InfoHub Logo

Michelin kompanıasy 15 jyl buryn jeli shyǵyp ketpeıtin dóńgelek jasaýdy uıǵarady. Sol kezden beri kompanıa óndirip jatqan prototıpter BAQ ókilderiniń nazaryn jıi aýdaryp keledi, al áskerıler bul tehnologıany 2013 jyldan beri qoldanady – alaıda naryqtyń tutynýshylyq jáne iskerlik segmenti búginge deıin oǵan qol jetkize almaǵan. 

Biraq ózgeris boldy. Ótken jyldyń qarashasynan beri Michelin aýasy joq shınalar men dóńgelekterdi shyǵara bastady, olarǵa «X Tweel» degen ataý berildi – olar qazirdiń ózinde keıbir komersıalyq kólikterge salyna bastady. Michelin tek aýasy joq shınalardy shyǵaratyn fabrıkany qurý úshin 50 mıllıon dollar qarajat jumsaǵan.

Ádettegi pnevmatıkalyq shınalarǵa qaraǵanda, X Tweel deformasıalanatyn polıýretan symdaryn qoldanady, syrtqy bóligi temir men rezeńkeden, al osi tyǵyz metaldan turady. Syrtqy bóligi qysymnyń kóp bóligin ustap qalady, al symdary men osi dóńgelek qandaı da bir kedergiden ótkende túrli bólikterin úlestirip alady.

John Deere – X Tweel tehnologıasyna nazar aýdaryp, ZTrak shóp qyrqý qurylǵysyna qoldanyp júrgen alǵashqy kompanıalardyń biri. «X Tweel ózge shınalarǵa qaraǵanda eki-úsh ese kópke shydaıdy», - deıdi X Tweel menejeri Cheız Tú.

Ázirshe X Tweel baıaý qozǵalatyn tehnıkaǵa qoldanylady. Olardy óndirýdi qarashada bastaǵan fabrıka júk tıeıtin apparattar men shóp qyrqý qurylǵysyna arnaıy óndiredi (úlken jyldamdyqta aýasyz shınalar vıbrasıaǵa ushyrap, zor daýys shyǵarady). Alaıda Michelin óndirisiniń jelisin keńeıtýdi josparlap otyr – tipti avtomobılderge aýasyz dóńgelek jasaýǵa deıin barmaqshy eken.

---