JOO-nyń aqyly bólimine túsetinder UBT-dan bosatylýy múmkin
Mektep bitirýshi túlekter joǵary oqý ornynyń aqyly bólimine budan bylaı Ulttyq biryńǵaı test tapsyrmaı-aq túsýi múmkin, dep habarlaıdy Habar24.
Bilim jáne ǵylym mınıstrligi osy bastamany talqylap jatyr.
«Mundaı jeńildikke barsaq, abıtýrıentter sheteldik oqý oryndaryna aǵylmaı, ózimizdiń bilim ordalaryna túser edi», - deıdi mamandar.
Mınıstrlik ókilderi osy máseleni qolǵa alyp, ulttyq jáne memlekettik ýnıversıtetterdegi bilim berý júıesine birtalaı ózgeris engizýdi oılastyryp otyr. Máselen, ýnıversıtetter komersıalyq emes aksıonerlik qoǵam retinde jumys isteýi múmkin. Oǵan sáıkes, bilim ordalary naryq suranysyna qaraı ózderiniń oqý júıelerin qurýǵa mindetti bolady. Óz-ózderin damytýdy qolǵa alatyn joǵary oqý oryndary qoǵamda básekege qabiletti kadrlar daıarlap, sapaly mamandar shyǵarýy tıis.
«UBT-nyń nasharlyǵy bar dep kóp adam synǵa alyp júrdi. Sondyqtan da bizdiń mınıstirlikten surap júrgenimizdiń de sebebi bar. Endigi jyldan bastap aqyly bólimge alatyndardy oqý oryndary ózderi qabyldasyn. Ǵalymdar da, mamandar da jetkilikti. Ózderi de emtıhan qabyldaýǵa shamalary jetedi dep oılaımyz», - deıdi QR Joǵary oqý oryndary qaýymdastyǵynyń prezıdenti Rahman Alshanov.
You Might Also Like
-
Qazaqstanda mektep túlegi júrgizýshi kýáligin alyp shyǵatyn bolady. Bul týraly búgin QR Úkimeti otyrysynda elimizdiń Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
-
Eger siz áke bolsańyz, sizdiń kishkentaı, judyryqtaı ǵana ulyńyz bar bolsa, onyń bolashaqta qandaı jigit bolyp óspegin baıqap kórmek bolsańyz, onda ony ana bólmedegi shylymǵa jumsap kórińiz. Eger s...
