti júıeliliktiń damý deńgeıin anyqtaý ádistemesi.
Nusqaý: «Tablısaǵa muqıat qara». Ol birneshe torkózge bólingen. Ondaǵy fıgýralar ár túrli jáne formalary da ár túrli. Barlyq fıgýralar belgilengen retpen ornalasýy qajet: ár fıgýranyń óz orny, óz torkózi bar.
Endi tablısanyń ortasyna qara. Munda kóptegen bos torkózder bar. Seniń
tablısanyń astyńǵy jaǵynda 5 fıgýra bar.
Qaı fıgýra qaı torkózde turý kerektigin qara jáne maǵan aıtyp ber. Fıgýralardy ornalastyr. Myna fıgýra qaı torkózde bolý
qajet?
Baǵalaý 10 balmen esepteledi. Árbir keste 2 baldan alynyp tastalady.
İİİ. Obrazdyq qıalyn anyqtaýǵa arnalǵan ádisteme
Balaǵa kezekpen qıylǵan sýretter beriledi.
A) Nusqaý: «Eger sen osy bólikterdi durys qurastyrsań, onda ádemi ul balanyń sýreti shyǵady, qane tezirek orynda»
Baǵalaý:
10 bal – 15 sekýndqa 5 bal – 50 sekýndqa
9 bal – 20 sekýndqa 4 bal – 70 sekýndqa
8 bal – 25 sekýndqa 3 bal – 90 sekýndqa
7 bal – 30 sekýndqa 2 bal – 110 sekýndqa
6 bal – 40 sekýndqa 1 bal – 130 sekýndqa
İÚ. Ádisteme. «Kórsete otyryp tústerdi ataý»
Ár túrli túste 10 úlestirme ázirleńiz: qyzyl, qyzǵylt - sary, sary, jasyl, kógildir, kók, kúlgin, aq, qońyr, qara.
Balaǵa úlestirmeni kórsetip surańyz: «Úlestirme qandaı túske boıalǵan». Durys aıtylǵan
10 úlestirmege – 10 bal. Árbir qatege 1 baldan tómendetý qajet.
Ú. Ádisteme. «Qozǵalysty qaıtalaý»
Nusqaý: «Myna sýretke muqıat qar jáne dál osyndaı sýret sal. Myna jerge (kórsetińiz)». Bala blankte salynǵan sýretti jalǵastyrýy qajet. Kezekpen 6 blank beriledi. Árbir durys oryndalǵan tapsyrmaǵa – 1 bal. Shamamen 6 bal bolýy kerek.
Balanyń mektepke daıyndyq koefısıenti júrgizilgen ádistemeniń sanyna qaraı baldyq júıemen anyqtalady. Mektepke daıyndyq koefısıenti - 1 balǵa deıin qanaǵattanarlyqsyz, 3 – balǵa deıin – nashar, 5 balǵa deıin – jaqsy, 6 bal – óte jaqsy

Týrganbaeva Nýrsaýle Týrakbaevna
Pedagog - psıholog, MKQK «Aıgólek» balabaqshasy
Quryq aýyly, Mańǵystaý oblysy