Joǵary bilim berý júıesine oqytýdyń jańa quraly engiziledi - BǴM
QR BǴM joǵary bilim berý júıesine oqytýdyń jańa quralyn engizýdi josparlap otyr. Bul týraly QR Bilim jáne ǵylym vıse-mınıstri Qýanysh Erǵalıev aıtty.
«QR BǴM joǵary bilim berý júıesine oqytýdyń jańa quralyn engizýdi josparlap otyr. «Onlaın-oqý» bilim alýdyń jańa formatyna aınalady. Elimizde alǵashqy onlaın-ýnıversıtetter ashylady. Jalpy, joǵary oqý oryndarynda bilim alý úshin granttar sany 5 myńǵa artady. Olardyń 60 paıyzy tehnıkalyq mamandyqtar boıynsha bólinedi. Sondaı-aq «Bolashaq» baǵdarlamasyn qaıta qarastyrý boıynsha jumysty bastadyq», - dedi Qýanysh Erǵalıev mınıstrliktiń keńeıtilgen alqa otyrysynda.
Sonymen qatar ol 2022 jylǵy 1 qyrkúıekten bastap Memleket basshysynyń tapsyrmasy boıynsha qazaqstandyq joǵary oqý oryndary stýdentteriniń stıpendıasy 20, magıstranttar men doktoranttardyń stıpendıasy 15 paıyzǵa artatyndyǵyn aıtty.
«Pedagogıka mamandaryn daıarlaý baǵyty boıynsha oqıtyn stýdentter 58 myń teńgeden astam, basqa baǵyttar boıynsha bilim alatyndar 37 myń teńgege jýyq shákirtaqy ala bastaıdy. Magıstranttardyń shákirtaqysy 86 987 teńgege deıin, doktoranttardyń shákirtaqysy 195 000 teńgege deıin ósedi», - dedi vıse-mınıstr.
You Might Also Like
-
Mektepterde matematıka páni oqýshylardy eki topqa bólip oqytylmaq. Bul týraly QR Bilim jáne ǵylym mınıstri Ashat Aımaǵambetov aıtty.
