InfoHub Logo

Qazaq tili 4 - klass
Sabaqtyń taqyryby: Jikteý esimdigi

Sabaqtyń maqsaty:
a) Bilimdilik: Esimdik týraly túsinik, onyń ishinde jikteý esimdigi týraly jalpy maǵlumat berý, onyń ereksheligin uǵyndyrý
á) Damytýshylyq: Oqýshylardy syn turǵysynan oılaýǵa, saýatty jazyp, oqý daǵdylaryn jetildirýge jáne shyǵarmashylyq qabiletin damytýǵa yqpal etý. Sóz baılyǵyn, sózdik qoryn baıytý, oılaý, baıqaǵyshtyq qasıetterin damytý Saýatty jazý, oqý daǵdylaryn jetildirý..
b) Tárbıelik: Oqýshylardyń belsendi oılaý qyzmetterin jandandyrý, gramatıkalyq tapsyrmalardy oryndaý arqyly shapshańdyqqa, izdenimpazdyqqa. tárbıeleý, ustazdy qurmet tutýǵa baýlý, oqýǵa, bilimge, degen qyzyǵýshylyǵyn arttyrý, ulttyq dúnıetanymyn qalyptastyrý,.
Sabaqtyń túri: jańa materıaldy meńgertý
Ádis - tásili: STO strategıalary, suraq - jaýap, kórnekilik, taldaý, ajyratý, salystyrý, dáleldeý, jazba jumysy, izdenis ádisi
Kórnekiligi: tirek - syzba, sózjumbaq, slaıd, deńgeılik tapsyrma kartochkalary, semantıkalyq karta

Sabaqtyń barysy:
İ. Uıymdastyrý kezeńi
a) Synyptaǵy oqýshylardyń daıarlyǵyn tekserý.
á)- Balalar, búgin sabaǵymyzǵa qonaqtar kelip otyr aldymen solarmen amandasyp alaıyq.
Úlkenge de «Siz»
Kishige de «Siz»
Sálem berdik sizderge
Qurmetpenen biz.
Qaıyrly KÚN!

İİ. Psıhologıalyq daıyndyq
– Balalar, jaqynda qandaı mereke boldy?
– 8 - Naýryz Analar meıramy!
– Analaryndy nege teńep edińder?
– Kúnge!
– Endeshe Analaryń janynda dep oılap, esh qysylmaı, ózindi erkin sezinip, Kúnge – qoldaryńdy sozyńdar. Kúnniń jomart sáýleleri ananyń názik alaqanyndaı aıalaıdy, sıpalaıdy, jylytady. Júregimizdi jylý men mahabbatqa toltyrady
Kún jaryǵyn alaqanǵa salamyn,
Júregime basyp ustaı qalamyn,
Nuryn shashyp jaryǵy men meıirimin,
Kórkin ashar myna ásem dalanyń.
- Mine júregimizdegi osyndaı jylýmen sabaǵymyzdy bastaımyz.

İİİ. Úı tapsyrmasyn tekserý
12 - jattyǵý boıynsha «Naýryz» taqyrybyna quraǵan mátinderin oqyp beredi
IV. Qyzyǵýshylyǵyn oıatý
- Balalar jańa ózderin quraǵan mátinderinde búkil musylman jurtyna ortaq meıram Naýryz jaıly atap óttińder. Endeshe kóktemniń taǵy bir merekesi Jańa Jylǵa biz de daıyndalaıyq.

IV Jańa sabaq
1) Oı qozǵaý
- Aldymen Naýryzdyń sáni ne ekenin bilý úshin myna jumbaqty sheship taýyp alaıyq.
Uqsaıtyn sheńberge, qabyrǵasy jıylyp, keriledi.
Jıhazy mol, keń bólme, tóbesinen juldyzdar kórinedi. (kıiz úı)
- Eger Myna kıiz úı bólshekteriniń artyndaǵy suraqtarǵa durys jaýap bersek kıiz úıdi birtindep qurastyramyz.
- Aldymen mynaǵan nazar aýdaraıyq. ESİMDİK sózi neshe áripten quralsa, esimdiktiń sonsha túri bar ekenin biz bilemiz.. Qane myna syzbaǵa qarap esimizge túsirip óteıik

Endeshe iske sát!
1. Esimdik degenimiz ne?
2. Men, sen, ol esimdiktiń qaı túrine jatady?
3. Kim? Ne? Qansha? Esimdikterin túrine qaraı ajyrat
4. Ózdik esimdigine mysal keltir
5. Siz, áldekim, ózine, bul, búkil esimdikteri ishinen jalpylaý esimdigin tap
2) - Balalar, búgin biz sabaqta esimdiktiń bir túri jikteý esimdigimen tanysamyz, olardy qatystyryp sóılem qurap, taldaýdy úırenemiz. Biz Úıdi qurdyq, endi Naýryzdyń eń basty taǵamy Naýryz kójeni ázirleıik. Naýryz kójege salynatyn taǵam túrlerin eske túsirip ótý.
13 - jattyǵýdy oryndaıyq. Oqýshylar Qadyr Myrza Álıdiń óleńin mánerlep oqyp, esimdikterdi tabady.