InfoHub Logo

Jol erejesin bilesiń be?
Sabaqtyń maqsaty: Jalpy jol belgilerimen balalardy tanystyrýdy jalǵastyrý. Jol belgilerin aıyra bilý daǵdylaryn qalyptastyrý. Jolda júrý tártibin saqtaýǵa úıretý.

Tárbıeshi:
- Balalar bizdiń búgingi sabaǵymyzdyń ózgeshe, biz búgin «Jol belgiler eline» saıahatqa baramyz, ol jerden kóp nárseni kózben kórip, jaqsy áser alamyz dep oılaımyn. Balalar jol sapar barysynda kóp jol qıylystary kezdesedi, jol erejesin muqıat saqtaýymyz kerek.(Esik qaǵylady Gaı ınspektormen qoıan kirip keledi).

Inspektor apaı:
Endeshe qoıanǵa úıretińdershi, al qoıan sen jol erejesin úırenbeı men saǵan velosıpedińdi bermeımin, al men jumysyma baraıyn.
Tárbıeshi:
Qoıan sen renjime bizdiń balalar saǵan jol erejesin aıtyp, túsindiredi, sen jol erejesin úırengen soń velosıpedińdi qaıtaryp beredi.
Qoıan: Jaraıdy balalar maǵan jol erejesin aıtyp, men úırenip alaıyn.
Tárbıeshi:
Qoıan qazir bizdiń balalardan suraıyq, jaýaptaryn tyńdap esine saqta!

- Velosıpedti qaı jerde tebý kerek?
- Balalar alańynda tebý kerek.
- Dopty qaı jerde oınaý kerek?
- Sport alańynda oınaý kerek.
- Baǵdarshamnyń neshe kózi bar?
- Baǵdarshamnyń úsh kózi bar. Tústerin ataıdy.
- Baǵdarshamnyń qaı kózi bizdiń dosymyz?
- Jasyl túsi bizdiń dosymyz, árqashan bizge kómektesedi.
- Kóshe tártibin baǵdarshamnan basqa kim qaraıdy?
- Demeýshi ınspektor basqarady.
Tárbıeshi:
Qoıan balalardyń aıtqandaryn esine saqtadyń ba, bul erejelerdi bilseń, sen árqashan qaýipsiz bolasyń.
Qoıan:
- Rahmet balalar, men aıtqan erejelerdi este saqtaımyn.
Tárbıeshi:
Qoıan biz balalarmen «Jol belgiler eline» saıahatqa barýǵa jınalǵanbyz, bizben birge barasyń ba?
Qoıan: Árıne mende baraıynshy balalar?
Tárbıeshi:
Qoıan sen jolda muqıat bol, balalardan úıren ( mýzyka áýenimen balalar.....)
Tárbıeshi: Balalar aldymyzda eki jol aıryǵy jatyr biri - jińishke, ekinshisi jalpaq jol.
- Qalaı oılaısyńdar qandaı jol jaıaý júrginshi?
- Jińishke jol jaıaý júrginshi.

Tárbıeshi:
Mine, biz birinshi jol qıylysyna jettik. Jolda ótý úshin biz baǵdarsham kómegine júginemiz qajet. (taqpaq aıtady).

1. Ashsa kezek úsh kóziń,
Aıtty dep uq, úsh sóziń
Toqta! Saqtan! Jol ashyq!
Júrme jolǵa talasyp.

2. Qyzyl kóziń ashqanda,
Synyq súıem baspa alǵa.
Sary kóziń ashqanda,
Óte bergiń, jasqanba.

3. Qaı kóshe qaı qalaǵa barsańyz da,
Qaı aqyl ólshemine salsańyz da.
Jol júrý erejesin zańdy tártip,
Ol ortaq! Úlken – kishi barshańyzǵa.
Tárbıeshi:
Abaılańdar balalar kólikter joly bar ońǵa solǵa qaraıyq jol belgisin tabaıyq.
Qoıan: Taptym, Taptym! Jol belgisi oń jaǵymyzda.
Tárbıeshi:
Jol betindegi «Jolaqsha jol» tur belgisimen tanystyrady. Arǵy betinde «jol belgiler» eli kórinedi saǵan baryp qaıtaıyq. (Sol jerden fýrashka kıip alǵan aıý shyǵady).
Aıý:
Sálemetsizder me. Men negizi jol retteýshisimin. Meniń elimniń joldaryn kómekterin belgilerin kórińder. Men senderge myna eldermen tanystyraıyn.
( Belgilerdi tanystyraıyn. Oıyn ótkizedi) «Belgilerdi tap».
Aıý:
Balalar sender belgilerdi jaqsy bilesińder. sender kelgende men qýanyp qaldym. Men senderge syılyq syılaımyn. Meni esterińe alyp otyrasyńdar.
Tárbıeshi:
Raqmet aıý balalar óte qýanyshty. sizge kelip kóp belgiler, erejesin úırendik. Biz endi qaıtaıyq. Saý bolyńyz.
(Mýzyka áýenimen baqshaǵa keledi).

Inspektor keledi:
Qazir seni tekserip jibereıin.

- Mynaý ne?
- Baǵdarsham.
- Baǵdarshamnyń qaı kózi janǵanda júremiz?
- Qyzyl túsi janǵanda.
- Jaraıdy úırenipsiń, bilesiń ala ǵoı velosıpedińdi endi jol erejesin buzba.
Qoıan:
Jaraıdy. Inspektor apaı sizge kóp rahmet. Balalar sizderge de.
Inspektor apaı:
Jol erejesin bilseńder, eshteńede ushyramaısyń.

Tárbıeshi:
Balalar búgingi saıahat unady ma sizderge?
Balalar: Ia.
Tárbıeshi:
Osymen búgingi jol erejesin bilesiń be atty erteńgiligimiz aıaqtaldy.

Mańǵystaý oblysy, Túpqaraǵan aýdany,
Fort - Shevchenko qalasy, Baýtın aýyly,
"Aqbota" balabaqshasynyń tárbıeshisi
Alıeva Gúlmıra Doǵdyrbekqyzy