Bórikti aspanǵa atyp, attan salyp,
Jigitter, maqtanbalyq, maqtanbalyq!
Qashannan qazaq degen syrminezdi,
Maqtaýsyz da, maqtansyz jatqan halyq.
Sabyrmen sabaq alyp dáýirlerden,
Sabyryn sary altynnan táýir kórgen.
Qazaqqa maqtansyn dep jer bermegen,
Jeriniń keńdigindeı sabyr bergen.
Iyqtasyp tursyn dep eldermenen,
Qazaqqa molshylyqty kem bermegen,
Alaıda, Ata-qazaq maqtanýdy,
Álimsaqtan ber qaraı jón kórmegen.
Dáýlet shalqyp, yrysy asqanynda,
Qaqysy bar qazaqtyń maqtanýǵa.
Daraqy bop qazaǵym ketpesin dep,
Sabyry tur, kúzetip art jaǵynda.
İrgeli qazaq boldyq. Saqtar qalyp,
Qus mindik temir qanat, attar qalyp,
Áıtse de, maqtanbalyq, maqtanbalyq!..
Úlpildegen, úrpıgen úkim meniń,
Jyl qustaryn saǵynyp, kútýdemin.
Kóz almaı shubatylǵan qus jolynan,
Búkil elim kútýde, búkil jerim.
Qyrlarym da kútýde, dóńderim de,
Saǵynady bizbenen kól de birge.
Úkim meniń, qarashy, jyl qustary
Keledi eken qaısy endik beldeýinde.
Qaratorǵaı, qarlyǵash, tyrnalarym,
Qashan bizge ákeler jyl habaryn?
Qashan qonar zergerler - aqqý, qazdar
Áshekeılep kólderin, jylǵalaryn.
Qashan bolar toǵaıda án sabaǵy,
Án salady, qashan kep jan salady?
Qashan mynaý jaıqalyp emen, terek,
Japyraqtar jabyla qol soǵady?
Aılar ótti qolyma qonǵanyna,
Eriksizdik basyna ornady ma?!
Tutqyn bolyp otyrmaı toıda myna,
Oralasyń sen qashan ormanyńa?..

---