Jeltoqsan oqıǵasyna baılanysty qujattyq jınaq jaryq kórdi
Almatydaǵy QR Ulttyq kitaphanasynda «Jeltoqsan. Dekabr. 1986. Dokýmentalnaıa hronıka» atty ǵylymı eńbektiń tanystyrylymy ótti.
Kitap Jeltoqsan oqıǵasynyń 35 jyldyǵyna arnaldy. Jeltoqsan oqıǵasynyń qatparly syrlaryn pash etetin eńbekti qurastyryp, oqyrman qaýymǵa usynǵan — QR Parlamenti Májilisiniń depýtaty, tarıh ǵylymdarynyń kandıdaty Berik Ábdiǵalıuly.
Atalmysh sharaǵa tarıhshy ǵalymdar, jeltoqsanshylar, zertteýshi jastar qatysty. Táýelsizdiktiń tuǵyry bolǵan Jeltoqsan oqıǵasyna baılanysty qujattyq jınaqty zıaly qaýym ókilderi jyly qabyldap, ult rýhynyń oıanýyna qosylǵan eseli eńbek dep baǵalady.
1986 jylǵy Jeltoqsan oqıǵasyna baılanysty qujattyq materıaldar toptastyrylǵan jınaq 3 bólimge bólinip, hronıkalyq retpen berilgen.
Birinshi bólimde 1986 jylǵy jeltoqsan aıyndaǵy partıa, memleket jáne quqyq qorǵaý organdarynyń resmı qujattary toptastyrylsa, ekinshi bólimde 1986 jylǵy Jeltoqsan oqıǵasynyń sebepteri men jaǵdaıy jaıyndaǵy QazKSR Joǵarǵy Keńesi Prezıdıým Komısıasynyń zertteý materıaldary berilgen.
Al úshinshi bólimde QR Konstıtýsıalyq Soty (1992-1994) qarastyrǵan qujattyq materıaldar tizbegi jınaqtalǵan.
You Might Also Like
-
1. Aq tús — barlyq tústermen úılestirýge bolady. Eń úzdik túster úılesimi, ol kók, qyzyl, qara.
-
Bul maqalada kórme qyzmeti arqyly oqýshylardyń estetıkalyq mádenıetin damytý máselesi qarastyrylady. Estetıkalyq ustanymnyń qalyptasýy adamnyń ózin-ózi rastaýynyń naqty mehanızmi retinde negizdelgen...
