InfoHub Logo

Júktiliktiń 2–3 aılarynda jedel apendısıt eshqandaı ereksheliksiz ótedi. Al tórtinshi aıynan bastap ony anyqtap tabý qıyndyqqa ákeledi. Ósip jatqan jatyr soqyrishekti qurt tárizdi ósindisimen birge joǵaryǵa yǵystyrady. Nátıjesinde jedel apendısıtti ót joldarynyń aýrýlarymen nemese oń búırektiń shanshýymen shatastyrýǵa bolady. Aýrý birden ishtegi aýrý seziminen bastalady, aýyrsyný keıin ósindiniń ornalasqan jerine qaraı aýysady (ishektiń oń búıirine, oń qabyrǵa astyna).

Bulshyqettiń qataıýy óte qıyndyqpen anyqtalady. Shetkın–Blúmberg, Rovzıng jáne Sıtkovskıı, taǵy basqa sımptomdary kóp jaǵdaıda anyqtalmaıdy. Teksergende, júkti áıel sol qyryna aýysqanda ishtiń aýyrsynýy kúsheıedi (Taranenko sımptomy), ol ońynan solǵa aýysqanda aýyrsyný (Alder sımptomy) dep atalady.

Kóptegen aýrýlarda leıkosıtoz aıqyn bolady. Dıagnozdy tolyq dáleldeý úshin jáne vızýalızasıa úshin ÝDZ ádisi qoldanylady. Qazirgi ýaqytta aýrýdyń jedel ustamalaryna baılanysty júktiliktiń merzimine qaramastan operasıa qoldanylady.

---