InfoHub Logo

(Kórinis)

(Sahnaǵa Qoıan shyǵady.​ Ózi qorqyp,​ jan-jaǵyna qarap,​ jeıtin nárse izdep turǵanda,​ artynan bireý «kýkký» dep aıǵaı salady.​ Qoıan qoryqqanynan yrshyp túsedi. Sosyn aqyryn qarasa, bir kishkene qus eken.)​
Qus:
— Qoıan,​ qoıan!​ Qorqaq qoıan!​ Qaıda shyqtyń?
Qoıan:
— Qaıda shyǵýshy em?!​ Jem izdep shyqtym.​ Balalarym ash. Biraq qoryqpaı shyǵýǵa áldene bas salardaı,​ júregim dúrsildep tur.
Qus:
— Al sen nege tek jaman oılaı beresiń? Nege jaqsy oı oılamaısyń?
Qoıan:
— Jaqsy oı?​ Ol ne úshin qajet?
Qus:
— Mm,​ mysaly qazaqta «Jaqsy oı — jarym yrys» degen sóz bar. Iaǵnı, jaqsy oılasań,​ jaqsy nárseler bolady. Al jaman oılasań,​ jaman nárseler bolady.
Qoıan:
— «Qoryqqanǵa qos kórinedi» - degen maqaldy bilem.​ Biraq qorqa berem.​
Qus:
— Aldymen jaqsylyqqa senýdi úıren.​ Sosyn qoryqpaıtyn bolasyń!​ (Qus ushyp ketedi. Oılanyp qalǵan qoıan, aldymen Qarsaqqa keledi.)
Qoıan:
— Qarsaq,​ Qarsaq!
Qarsaq:
— O,​ qorqaq Qoıan qonaqqa kelgen be? «Jep qoıady» dep qoryqpaısyń ba?
Qoıan:
— Qoryqpaımyn!​ Men «Qoıandardyń quqyn qorǵaıtyn» uıym quraıyn dep sheshtim. Áıtpese ormanda júre alatyn túrim joq.​ Qorqa,​ qorqa batyr​ boldym. Bizdiń uıymǵa kiresiń be?​
Qarsaq:
— Kirsem ne bolady?
Qoıan:
— Kirseń saǵan ormanda meniń ruqsatymsyz eshkim tıise almaıdy!
Qarsaq kúlip:
— Jaraıdy - deıdi.
Qoıan:
— Uıymǵa kirgen ań,​ biz kómek suraǵanda birden kómek bermese,​ uıymnan shyǵady.
Qarsaq:
— Kelistik!
Sosyn Qoıan Qasqyrǵa keledi.
Qoıan:
— Qasqyr,​ qasqyr! Men «Qoıandardyń quqyn qorǵaıtyn uıym quraıyn»- dep sheshtim. Bizdiń uıymǵa kiresiń be?​
Qasqyr:
— «Qum jıylyp — tas bolmas, qul jıylyp — bas bolmas!»- degen.​ Qoıandar jıylyp patshalyq quraıyn dep jatyrsyńdar ma?​ Ha-ha-ha!​ (kúledi)
Qoıan:
— Qaseke,​ kim bizdiń uıymǵa kirip, qoıandarǵa qamqor bolady,​ sol jamandyqtan amandyqta bolady! Oılanyńyz?! Jaraıdy,​ men kettim.​
Qasqyr:
— Eı,​ uzynqulaq!
Qoıan:
— Qaseke,​ siz meniń jeke basymdy kemsitip tursyz!​ Bul sózińiz úshin sizdi ormannan alastatyp jibere alamyn. Baıqap sóıleńiz!
Qasqyr:
— Qalaı alastatasyń? Eger men seni dál qazir jep qoısam?! (aqyryn qoıanǵa jaqyndaıdy)
Qoıan:
— Qarsaqtar! Alty Qarsaq atyp shyǵyp,​ Qoıandy qorshap turady.​
Qasqyr:
— Mm,​ ne ǵoı?!​ Men ázildegem. Uıymǵa kirse nesi bar?​ Esesine dostarym kóbeıedi. Kiremin uıymǵa!
Qoıan:
— Raqmet!-dep ary qaraı ketedi.​ Aldynan Jolbarys shyǵady.​ Jolbarys Qoıandy bas salýǵa júgirip kele jatsa,​ Qoıan:
— Eı,​ Jolbarys!​ Andaǵy jerde tur!​ Maǵan jaqyndama!​ - dep aıqaılaıdy.
Jolbarys:
— Mynaý rasynda bizdiń qorqaq,​ uzynqulaq,​ qylı qoıan ba? Bul nege batyrsynyp tur?
Qoıan:
— Jolbarys myrza,​ men qazir qorqaq Qoıan emespin! Úsh «Q» uıymynyń basshysymyn!​ Jeke basymnyń quqyn taptamaı,​ abaılap sóıleńiz!- dep ses kórsetedi.
Jolbarys:
— Úsh «Q»?​ Ol ne uıym taǵy?
Qoıan:
— Qasqyr,​ Qarsaq,​ Qoıan úıirlerinen turatyn,​ dostyq uıymy! Eger ormanda qandaı da bir jyrtqysh ań qoıandarǵa tıisse,​ osy uıymnyń músheleri túgel baryp talap jeıdi. Senbeseńiz, shaqyraıyn..?!
Jolbarys:
— Ooo,​ sen jaı Qoıan emes,​ aqyldy Qoıan boldyń ǵoı? Jaraısyń!​ Basyń isteıdi eken.​ Meni de sol uıymǵa qosa sal!​ Tegin astan qur qalmaıyn...
Avtor:
​ ​ ​ —​ ​ Osylaısha durys, jaqsy oılaýdy úırengen Qoıan,​ eń myqty ańdardy óz uıymyna kirgizip,​ Qoıandardyń quqyn qorǵaǵan eken!​ Al sender qalaı oılanyp júrsińder balaqaılar? Neden qorqyp júrsińder?​ Eger durys,​ jaqsy oı oılasańdar,​ aldaryńa taýdaı maqsat qoısańdar,​ sender de osy Qoıan sekildi óz armandaryńa jetesińder!
​ ​ ​ ​ ​
Gúlmeken Qasenbaı.

---