InfoHub Logo

Jalpy bilim beretin mektep oqýshylary arasynda ótetin aımaqtyq - 5 - shi «Jarqyn bolashaq» baıqaýynyń senarıi

Maqsaty: Qazaqstan Respýblıkasynyń «Bilim týraly», «Qazaqstan Respýblıkasyndaǵy til týraly» Zańdaryn, el Prezıdenti N. Á. Nazarbaevtyń «Qazaqstan - 2050» strategıasy – qalyptasqan memlekettiń jańa saıası baǵyty atty jańa Qazaqstan halqyna Joldaýyn júzege asyrý, básekege qabiletti jas urpaqty tárbıeleý, oqýshylardyń memlekettik tilge, qazaq halqynyń ádebıetine, mádenıetine, ónerine, ulttyq qundylyqtaryna degen súıispenshiligin arttyrý, ony qasterleýge baýlý.
Ótetin jeri: Qazaq - túrik lıseı - ınternatynyń jıyn zaly
Ótkiziletin ýaqyty: 9 aqpan 2013 jyl, saǵat 10. 00
(Qazaqtyń ásem ulttyq áýeni oınap turady, sahna bezendirilgen, banner ilingen)
Fanfara (2 júrgizýshi shyǵady)

1 - shi júrgizýshi: Qosh keldińizder, qurmetti ádebıetti, ónerdi, tildi súıetin qaýym, aıaýly ustazdar men ardaqty oqýshylar, búgingi oqýshylardyń ónerin tamashalaýǵa kelgen ata - analar men jankúıerler!
2 - shi júrgizýshi: KATEV Halyqaralyq koǵamdyq qorynyń bastamasymen oblystyq bilim basqarmasy jáne Jezqazǵan qalasy daryndy balalarǵa arnalǵan oblystyq qazaq - túrik erler lıseı - ınternatynyń uıymdastyrýymen jalpy bilim beretin mektep oqýshylary arasynda ótkiziletin «Jarqyn bolashaq» 5 - shi Respýblıkalyq qazaq tili olımpıadasyna qosh keldińizder!

1 - shi júrgizýshi: «Jarqyn bolashaq» 5 - shi Respýblıkalyq qazaq tili olımpıadasynyń aımaqtyq kezeńine Jezqazǵan, Sátbaev qalalary men Ulytaý aýdany mektepterinen 100 - den astam oqýshy qatysyp, óner dodasynda baq synady. Búgin aımaqtyq baıqaýǵa aýdandyq, qalalyq mektepterden «Júzden – júırik, myńnan - tulpar» shyqqan 24 oqýshy qatysqaly otyr.

2 - shi júrgizýshi: «Jarqyn bolashaq» 5 - shi Respýblıkalyq qazaq tili olımpıadasynyń aımaqtyq kezeńin ashyq dep jarıalaımyz.

(QR ÁNURANY OINALADY)
1 - shi júrgizýshi: Daýǵa salsa almastaı qıǵan, sezimge salsa qyrandaı qalqyǵan, oıǵa salsa qorǵasyndaı balqyǵan Ana tilinen artyq qazaq úshin bul dúnıede qymbat ne bar eken?!
Bul jandy til – meniń azat tilim,
Jadymda talmaı samǵar qanat tilim.
Birlik, dostyq, tatýlyq júregi bop
Jasaı ber, Ana tilim – Qazaq tilim!

2 - shi júrgizýshi: Janyn sap, halqyn súıip, baqqan tilim,
Jalyqpaı qupıalar ashqan tilim!
Jahannyń tórt buryshy túgel tanyp,
Jat jurttan da dostaryn tapqan tilim!