InfoHub Logo

Joba ádisi bastaýysh synyp oqýshylar sheberligi men zertteý daǵdylaryn qalyptastyrý quraly retinde

Sońǵy jyldardyń ishinde mektepte jańa tehnologıalardy keńinen qoldaný oryn alyp otyr. Qazirgi oqytý úrdisiniń maqsaty oqýshyny jan - jaqty qalyptasqan, básekelestikke beıim jeke tulǵa tárbıeleý. Árıne
sabaqta ártúrli jańa tehnologıalar jáne olardyń bólshekteri qoldanylady. Biraq oqýshylardy bilimdi ıgerýde biraz problemalar týyndaıdy. Solardyń ishinde mynadaı ózekti máselelerdi atap aıtýǵa bolady:
• Oqytý prosesinde ózdiginen jumys oryndaýlary tómengi deńgeıde.
• Berilgen tapsyrmany durys qabyldamaý jáne ony tolyq júıeli túrde oryndamaý.
• Alynǵan bilimderin basqa salalarda qoldana almaýy.

Sondyqtan qazirgi tańda shyǵarmashyl ustazdar qaýymy joba ádisin qoldanyp júr.
Aldymen joba ádisi degenimiz ne degen suraqqa jaýap berip kóreıin.
Evropa tilderinde «joba» sózi latyn tilinen alynyp, projectus «aldyǵa laqtyrylǵan» degen maǵynany bildiredi, «sóıleýshi», «kózge túsýshi», ıaǵnı bir obektiniń, bir istiń prototıpi, proobrazy sıaqty, osy is — áreket joba jasaýǵa ákeledi. Joba ádisi oqýshylardyń bir problemany sheshýin talap etedi. Al problemany sheshý úshin olar bir jaǵynan ár túrli ádis - tásilderdi qoldansa, ekinshi jaǵynan ár túrli pánderden alynǵan bilimniń ıntegrasıasyn paıdalanýy kerek.
Demek, joba ádisi oqýshylardyń bilimdilik sıtýasıaǵa túsip, óz problemalaryn izdep, taýyp, sheshýi, ózindik jumystaryn, is - áreketin uıymdastyrýy.
Jobalap oqytý tehnologıasynyń tarıhy.
Jobalap oqytý tehnologıasy ótken ǵasyrdyń basynda AQSH - ta dúnıege kelgen. Ony problemalar ádisi dep te ataǵan, amerıka fılosofy ári pedagogy Dj. Dúı, jáne oqýshysy Ý. H. Kılpatrı oılap tapty. Dj. Dúı oqýdyń belsendi formasyn usyndy. Bul jerde ómirden alynǵan problema qajet, ol bala úshin mańyzdy ári tanys bolýy kerek, ony sheshý úshin óz bilimin paıdalana alatyndaı bolý kerek. Muǵalim aqparat kózderin qaıdan alýǵa bolatynyn ǵana aıtady nemese oqýshy oıyna ózindik jumys jasaý maqsatynda baǵyt bere otyryp, belgili bir problemaǵa qyzyǵýshylyq týdyryp, jobalap oqytý is - áreketi arqyly alǵan bilimin paıdalanyp, sheshim joldaryn uǵyndyrýǵa jeteleıdi. Nemese teorıadan praktıkaǵa jetýge baǵyt jasaıdy. Jobalap oqytý tehnologıasy orys pedagogtarynyń da nazaryn aýdarǵan. Jobalap oqytý ıdeıasy Rossıada Amerıka pedagogtarymen paralel kelgen. Orys pedagogy S. T. Shaskıı 1905 jyly oqý úrdisinde jobalap oqytý tehnologıasyn paıdalandy.