InfoHub Logo

1-Avtor:

— Almaty degen shaharda, Jámıla degen qyz ómir súripti.​ Birde Jámıla kóshede kele jatyp,​ joldan 10 000 teńge taýyp alady. Osy kezde onyń mıynda, eki túrli oıdyń tartysy bastalady.
(Sahnaǵa aq kıim kıgen eki qyz jáne qara tústi kıim kıgen eki  qyz shyǵady.)
1-shi Aq Oı:
— Jámıla,​ eshqaıda ketpeı,​ osynda tosa tur.​ Aqshasyn joǵaltqan adam qazir keledi.
1-shi Qara Oı:
— Jámıla,​ aınalańa qarashy?​ Eshkim joq!​ Al da kete ber! Kim seni kinálaıdy?​ Eshkim!​ Tez,​ ketip qal.​ Jyldam!
2-shi Aq Oı:
— Jámıla,​ tóbeńnen Jaratqan Ień qarap tur.​ Eki ıyǵyńdaǵy perishteler jazyp jatyr.​ Ana dúnıede jaýap beresiń!​ Ketpe! Tur osynda!
Jámıla:
— Jaqsy, kútemin.​ Iesine qaıtaryp beremin.
2-shi Qara Oı:​
— Qap,​ myna qyzdyń qyrsyǵyn-aı!​ Qazir..​ (júgirip ketip qalady da, balmuzdaq satýshyny alyp shyǵady.)
Balmuzdaq satýshy:
— Balmuzdaq satam,​ balmuzdaq!​ Dámi til úıiredi.​ Jańǵaq qosylǵany, qulpynaı,​ tańqýraı qosylǵany,​ shokoladty,​ shokoladsyzy bar.​
(Jámıla aqshaǵa bir, balmuzdaq satýshyǵa bir qarap alyp, birneshe márte oqtalyp, biraq almaı qaıtyp ketedi.)
Satýshy:
— Áı,​ qyz!​ Alasyń ba? Alsań jyldam alyp al,​ sosyn qaıta kelmeımin.
Jámıla (tamsanyp):
— Mmm, qap,​ ne ǵoı.​ Jaraıdy,​ eshnárse emes! (Óz-ózin zorǵa ustap, turyp qalady. Satýshy ketip qalady. Yza bolǵan 2-shi Qara Oı, kıim satatyn saýdagerdi ertip keledi.)
Saýdager:
— Kóılek satam kóılek!​ On myńǵa eki kóılek beremin. Qyzyly bar,​ jasyly bar.​ Jyltyry bar,​ asyly bar.​ Alam deseń alyp qal!​ Munda qaıta kelmeımin!​ Endi arzanǵa bermeımin!
(Jámıla kóılekterge qyzyǵyp qarap qalady.)
Saýdager:
— Áı,​ qyz!​ Alasyń ba? Eger almasań qaıttym?!
Jámıla:
— Joq,​ raqmet! Almaımyn!
(Saýdager ketip qalady. 1-shi Qara oı  aspazdy ertip shyǵady.)
Aspaz:
— Dámdi bálish bar.​ Tátti kúlshe bar.​ Anańa aparyp ber de,​ alǵysyn al!​
(Jámıla júgirip baryp, turyp-turyp qaıtyp ketedi.)
Aspaz:
— Ádemi qyz!​ Anańa tátti bálish almadyń ba?​ Nege aınyp qaldyń?
Jámıla:
— Raqmet apaı!​ Kelesi joly alarmyn.​ (Tura beredi.​ Osy kezde sahnaǵa bir qyz shyǵyp,​ jerden áldene izdegendeı bolady. Jámıla qasyna jetip barady.)
Jámıla:
— Sińlim,​ ne izdediń?
Qyz:
— On myń teńgemdi túsirip aldym. Anam ursatyn boldy.(Jylamsyraıdy.)
Jámıla:
— Jylama,​ aqshańdy men taýyp aldym.​ Kelgeniń qandaı jaqsy boldy! (Qýanyp, qyzǵa aqshasyn qaıtaryp beredi. Osy kezde fan-fara oınap, sahnaǵa blogerler shyǵady.)
1-shi bloger:
— Qaryndasym,​ jaraısyń!​ Esimiń kim?
Jámıla:
—Jámıla!
2-shi bloger:
— Jámıla,​ bul «prank» bolatyn. Iaǵnı «oıyn».​ Seni teksergimiz keldi.​ Myna 10 000 teńge seniki!​ Oǵan qosa myna 20 000 da!​
3-shi bloger:
— Saǵan osyndaı durys tárbıe bergen anańa myń alǵys! 
4-shi bloger: 
— Saǵan tátti bálish! Ózińe ádemi kóılek. Úlken balmuzdaq syıǵa beremiz! Júr,  úıińe jetkizip qoıaıyq?! 
(Jámıla qýanǵannan bir jylap, bir kúledi.​ Barlyǵy ony quttyqtap, ýlap-shýlap shyǵyp ketedi. Sahnaǵa Aq Oı men Qara Oı qaıta shyǵady.)
1-shi Aq Oı:
— Qara Oı,​ jeńildiń be?! Únemi seniń jolyń bola bermeıdi.​ Qazir adal, jaqsy jastar kóp! Shúkir!
1-shi Qara Oı:
— Ia,​ bir jolǵa senen jeńile turaıyn.​ Kelesi joly mindetti túrde jeńemin! (Ketedi)
Avtor:
— Qurmetti oqýshylar! Eger sender de aqsha taýyp alsańdar,​ qaı Oıdyń tilin alar edińder?​ Kim nápsiniń tilin alady,​ ol shyǵynǵa ushyraıdy.​ Kim aqylǵa baǵynady,​ mol syıǵa keneledi!​ Oılanyńdar!

(Ketedi.)

G. Qasenbaı 

---