InfoHub Logo

Bóten jan joq bul jerde,
Qyzady dýman dúrkirep.
Aıtylar úılengenderge
Aıshyqty bata, nur tilek.

Syzylǵan jibek minezi,
Kóńilin jurttyń yrza ǵyp.
Tabysyn tátti tilegi,
Baqyttan júzi tur janyp.

Qutty bolsyn qadamy,
Aǵaıynnyń bári máz.
Ashyq eken ajary,
Jaıma-shýaq, jany – jaz.

Perishtedeı qyz eken,
Qudaı bergen peıilge.
Tilekke jetik tilegen,
Nur jaýsyn appaq kelinge.

Jan eken ózi túsi ıgi,
Aınaldym balapanymnan.
Aıalap baqyt qusyńdy,
Túsirme alaqanyńnan!

*** *** *** *** *** ***

Qýanyshtan
Tolqıdy myna júrek,
Óris keńip –
Jatyrmyn qudaly bop.
Ashyq eken qabaǵy kelinjannyń,
Jurt kóńilinen oılaımyn shyǵady dep.

Aıtyp jatyr el túgel pák tilegin,
Bereke men keledi baq tilegim.
«Aıaǵynan kelinniń» degen sóz bar,
Ótsin dáıim aıalap, naqsúıerin!

Deıdi eken
«Toı – qudaıdyń nesibesi»,
Órleı bersin
Jastardyń kóshi, qosy.
Tatý-tátti eki jas ǵumyr keship,
Este qalsyn máńgige osy keshi.

Qamqor bop,
Meıirban bop bir-birine,
Jamanshylyq kórmesin tirliginde.
Birligine búkil jurt qolyn soǵyp,
Yrza bolsyn kóktegi nurly kún de.

*** *** *** *** *** ***

Kelin bop túsken búgin ádemi qyz,
Úlkenge túzý bolsyn sálemińiz!

*** *** *** *** *** ***

---