InfoHub Logo

«Jasa, Qazaqstan»
Tárbıe saǵaty
Maqsaty: Táýelsizdik týraly tereń maǵlumat berý. Ata - babamyzdyń táýelsizdik jolyndaǵy erligin úlgi etip, óz Otanyn súıýge, eline, halqyna qyzmet etýge tárbıeleý. Elimizdiń táýelsizdigin atap ótý qarsańynda el tarıhyna sholý jasaý. Táýelsiz elimizdiń jetistikterimen tanystyryp, bilgenderin tereńdetý.
Kórnekiligi: Sýretter, slaıdtar.
Ótetin orny: Akt zaly
Bı: 6 synyp oqýshylary
I júrgizýshi:
Qaıyrly kún, qadirmendi ustazdar, oqýshylar, kesh qonaqtary! 5 – 6 - 8 - 9 synyp oqýshylary jáne tarıh páni muǵalimderi uıymdastyryp otyrǵan «Jasa, Qazaqstan!» atty tarıhı – ádebı keshimizge qosh keldińizder!
Qazaqstan - ulan baıtaq keń dalam,
Qazaqstan - ózińe arnap án salam.
Qazaqstan - ortaq bizdiń úıimiz,
Otanym dep bar álemge jar salam.
II júrgizýshi:
Qazaqstan bizdiń súıikti - Otanymyz. Kórseń kóz toımas asqar shyńdy taýlary, aıdyn shalqar kólderi, jaıyla aqqan ózenderi, ormandary bar. Osynyń bári Altaı menen Atyraý, Aqjaıyq pen Alataýdyń aıasynda qulash jaıyp, jaınaı túrlenip jasanyp - jasaryp jatyr.
Taqpaqtar. 5 – 6 synyp oqýshylary.
I júrgizýshi:
1991 jyldyń 16 jeltoqsany - elimiz úshin erekshe kún. Óıtkeni bul kúni qazaq halqy óz aldyna derbes memleket bolýyn álemge jarıa etti. 1992 QR – nyń memlekettik rámizderi belgilendi. Olar - týymyz, eltańbamyz, ánuranymyz. Bul memlekettik rámizder týǵan halqymyzdyń san ǵasyrlar boıy ańsaǵan erkindik pen bostandyqqa qol jetkizgenin kórsetedi.
II júrgizýshi:
Qazaqstan - kóp ultty memleket. Taǵdyrdyń talaı soqpaǵynan ótken elimizge búginde táýelsizdik alǵanyna 22 jyl tolady. Qazaqstanda túrli halyq qol ustasyp, dostyq jyryn jyrlap, tynysh, beıbit ómir súrip jatyr.
Bir shańyraqta tabysqan,
Dos, baýyr kóp týysqan
Otan - ortaq úıimiz
Kóńildi án men kúıimiz.
Bizdiń bir ǵana otanymyz bar, ol - Qazaqstan! ( qosylyp)
Qazaq: Karına
Qazaqpyz biz týyn bıik kótergen,
Týyn ásem qyran búrkit kómkergen.
Qutty bolsyn merekemiz búgingi,
Jarqyn dalam, qulpyra ber kúnbe-kún!
(Shashý shashylady)
Orys: Samal
Armysyzdar, týǵan jerim, Otanym,
Orys degen ultyńyz men bolamyn.
Ómir súrip Qazaqstan elinde
Dostyq penen beıbitshilik uranym.
Ózbek: Qamshat
Qosh keldińiz, óner súıer halaıyq,
Jarqyn júzben sizderdi qarsy alaıyq.
Quttyqtaımyn ózbek halqy atynan
Merekemiz qutty bolsyn aǵaıyn!
Káris: Farıza
Káris ultym, Qazaqstan – otanym
Qazaqstan elinde men turamyn
Qutty bolsyn táýelsizdik kúni dep ózińizge arnalady jyr - ánim.