InfoHub Logo

Taqyryby: Jolyń bolsyn, baldyrǵan!
Jolyń bolsyn, baldyrǵan!
Maqsaty: oqýshylardyń jyl boıy alǵan bilimderiniń, úırengen jumystarynyń nátıjesin kórsetip, balalardyń sózdik qoryn, tilin, oı - órisin keńeıtý. Uıymshyldyqqa, ádeptilikke tárbıeleý.
Sabaqtyń kórneki - quraldary: Zal ásem bezendirilgen. Ádemi qanatty sózder, sharlar, gúlder ilingen.
Tárbıeshi: Qurmetti ata - analar, ustazdar, oqýshylar! Biz búgin ózimiz oqyp úırengen mektepaldy daıarlyq tobymen qoshtasyp, búldirshinderimizdi «Jolyń bolsyn, baldyrǵan» dep mektepke shyǵaryp salmaqshymyz. Olaı bolsa osy túlekterimizdi qurmetpen qoshemettep ortaǵa shaqyraıyq.
İ. Váls: Daıarlyq top bitirýshiler válsi
İİ.
1. Almat
Aıtyp shattyq óleńin,
Alaqaı der kún búgin!
Túsińdirip sebebin,
Berer eken kim bunyń?
2. Aqnıet
Qýanyshty kóńildi.
Naǵyz jaqsy mereke.
Daıyndyq top túlekterin,
Shyǵaryp salmaq mektepke.
3. Nýrıslan
Qushaǵyńda jarqyldap,
Ótti sábı kezderim.
Bı bıledim án tyńdap,
Alańdaýdy bilmedim.
4. Nurdana
Kóp - kóp kúnder qatarynan -
Kúzde jáne qysta da.
Qalmaı kelip júrdik biz,
Súıikti mektep aldyna.
5. Á. Temirlan
Qýanamyz syılaımyz,
Qýanyshtyń myń gúlin.
Alǵashqy topty qımaı biz,
Qoshtasatyn kún búgin.
6. Zýhra
Jaqsylyqqa qumarmyz
Jaqsy adam bolyp shyǵarmyz.
Taza sábı júrekpen,
Aıtamyz sizge myń alǵys.

Tárbıeshi:
Aınalaıyn balalar,
Senderde oı, sana bar.
Ózderińnen ósedi,
Ónershilder, danalar.
Ósti mine boılaryń,
Ósti mine oılaryń.
Qýanyshqa ortaqpyn,
Qutty bolsyn toılaryń!
Jaqsy bilim – kórimdik,
Bolsyn sizge halaıyq.
Ne úırenip, ne bildik,
Káne, ortaǵa salaıyq!

Ertegi: Baýyrsaq
Rólderde:
Avtor - Shuǵyla
Baýyrsaq - Álibı
Shal - Bekjan
Kempir - Ýnzılá
Aıý - Perızat
Qoıan - Dılnaz
Túlki - Zýhra
Qasqyr - T. Temirlan
Avtor: Erte, erte, ertede shal men kempir bolypty. Bir kúni shal kempirine bylaı depti.
Shal: Kempirim, kempirim, baýyrsaq pisirshi.
Kempir: Un joq.
Shal: Qaptyń túbin qaǵyp al.
Avtor: Kempir qaptyń túbin qaǵyp alyp baýyrsaq pisiredi. Kisken baýyrsaqty sýytý úshin terezeniń aldyna qoıyp qoıady. Al baýyrsaq terezeden domalap túsip, qashyp ketedi.

Aıý: Baýyrsaq, baýyrsaq, men seni jeımin.
Baýyrsaq: Jemeshi, men saǵan balalarmen qosylyp óleń aıtyp beremin.
İİİ. Án: Muǵalim ol bizdiń
Aıý: Rahmet, kóńilimdi kóterip tastadyńdar, sondyqtan baýyrsaqty jemeımin.
Baýyrsaq: Rahmet, balalar.
Qoıan: Baýyrsaq, baýyrsaq, men seni jeımin.
Baýyrsaq: Jemeshi, men saǵan balalarmen qosylyp áripter jaıly óleńder oqyp beremin.

İV. Áripter
1. T. Temirlan: A - «A» degeniń – Ana ǵoı,
Ana degen dana ǵoı.
2. Balaýsa: Á – Ájem ánge basady,
Átesh uıqy ashady.
3. Ernar: B - «B» degeniń – bala ǵoı,
Jumsasa apań bara ǵoı.
4. Aıym: G - «Gý» - dep alǵash bóbekter,
Gýildeıdi aqyryn.
5. Aqjol: Ǵ – Ǵalym, ǵylym, ǵasyrdy,
«Ǵ» bilimge asyrdy.
6. Dılnaz: D – Dúldil attar baptaǵan,
Dárkendi jurt maqtaǵan.
7. Bekjan: E - Elge esti er kerek,
Er jet ósip erterek.
8. Aıaýlym: J – Jyr alyby – Jambyl ata,
Ardaqtaıdy – ony bala.

