InfoHub Logo

Sabaqtyń taqyryby: «Jeltoqsan jeli yzǵarly»
Sabaqtyń maqsaty: Jeltoqsan oqıǵasyn eske al. Jeltoqsanda qurban bolǵan qazaq jastary jaıyndaǵy derekterdi tanystyra otyryp, tanymdyq oı órisin damytý.
Sabaqtyń tárbıeliligi: Oqýshylardyń elin, jerin, ultyn súıýge tárbıeleý.
Sabaqtyń kórnekiligi: Gazet - jýrnaldar, kitaptar, býkletter, sýretter, qanatty sózder, beıne materıaldar.

Sabaqtyń barysy:
İ. Uıymdastyrý kezeńi:
İİ. Oqýshylardyń nazaryn sabaqqa aýdarý.
Jańa sabaq.
1. Jeltoqsan oqıǵalarynyń sıpaty.
2. Jastar qozǵalysynyń sebepteri.
3. Jappaı jazalaý.

Muǵalimniń kirispe sózi:
Ata - babalarymyz san ǵasyrlar boıy óz eliniń, jeriniń bilimdi, qaıratty, ultjandy, namysshyl, ımandy tulǵalaryn daıyndaýdy arman, maqsat etken. Búgingi paryzymyz da rýhanı ıdeologıalyq - áleýmettik, ekonomıkalyq, ǵylymı - tehnıkalyq ilimderden nár alǵan ǵaryshtap damýyna úles qosatyn jastardy tárbıeleý.

Jeltoqsan árkimniń jadynda, tarıhı ǵasyr jylnamasynda máńgi jazylyp qaldy. Óıtkeni, ol dúnıeni dúr silkindirgen oqıǵa edi. Ol erkindik pen teńdikti talap etken el ulandary – jas jigitter qyzdardyń bas kóterýi edi. Ol ımperıalyq ústemdikke qarsy batyl betpe - bet kelip, narazylyq kórsetýdiń aıqyn belgisi bolatyn. Táýelsizdiktiń túp tamyry «Jeltoqsan» oqıǵasyna tikeleı baılanysty ekendigine eshkim daý aıta almas. «Túbin bilmegen teksiz» degen qazaqtyń ǵajap sózi osyndaıdan shyqsa kerek. Sebebi, táýelsizdiktiń túp tamyry sonaý babalar ar - namysynan týyndap jatqan joq pa? Beıbit sherýge shyǵyp, bılik tarapynan kináli dep sanalǵan jastarymyzdyń bir bóligi qandy qyrǵynda kóz jumsa, aman qalǵandary ózderi ańsaǵan azattyq qyzyǵyn kórip, aramyzda júr. Ýaqyt emshi dep ózimizdi jubatqanymyzben, qyrshyn ketken baýyrlarymyz esimizge túskende jan - jarasy jańǵyryp, qaıǵynyń aıyqpas dertine shaldyqqanyńdy, ishteı tereń sezine túsesiń. Qaırat Rysqulbekov, Lázzat Asanova, Sábıra Muhamedjanova, Erbol Sypataev syndy qandastarymyzdy esten shyǵarý múmkin be?

D. Qonaevty ornynan bosatyp, Respýblıkamyzdyń tizginin elimizdiń ómirinen beıhabar ózge ult ókili G. V. Kolbınge senip tapsyrýyna narazylyqtaryn bildirip, birinshi hatshylyqqa laıyq qazaq azamattaryn Máskeýdiń kózge ilmeýiniń mánisin uqpaı, talap - tilekterin aıtýǵa alańǵa shyqqan jastar munshalyqty alasapyranǵa tap bolamyz dep oılady ma eken?

Tarıhymyzda erekshe orny bar, bárimiz kýási bolǵan, halqymyzdyń qasireti men ar - namysyna, sonymen birge maqtanyshyna aınalǵan 1986 jylǵy jeltoqsan kóterilisti qazaq halqyn dúnıe júzine tanytty. Jeltoqsan oqıǵasy halqymyz úshin qaıǵyly da qaraly kúnder bolyp sanalmaǵanmen, tarıhymyzdyń shejiresine altyn áriptermen jazyldy. Ony el sanasyn oıatýdaǵy, táýelsizdikke talpyntýdaǵy mán - mańyzy óte zor.

1 - oqýshy: Bekasyl.
Jeltoqsannyń kúni qandaı yzǵarly,
Júrekterde jazylmaıtyn syz qaldy.
Ot bop janǵan qazaǵymnyń jastary,
Jalynymen eritipti muzdardy.

2 - oqýshy: Symbat.
Sol muzdarda jandy alaý óshpeıtin,
Erkindikti qashanda el kókseıtin.
Qanymenen tarıhtarda jazylyp,
Qaırattardyń aty qaldy sónbeıtin.
3 - oqýshy; Halyq.
1986 jyl 16 - jeltoqsan. Aq qar. Kók muz. Kún kúrkirep, naızaǵaı shartyldady. Dúnıeniń astań - kesteńi shyqty. Qysqy jasyn. Qysqy naızaǵaı. Aǵash bitken silkinip, balań taldar solqyldap, jas shybyqtar maıysyp qulap qaldy.

4 - oqýshy: Araı.
Jeltoqsanda,
Almatyda,
Alma baqtar aq qyraýǵa batqanda
Kúńirene kún kúrkirep jaý jaqtan
Jaıdyń oty jalań qaqty shatqalda!
Appaq qala, Appaq ǵalam, O, toba!
Naızaǵaılar qar jalap tur jotada,
Bultty ıitip bozdaıdy boz shynarlar,
Buıdalanǵan uqsap jetim botaǵa.

5 - oqýshy: Perızat.
Kim kóripti o zaman da, bul zaman,
Naızaǵaıdy kók aıazǵa qulaǵan.
Keýdelerde úreı – bóri ulıdy,
«Bolsaıshy aman, myna ǵalam din aman!»

6 - oqýshy: Azat.
Qudiretti jaratylystyń kúńirenisi...
Jeltoqsannyń 16, 17, 18. Sumdyq oqıǵalar,
«Ashydy jan!
Tasydy qan!
Arasha!
It qosatyn quldyń uly deımisiń
Aıbyny asqan alty alashtyń balasy!»