InfoHub Logo

Sabaqtyń taqyryby: Jolda júrý erejesin saqtaıyq!

Sabaqtyń maqsaty: 1. Oqýshylardy jolda júrý erejesimen tanystyrý, osy «Jolda júrý erejesin saqtaıyq» atty taqyryp boıynsha beıneleý ádisin túsindirý, baǵyt berý.
2. Jol qaýipsizdigin este saqtaýǵa, bilýge jol erejesiniń
saqtaý, oılaý, sýretteý daǵdylaryn damytý.
3. Oqýshylardy kóshede durys júrip, jol erejesin saqtaýǵa, jumys kezinde taza, tıanaqty jumys jasaýǵa tárbıeleý.
Sabaqtyń túri: Saıys sabaq
Sabaqtyń ádisi: túsindirý, áńgimelesý, suraq - jaýap, sýretteý.
Kórnekiligi: Baǵdarsham, jol belgileri salynǵan sýretter, naqyl sózder t. b kórnekilikter.

Sabaqtyń barysy: 1. Uıymdastyrý kezeńi:
İ. Kirispe:
Jol zańy durys júrip, abaı bolýdy talap etedi. Jol tártibin buzba, ol qater týdyrady. Joldyń qalypty qozǵalysy kóbinese balalardyń jol boıynda qalaı bolsa solaı júrip, dop qýalaıtyny, shańǵy tebetini, júrip bara jatqan mashınaǵa jabysatyny, qaltarystan jolǵa shyǵyp keletin saldarynan buzylady. Jol tártibin buzǵandyqtan keıbireýler mashına dóńgelegine ilinip qaza taýyp, keıbireýleri jaraqat alady. Al keıbireýleri ómirlik múgedek bolyp qalady. Sondyqtan árbir oqýshy mektepte oqylatyn «Jolda júrý erejesi» taqyrybyndaǵy sabaqty muqıat tyńdap, ár sabaqtan qorytyndy jasap otyrýǵa mindetti. Úlgili, tártipti oqýshy kóshede, jolda júrý erejesin, zańyn buzbaıdy.
Sonymen qandaı bala jol erejesin buzbaıdy?
Balalar: Úlgili, tártipti bala.

İİ. Negizgi bólim:
Taqtadaǵy jumbaqtardy sheshý:
Jumbaqtar

1 Ala taıaq ustaǵan,
Jol tártibin nusqaǵan.
Ysqyryqpen túzetken. (Mılısıoner)
2. Kóshe boılap aıańdaıdy,
Adam tasyp aıalaıdy.
Ómirińdi kúzetken, (Avtobýs)

3. Kóliktiń qanshasyn ústinen ótkizgen,
İrgeden bastalyp, alysqa jetkizgen. (Jol)

4. Joq ózinde bas ta, aýyzda da, qulaq ta,
Baqyraıǵan úsh kózi bar biraq ta. (Baǵdarsham)

5. Arqanym bar tym uzyn,
Ala - almaısyń bir úzim.
Tabyńdarshy, balalar,
Bul jumbaqtyń sheshýin. (Jol)

6. Ózi sóıleı bilmeıdi,
Biraq «Toqta, júr!» deıdi. «Baǵdarsham»

- Baǵdarsham ómirimizdi jazymnan saqtandyratyn kómekshimiz. Onyń syryn bilip,
tilip alý barshamyzǵa kerek.
- Nege?
- Bizdiń qalamyzda, sol sıaqty bizdiń elimizdiń qala, aýyldaryna bárine ortaq kóshe qatynas erejesi engizilgen. Bul erejeni oqýshylar da, úlkender de, ıaǵnı barlyq júrgizýshiler, kólik júrgizetin júrgizýshiler de buljytpaı oryndaýy kerek.
- Balalar, sender kóshede júrý erejesin bilesińder me eken, kóreıik. Mynadaı suraqtarǵa jaýap berińdershi.
1. Jıek jol degen ne? Adamdar jaıaý júretin kóshe jıegindegi tar jol.
2. Jaıaý adamǵa qaı jermen júrýge bolmaıdy? Kólik júretin kósheniń ortasymen júrýge ruqsat etilmeıdi.

Taqtada
Ashsa kezek úsh kózin,
Aıtty dep uq úsh sózin.
«Toqta, saqtan, jol ashyq!»
Júrme jolǵa talasyp. – deı kele, Aq paraq taratylady.

Saramandyq jumys:
- Balalar, osy taqyrypqa muqıat oılanyp sýret salaıyq. (Balalar osy taqyryp boıynsha ózderi sýrettep, boıap áńgimeleıdi. Ol sýretter taqtaǵa ilinedi.)
Eń úzdik sýretter

Án: Baǵdarsham

1. Kóshede biz saq bolaıyq,
Qaımyqpasyn ata – ana.
Jolda sen bol laıyq,
Jas ulan degen atqa
Q - sy:
Árqashan kún sónbesin,
Aspannan bult tónbesin.
Qasymda bolsyn anam,
Bolaıyn men de aman!

2. Jolda júrý álippesin
Bilgen jón bes saýsaqtaı.
Sonda ǵana júre alasyń,
Sen ózińdi saý saqtap

- Balalar, biz ár belginiń ne maqsatta qoldanylatynyn bildik.

İİ. Qorytyndylaý:
Muǵalim: Balalar, búgingi sabaqty qoryta kele «Jas dáýirdiń balalary» ánin aıtaıyq. Denimiz saý, elimiz tynysh, jol tártibin saqtap, aman – esen júrelik. Qoryta kele:
Irek – ırek kósheler,
Kóshe degen myń ırek.
Qıyndyqqa áıtse de,
Úırenesiń birtindep.
Barar jerge asyqpa,
Báıge almaısyń buryn kep.