InfoHub Logo

Maqsaty: Balalardy jergilikti sazgerlerdiń ómiri jáne ánderimen tanystyrý. Balanyń boıynda óz týǵan jerin, odan shyqqan óner adamdaryn tanı bilýge, ony maqtan tutýǵa tárbıeleý. Mýzykalyq shyǵarmalardyń mazmunyn túsinip, áýenin óz mánerinde oryndaýǵa úıretý. Bı qımyldaryn jasaı otyryp, áýenge sáıkes boılaryn tik ustap, bı qımyldaryn aýystyra bilýge daǵdylandyrý. Daýys jattyǵýynda joǵary, tómen, kezekpe - kezek dybystaryn taza aıtýǵa yqpal etý. Aspaptar arqyly yrǵaqty sezine aıtýǵa úıretý.
Kórnekiligi: ınteraktıvty taqta,
Qoldanylatyn qajetti kórnekilik: aspaptar
Sózdik jumys: aspap, shyǵarma, kıiz úı.
Sózdik qor: sazger, asataıaq, taıtuıaq
Uıymdastyrylǵan oqý is - áreketiniń tıpi: saıahat
Balalar zal ishinde jarty sheńber boıymen kóńildi turady. Jetekshi ándete otyryp, sálemetsizder me balalar!
- Balalar búgingi kúnimizdi bastamas buryn, aldymen dene bitimimiz, júris - turysymyz ádemi bolý úshin dene qımyldaryn jasap jibereıikshi.
- Tamasha, óte jaqsy! Al endi balalar, barlyǵymyz nazarymyzdy taqtaǵa aýdaraıyqshy. (Taqtadan ádemi áýenmen tabıǵat týraly vıdeorolık kórsetiledi)
- Balalar, biz ekrannan neni tamashaladyq? Tabıǵattyń qandaı ásem kórinisterin, qubylystaryn kórdik?
- Balalar jaýap beredi
- Jaraısyńdar, balalar! Mine, bizdiń ótken oqý is - áreketimizde úırengen ánimiz ózimizdiń týǵan jerimizden shyqqan Á. Baıseńgirov aǵamyzdyń áni bolatyn. Ol qandaı án edi balalar?
- «Tabıǵat - bizdiń anamyz» degen áni bolatyn
- Jaraısyńdar, balalar! Al, ótken oqý is - áreketimizde qonaqqa kim kelip edi?
- Sazger Ádilbek Baıseńgirov aǵamyz keldi.
- Ia balalar, biz sazger aǵamyzben tanysyp, ánderin tyńdap úırengen bolatynbyz. Endeshe, balalar men sol kezdesý sátimizdi bizge estelikke qalý úshin beınetaspaǵa túsirip alǵan bolatynmyn. Senderge tosyn syı bolsyn degen nıetpen, sol sátimizdi taǵy da esimizge túsirip tamashalap jibereıikshi.
- Alaqaı tamashalaıyq! (beınerolık kórsetiledi)
Mýzykalyq zalǵa sazger kiredi.
- Sálemetsiz be, aǵaı!
- Sálemet pe, balaqaılar!
- Bizdiń balabaqshamyzǵa qosh keldińiz! Biz sizdiń kóptegen ánderińizdi aıtyp júrmiz. Biz sizben suhbattasqandy jón kórip, sizdi qonaqqa shaqyrdyq. Kelgenińizge kóp rahmet! Ózińiz jaıynda aıta otyrsańyz.
- Balalar, men osy Qazalyda, temirjolshylar otbasynda dúnıege keldim. Osy jerden mektep bitirip, úlken qalaǵa oqýǵa tústim. Óner salasynyń mamany bolyp shyqtym. Sóıtip, osy óner mektebine ózderiń sıaqty talantty balalarmen jumys jasaı kele, bala júregine jaqyndaı kele, balalarǵa arnap ánder jazdym. Atap aıtsam «Anashym», «Qazaǵymnyń ulany», «Tabıǵat – bizdiń anamyz» t. b ánderim bar. Bul ánderdi mektepte oqýshylar, shákirtterim oryndap júr.
- Balalar, biz ótken oqý is - áreketimizde aǵaıdyń qandaı ánin úırengen edik?
- «Tabıǵat – bizdiń anamyz» ánin úırendik.
- Oı, keremet, meni bir marqaıtyp tastadyńdar ǵoı, osy ándi oryndap beresińder me?
- Ia, oryndap beremiz. Án tyńdaý: «Tabıǵat – bizdiń anamyz».
