InfoHub Logo

Jigit sultany - 2023
Maqsaty: Jigitterimizdi batyrlyqqa, sheshendikke, tapqyrlyqqa, ımandylyqqa tárbıeleý.

1 - júrgizýshi: Qurmetti ustazdar, oqýshylar, qadirli qonaqtar!
Kóńilderińizge kóktem shýaǵyndaı sezim men nur quıyp,
7 mamyr - Otan qorǵaýshylar merekesi men Uly Jeńistiń 78 jyldyǵy da kelip jetti. Osynaý aıtýly merekeniń qaı kezde de orny bólek. Olaı bolatyny, abzal azamattarymyzǵa degen ystyq sezim, alǵys pen qurmet eshqashan sónbek emes. Olar - ómirdiń máni, kóńildiń jyry, ár otbasynyń altyn qazyǵy. Sonymen birge bıyl Uly Jeńiske 78 jyl. Soǵys – kúıretýshi kúsh! Dál solaı! Bardy joq etetin, taýdy jer etetin. Jer betindegi tirshilik ataýlynyń bárin jalmap jutatyn tajal.

2 - júrgizýshi:
Iá, sodan beri jarty ǵasyrdan astam ýaqyt ótse de, eshnárse de umytylǵan joq.
Uly Otan soǵysy... Bul sol kezdegi keńes halqynyń erjúrektiligin men tózimdilikterin pash etetin, tarıhta máńgi qalatyn kún. Bul kúndi soǵystyń alǵy shepterinde qaısarlyqpen shaıqas júrgizip, erliktiń san úlgisin kórsetken ardagerler toılaıdy.

1 - júrgizýshi:
Biz Uly Otan soǵysyndaǵy Uly Jeńiske eshteńege teńespeıtin ǵajap kúshpen jettik. Ol kúsh - árıne, "birlik”. Qanshama halyq bir týdyń astyna birigip kúshterin bir arnaǵa saldy. Uly Jeńis on bes odaqtas bolǵan memleketterdiń ortaq mereıtoıy.

2 - júrgizýshi:
Uly Otan soǵysynyń shejiresine Mánshúk Mámetova men Álıa Moldaǵulovanyń, Málik Ǵabdýllınniń, Baýyrjan Momyshuly men Talǵat Bıgeldınovtyń jáne kóptegen jerlesterimizdiń attary altyn áriptermen jazyldy. Ýkraın jerinde Uly Otan soǵysynyń aty ańyzǵa aınalǵan batyry S. Kovpaktyń partızandyq birlestiginde Qasym Qaısenovtyń otrády bolǵan edi.
1 - júrgizýshi:
1941 - 1945 jylǵy soǵystyń tarıhı mańyzy úlken. Bul soǵys adamzattyń qas dushpany, qaskóı jaýy fashızmniń inine sý quıdy. Tamyryna balta shapty. Bizdiń maıdangerlerimiz de osy uly Jeńiske óz úlesterin qosty. Sondyqtan da olardy eshkim de jazǵyrýǵa, aıyptaýǵa, sógýge tıis emes. Kerisinshe, qolymyzdan kelgeninshe qurmetteýimiz, qadirleı bilýimiz, qadirine jete alýymyz kerek.
2 - júrgizýshi:
Jeńistiń 78 jyldyǵyna aman - esen jetken abzal aqsaqaldarymyzǵa “Bárimizge Jeńistiń 78 jyldyǵy qutty bolsyn! Esen - saý bolyńyzdar!”- deı otyryp, Uly Jeńistiń 72 jyldyǵyna arnalǵan myna óleń joldaryn qabyl alyńyzdar.

Jeńis kúni
Keldi mine, toǵyzynshy mamyr - Jeńis kúni,
Qýanysh pen baqyt tolǵan erlik kúni.
Eli úshin, jeri úshin maıdanda,
Aǵalar men ápkeler janyn qıdy.

On bes eldiń batyrlary qosyldy,
Qý nemisti oırandatty, qıratty.
Myń toǵyz júz qyryq beste Berlınde,
Kim bilmeıdi tý tikken Rahymjandaı aǵamdy!

Eshqashan da endi soǵys bolmasyn,
Baqytty eldiń tynyshtyǵyn buzbasyn!
Aspanymyz árqashan da ashyq bop,
Uly Otan soǵysynyń batyrlary jasasyn!

Uly Jeńistiń qurmetine Án Sarbazdar. 10 synyp oqýshysy Janaı Gúlnur
2 - júrgizýshi:
Júrekke adaldyqtyń esken gúlin
Ǵajaıyp keleshektiń tókken únin
Ardaqty aǵalarǵa shyn kóńilden
Joldaımyz alǵys penen sálem búgin.

1 - júrgizýshi:
Jer júzinde nur shashyp Jeńis kúni,
Jaqsy úmittiń shyraǵy jandy mine!
Aspan betin qaptaǵan qara tuman,
Serpilip, zulymdyqtyń sóndi túni.

Alǵashqy Quttyqtaý sóz mektep dırektory Mahmýt Boqaıulyna beriledi
Quttyqtaý sóz mektebimizdiń ardager ustazy, Bilim berý isiniń qurmetti qyzmetkeri Erǵalı aǵaıǵa beremiz.

1 - júrgizýshi: Qurmetti azamattar, bizdiń mekteptiń ustaz azamattary!
Qurmetti qonaqtar, oqýshylar.
Osy merekelerge oraı mektebimizde «Jigit Sultany – 2023» baıqaýyn ótkizgeli otyrmyz.

2 - júrgizýshi: Búgingi kesh saıysty biz bastaıyq
Saıysta kóńilmenen qol soǵalyq.
Bizderde oıyn - saýyq bastalady,
Tamasha kúı tartylyp án salady.
Qoshemettep qol soǵyp otyralyq,
Umytarsyz kúni boıǵy sharshaǵandy.

«Tasaral jalpy bilim bertin orta mektep»KMM
Júrgizýshi: E. Aımaganbetova – mektep dırektorynyń tárbıe isi jónindegi orynbasary

Jigit sultany - 2023. júkteý