9. Ádemi: Z - Zaýza ushady zyńyldap,
Zymyransha zyryldap.
10. Eldar: I – Irına endi izdeıdi,
Injener myna biz deıdi.
Qoıan: Rahmet, kóńilimdi kóterip tastadyńdar, sondyqtan baýyrsaqty jemeımin.
Baýyrsaq: Rahmet, balalar.
Qasqyr: Baýyrsaq, baýyrsaq, men seni jeımin.
Baýyrsaq: Jemeshi, men saǵan balalarmen qosylyp sandar jaıly óleńder aıtyp beremin.

V. Sandar
1. Kamıla:
Bir degenim - bilim,
Tórt pen beske ilin.
Alyp, júrgin balam,
Muǵalimniń tilin.
2. Bekarys:
Eki degenim – eńbek,
Eńbekpen is ónbek.
Jalqaý bolsań, balam,
Bar qıyndyq tónbek.
3. Shuǵyla:
Úsh degenim – úmit,
Jaıdary júr kúlip.
Sotqar bolsań balam,
Bar qıyndyq tónbek.
4. Aıda:
Tórt degenim – tózim,
Tózimdi bol óziń.
Al asyqsań balam,
Mánsiz bolar sóziń.
5. Aıaýjan:
Bes degenim – aqyl,
Bol aqyldy, batyr.
Atań ne aıtsa, balam,
Qup alǵanyń maqul.
6. Maǵjan:
Men ózimdi qatarǵa,
Besten keıin qoıamyn.
Basym birden bastalyp,
Nólmen biter aıaǵym.
7. Perızat:
Jeti degen – Jeńis,
Tur aldyńda kóp is.
Tym uzaqqa sozbaı,
Oryndap shyq tegis.
8. Aıbek:
Segiz degenim – senim,
Sensin saǵan elim.
Sony da oıla senim,
Aqtamaıdy tegin.
9. Ýnzılá:
Toǵyz degenim – toqtashy,
Qazýly bol shoqtan.
Saq bolǵaısyń balam,
Tilsiz jaýyń – ottan.
10. Álibı
On degenim – oqý,
Qajet emes qorqý.
Bilgenińdi, balam,
Kóńilińe toqý.
Aıý: Rahmet, kóńilimdi kóterip tastadyńdar, sondyqtan baýyrsaqty jemeımin.
Baýyrsaq: Rahmet, balalar.
Túlki: Baýyrsaq, baýyrsaq, men seni jeımin.
Baýyrsaq: Jemeshi, men seniń kez kelgen tapsyrmańdy oryndaımyn.
Túlki: Onda myna meniń qorjynymnan asyq alyp, asyqtyń nómiri boıynsha tapsyrmalarǵa jaýap ber.

Vİ. Tapsyrmalar:
Aı attaryn ata
Kún attaryn ata
Maqal - mátel aıt
Jumbaq aıt
Birden onǵa deıin týra sana
Birden onǵa deıin keri sana
Tórt mezgildi ata

Túlki: Endi men balalardy oınatqym kelip tur.
Vİİ. Oıyn. Mergen
Maqsaty: Tez oılap, tez jaýap berýge úıretý.
Sharty: oqpen shardy atady, jarylǵan shardyń ishindegi suraqqa jaýap beredi.
Suraqtar:
1. Kólden ushty tórt qaz,
Qaıtyp qondy ekeýi,
Ushyp ketti nesheýi? 2
2. Dybystar qandaı - qandaı bolyp bólinedi?
3. Daýysty dybystar qandaı - qandaı bolyp bólinedi?
4. Tabıǵatty qorǵaýǵa óz úlesińdi qalaı qosasyń?
5. Maratta 5 ini,
Muratta 2 ini,
Qossań 5 pen ekini,
Nesheý bolady sheshýi? 7

6. Hat sózine dybystyq taldaý jasa
7. Elik sózine dybystyq taldaý jasa
Túlki: Áli de seni jegim kep turǵany
Baýyrsaq: Biz saǵan án aıtyp bersek qalaı qaraısyń
Túlki: Aıtyńdar
Vİİİ. Án: Ustazym
Túlki: Rahmet, kóńilimdi kóterip tastadyńdar, sondyqtan baýyrsaqty jemeımin.
Baýyrsaq: Rahmet, balalar.
Avtor: Sóıtip daıarlyq tobynyń balalarynyń arqasynda baýyrsaq aman qalypty.
Tárbıeshi:
Aınalaıyn gúlderim,
Aıym meniń, kúnderim.
Maǵan qyzyq tilderin,
Esten ketpes tilderiń.
Senderdiki bolashaq,
Óter balǵyn jastyq shaq.
Ozat bolyp oqyńdar,
Oıǵa bilim toqyńdar.
Osymen «Jolyń bolsyn, baldyrǵan!» atty daıarlyq topty bitirýge arnalǵan erteńgiligimiz aıaqtaldy. Endigi sóz kezegin mektebimizdiń oqý isi jónindegi orynbasary ------------------------- beremiz.
Tárbıeshi:
Ata - ana tárbıelep balapanyn,
Áldılep aıalaǵan alaqanyn.
Bolashaqta baq tilep turasyńdar,
Oılaýmenen aldaǵy bala qamyn, - deı kelip, sóz kezegin ata - analarǵa bereıik. Ata - analar sóıleıdi.
Tárbıeshi: Kelgenderińizge kóp - kóp rahmet. Kelesi kezdeskenshe saý bolyńyzdar.