InfoHub Logo

Tabysty, jetistikti bolýdyń alǵashqy qadamy jalqaýlyqtan qutylý jáne óz ómirimizge ózimiz jaýapker ekendigimizdi uǵyný. Tabysty adamdar aınaladaǵy bolymsyz áserlerdi asyp ótip, júris-turysynda ózi senim artqan qundylyqtardy oryndaıtyn adam deýge bolady. Jańbyr jaýyp, daýyl bolýy nemese kúnniń ashyq bolýy olarǵa sóz emes. Óıtkeni olardyń óz ustanymdary bar. Osyndaı ustanymdary bar jáne kásibı turǵyda tabysty bolýǵa jón siltegen iskerlerdiń ortaq keńesterin bylaısha tizbekteýge bolady:

Únemi kúlimdep júrińiz! Óıtkeni adamdar ashyq júzdi, jaıdary adamdarmen jumys istegendi jón sanaıdy.

Tazalyqqa mán berińiz! Shashtyń taralýy, kıimniń útiktelýi, kıimnen ter ıisi shyqpaýy sekildi jáıttarǵa nemquraıly qaramańyz.

Jumysyńyzǵa ýaqytyly kelińiz jáne jumysyńyzdy barynsha uqypty, ónimdi jáne ýaqytyly oryndańyz.

Búkil jınalystar men kezdesýlerge ýaqytyly kelýge mán berińiz.

Áriptesterińizden tájirıbe almasyńyz! Qaı máseleni qalaı atqaryp jatqandyǵyn bilý arqyly mańyzdy, ońtaıly sheshimderdi taba alasyz.

Oı-órisińizdi keńeıtińiz. Óz salańyzǵa qatysty semınarlarǵa qatysyńyz, biliktiligińizdi arttyryńyz. Ózińizdi jetildirińiz, tehnologıalardan habaryńyz bolsyn, jańalyqtarǵa ashyq bolyńyz.

Kórkem minezdi bolyńyz! Qandaı adam bolmasyn, eshkimmen uryspaýǵa, salǵylaspaýǵa tyrysyńyz!

Adal bolyńyz. İs-árekette, jumys barysynda, qarym-qatynasta adal, senimdi bolyńyz. Senimnen shyqqan jaǵdaıda qaıta qalpyna keltirý óte qıyn.

Jumystar durys júrmegen jaǵdaıda nemese qatelikke jol berilgen kezde erterek joǵary laýazymdaǵy ókilge habar berińiz. Erterek shara qoldaný máseleniń odan ári shıelenisýiniń aldyn alady, bálkim bul qatelikten utymdy shyǵýǵa septigin tıgizedi.

Koých Danıar Qulshyǵashev

---