InfoHub Logo

Ana tili 1 synyp
Sabaqtyń taqyryby: Jýan jáne jińishke daýystylar. Kókemniń aqyly.
Sabaqtyń maqsaty:
Bilimdiligi: a) Jýan jińishke daýysty dybystar boıynsha bilimderin pysyqtaý, mamandyqtar týraly túsinik berý.
Damytýshylyq: á) Oqýshylardyń sabaq barysynda este saqtaýyn sózdik qoryn, logıkalyq oılaýyn damytý.
Tárbıelik: b) Ár mamandyqtyń paıdasy týraly aıta otyryp, ár mamandyq ıesin qurmetteýge tárbıeleý.
Sabaqtyń túri: aralas sabaq
Sabaqta paıdalanatyn kórnekti - quraldar: ınteraktıvti taqta, sýretter, kespe áripter.
Paıdalanatyn ádis - tásilder; suraq - jaýap, oı shaqyrý, pikirlesý, toptastyrý.
Pánaralyq baılanys: aqparat mádenıet negizderi, dúnıetaný, mýzyka.

Sabaqtyń barysy:
I. Uıymdastyrý kezeńi: Qyzyǵýshylyǵyn oıatý:
Oqýshylarmen sálemdesý, túgeldeý, synyp bólmesiniń tazalyǵyna kóńil ból. Hor men aıtqyzý:
«Jarqyrap kúnde ashyldy,
Aınalaǵa nur shashyldy,
Qaıyrly kún! Biz kóńildi balamyz,
Qaıyrly kún! Sálemdesip alamyz.
Maqsatymyz - bilim alý,
Mindetimiz - eńbektený,
Eńbektený arqyly
«5»- ke qoldy jetkizý»

II. Ótken materıaldar boıynsha bilimderin tekserý kezeńi:
1. Aptanyń qaı kúni?
2. Qaı aı?
3. Jyl mezgili?
4. Búgingi aýa raıy qandaı?
5. Kimniń sýretin kórip turmyz?
6. Y. Altynsarın degen kim? (Ybyraı Altynsarın - qazaq halqynyń aǵartýshysy. Ol balalardy oqýǵa shaqyrdy. Balalarǵa arnap óleń, áńgime jazdy).
7. Bul óleńdi qaı pánnen jattadyq?
8. Esimizge túsirip kim aıtady?
9. Óleńdi oqý

Kel, balalar, oqylyq,
Oqyǵandy kóńilge
Yqylaspen toqylyq!
Oqysańyz balalar,
Shamnan shyraq jaǵylar
Tilegeniń aldyńnan
İzdemeı - aq tabylar!
10. Qandaı mátinin oqydyq? «Áke men bala» - Rolderge bólip oqyta, esterine túsire otyryp, suraqtarǵa jaýap alý.

IIİ. Úı tapsyrmasyn suraý: Úıge tapsyrmany eske túsirip pysyqtaý.
Oı tolǵanys: 1. Ákesi taǵany balasyna nelikten aldyrǵysy keldi?
2. Balasy taǵany nege almady dep oılaısyńdar?
3. Ákesi taǵany qalaı paıdaǵa asyrdy?
4. Ákesi balasyna qandaı aqyl aıtty?
- Osy mátinge baılanysty qandaı maqaldar oqydyq?
Erinshek eki ister. Erinshektiń erteńi bitpes. ( maǵynasyn túsindirińdershi)
- Daýysty dybystar qanshaǵa bólinedi?
- Jýan daýystylardy ata.
- Jińishke daýystylardy ata

IV. Maqsat qoıý kezeń: 1. Mamandyq ıeleri týraly áńgimeletý, óleńniń maǵynasyn ashý.
2. Jýan jáne jińishke jup daýystylardy pysyqtaý.
3. Saýatty, ádemi jazýǵa tárbıeleý.
Sergitý sáti: myna sýrettegini tanımyz ba? Bul ataqty bıshi Shara Jıenqulova osy bıshi apamyzben birge «Aıgólek» bıin bıleıik.
Aıgólek - aý, aıgólek,
Aıdyń júzi dóńgelek.
Aıdaı tolǵan kezimde,
Bı bıleımin dóńgelep.

V. Jańa sabaq: Qadyr Myrza Álı 1935 jyly 5 qazanda Oral oblysynyń Jympıty kentinde týǵan. 1958 jyly Qazaq memlekettik ýnıversıtetiniń fılologıa fakúltetin támamdaǵan. Eńbek jolyn sol kezde jańadan ashylǵan balalar jýrnaly «Baldyrǵannan» bastaǵan. «Juldyz» jýrnaly redaksıasynda poezıa jáne syn bóliminiń meńgerýshisi, jaýapty hatshysy, bas redaktordyń orynbasary, 1968 - 1973 jyldary «Jazýshy» baspasynda qazaq poezıasy bóliminiń meńgerýshisi, «Balaýsa» baspasynyń redaktory, keıin Qazaqstan Jazýshylar odaǵynda poezıa seksıasynyń keńesshisi bolǵan. 1966 jyly «Oı ormany» jınaǵy úshin Qazaqstan Lenın komsomolynyń syılyǵy berildi. 1980 jyly «Jeruıyq» jyr kitaby úshin Qazaq KSR Memlekettik syılyǵynyń laýreaty atandy. Ol Qazaqstannyń halyq jazýshysy. 2010 jyly Táýelsiz "Tarlan" syılyǵyn aldy.

Oqýlyqpen jumys:
Kókemniń aqyly.

Kóp sóıledi demeńder,
Kókem meniń kemeńger.
Syr aıtady otyryp.
- Oına! Oına! Oınaı ber!
Qyzyǵyńdy toılaı ber!
Oına biraq kúıshi bop,
Oına biraq bıshi bop!
Oına qyzyl jalyn bop,
Oına áıgili ǵalym bop!
Oına aqyldy aǵa bop!
Kip-kishkentaı dana bop.
Jasta kim bop oınaısyń
Óskende sol bolasyń,
Aqyl - oıǵa tolasyń.
Júrgende de oıynda
Maqsat bolsyn oıyńda!
(Daýystap oqytý, tizbektep oqytý).