Sózi: Ó. Qazybekov. Áni: Á. Baıseńgirov
- Rahmet, balalar! Men endi qaıtaıyn.
- Ia, aǵaı sizge de kóp rahmet! Aldaǵy ýaqytta da sizben taǵy da jolyǵamyz degen nıetpen, rahmetimizdi aıtamyz. Balalar da sizben júzbe - júz kezdesip, úlken áserde qaldy. Saý bolyńyz!
- Saý bolyńdar!
- Balalar, aǵaı bizge qonaqqa kelgende syılyq ala kelgen. Men senderge sony tosyn syı retinde kórseteıin. Mynaý ne balalar?
- Bular aspaptar
- Ia, bul aspaptardyń atyn bilemiz, qane atap aıtaıyqshy
- Syldyrmaq, taıtuıaq, asataıaq, dańǵyra.
- Jaraısyńdar, balalar! Biz án úırener aldynda qandaı jattyǵý jasaımyz?
- Daýys jattyǵýy
- Ia, onda osy aspaptarmen súıemeldeı otyryp, daýys jattyǵýyn jasaıyqshy. (Balalarǵa aspaptar taratylady)
Jetekshi pıanınoda oınaıdy
4 bala: syldyrmaq
Qolymyzda syldyrmaq
Qońyraý syldyrap
Syldyr, syldyr, syldyrmaq
Án aıtamyz syńǵyrlap
4 bala: taıtuıaq
Qulaq tosyp tur tyńdap
Dybys shyqsa syrtyldap
Oınap turǵan qoldaǵy
Taıtuıaqtyń bolǵany
Asataıaq
Ásem yrǵaq tolqyny
Eske alsa sholpyny
Oınap turǵan qoldaǵy
Asataıaq bolǵany
Dańǵyra
Dańǵyrany ur qatty
Dál qaıtala yrǵaqty
Toǵaıda kóp toqyldaq
Ún estildi toqyldap
- Jaqsy balalar, daýysymyz ashyldy ma?
- Ia ashyldy
- Endi, búgingi ashyq oqý is - áreketimizde úırenetin jańa ánimiz «Týǵan jerdiń qustary» dep atalady. Óleńin jazǵan E. Elýbaev, ánin jazǵan Nurmash Alǵashbaev. Bul sazger aǵamyz da osy Qazaly aýdanynda týylǵan. Bul kisiniń de kóptegen ánderi bar. Mysaly: «Týǵan jerdiń qustary», «Búgin qaı kún?», «Aq botam», «Kógershinder», «Arý qala – Astana» t. b ánderi bar. Osynyń ishinde biz búgin «Týǵan jerdiń qustary» ánin úırenemiz. (Ekrannan óleńniń taqyryby kórsetiledi. Ár sózdi sýretpen baılanystyryp túsindire otyryp kórsetý)
İ shýmaq qaıyrmasymen úıretiledi
Týǵan jerdiń qustary – aı,
Ketpeı qaldy basqadaı.
Ushyp júrdi tońsa da
Týǵan jerdi tastamaı
(Balalar jetekshimen birge oryndaıdy)
- Jaraısyńdar, balalar! Ánimizdiń kelesi shýmaqtaryn kelesi oqý is - áreketimizde úırenetin bolamyz. Balalar, biz ekrannan qustardyń neniń tóbesine qonyp turǵanyn kórdik?
- Kıiz úıdiń tóbesine qonyp turǵanyn kórdik
- Kıiz úıdi bilemiz be?
- Ia, bilemiz.
- Kıiz úı qazaqtyń kóship qonýǵa yńǵaıly, ári jyly úı esebinde paıdalanǵan eken. Kıiz úıdiń shańyraǵy, ýyqtary esigi bolady eken (sýretteri kórsetiledi)
- Endeshe, búgingi úırenetin bıimiz «Kıiz úı» dep atalady.
Bı «Kıiz úı». (Balalar jetekshimen birge bıdi bıleıdi)
- Tamasha balalar, biz osy kıiz úıdiń ishinde turmyz dep elestetip «Án salǵan kim?» oıynyn oınap jibereıikshi. (Kóńildi áýenmen oıyn oınatylady)
- Jaraısyńdar, balalar! Barlyǵyń oıynǵa jaqsy qatystyńdar. Oıyn unady ma?
- Ia unady.
- Búgingi oqý is - áreketine óte belsene qatystyńdar, rahmet!