InfoHub Logo

Juldyzdy kesh
İ júrgizýshi: Armysyzdar óner súıer qaýymdarym,
Jaınasyn kóńilderdiń jasyl baǵy.
Án – shashý, ásem – áýen, túrli óner.
Búgingi kún sizderge arnalady.

İİ júrgizýshi: Urpaqpen ómir joly jalǵanady,
Kóńildi kúnder týsyn aldan áli,
Sizder úshin osy kesh ashylady,
Sizder úshin ónerpazdar saıysady.

İ júrgizýshi: Búgingi áýendik keshte baıqaýǵa qatysýshylardy ortaǵa shaqyramyz. (Mýzyka áýenimen saıyskerler ortaǵa shyǵady).
İİ júrgizýshi: Araılanyp árbir tańymyz,
Araılanyp ánmen sánimiz.
Týǵan jerdiń tósinde turyp,
Shyrqataıyq káne bárimiz.
Án: Ásem ándi qabyl alyńyzdar

İ júrgizýshi: Qymbatty óner súıer qaýym, ardaqty ustazdar, qadyrly kórermender! Nazarlaryńyzǵa «Juldyzdy shoý» atty óner baıqaýyn usynamyz.
İİ júrgizýshi: Óner baıqaýy bastalmas buryn ortamyzǵa ádil qazylardy shaqyraıyq. Bul saıysta ádil qazylardyń daýysymen birge kórermenniń daýysy da eseptelinedi.

İ júrgizýshi: Bizdiń halyq ónerge mol, baı tegi,
Ánshi dep te, bıshi dep te aıt ony.
Ánge seniń qansha ıkemiń bar eken,
Tyńdap alyp jalǵastyrsań qaıtedi, - dep alǵashqy án kezegine jol beremiz.
Qazir «Qazaq eli» áni oryndalady. Án oryndaýshy oqýshy ánniń sońǵy shýmaǵyn toqtatyp kórermenderden jalǵastyrýyn suraıdy. Ánniń áýenin, sózin durys jalǵastyrýlaryńyz kerek.
İİ júrgizýshi: Joq meniń óleń - jyrdan ózge alańym,
İzdeımin senen tereń sóz balamyn.
Keıde bir salsań áýen yńyldatyp,
Kóńildiń ketedi ǵoı qozǵap ánin.

İ júrgizýshi: Qadirmendi óner súıer qaýym! Qazirgi oryndalatyn ánniń bir neshe jolyn oqymaqpyn. Sizder sol ánniń atyn tabýlaryńyzdy suraımyz.
Eseıip ketsem de,
Men saǵan sábımin.
Kóńilińdi kóktemde,
Kózińnen tanımyn. – al bul qandaı án?
Aldaryńyzda áni qabyl alyńyzdar.
İİ júrgizýshi: Endi bizdiń taǵatsyzdana kútip turǵan saıyskerlerimizdiń ónerin tamashalaıyq.
Daýysyń qandaı syrly edi,
Tabıǵatty tyńdatqan
Kórkiń qandaı nurly edi,
Tań sholpanmen astasqan, - dep birinshi saıyskerimizdiń oryndaıtyn ánin qabyl alyńyzdar.

İ júrgizýshi: Ánder - ánder! Ush áýemde,
Ush kógimde, kúlli álemde,
Kóktem kelse gúl bop elge,
Mende búgin túrlenemin, - dep kelesi saıyskerimizdiń ónerin qabyl alyńyzdar.
İİ júrgizýshi: Ónermen tereń júzip sharyqtadyń,
Maqsatyńdy talappen anyqtadyń.
San qyrly taza gaýhar sekildenip,
Qýantady ózińdi tanytqanyń, - dep kelesi ánshimizdiń ónerin tamashalaıyq.

İ júrgizýshi: Ýa, halaıyq, halaıyq,
Munda nazar salaıyq.
Ata jolyn jalǵamaq,
El dástúrin saqtamaq,
El namysyn qorǵamaq,
Jigitter shyqsyn ortaǵa.
Búgin ánshi atanbaq.
Kelesi saıyskerimizdiń ónerin qabyl alyńyzdar.
İİ júrgizýshi: Jez tańdaı kúmis kómeı ónerpazym,
Saıysqa baptap qosqan dúldúlimiz.
Balalyqtyń baldáýrenin ótkizip,
Baqyt shattyq qýanysh tileımiz – deı kele kelesi saıyskerimizdiń ónerin tamashalaıyq.

İ júrgizýshi: Jınaǵan ón boıyna ónerińdi,
Tántimin, yntazarmyn órenderim.
Bul synnan súrinbesten óte shyqqan,
Jaraısyń, aınalaıyn saıyskerim, - dep kelesi dodaǵa túsýshi saıyskerdiń ónerin baǵalaıyq.
İİ júrgizýshi: Kóńilim taǵy jyrlashy,
Suńqardaı kókke samǵashy.
Ásem ánim shyrqalsa,
Týǵan jerdiń arqasy – dep kelesi ánshimizdi ortaǵa shaqyraıyq.
Osymen bizdiń án saıysyna qatysýshy ónerpazdarymyzdyń óneri óz máresine jetti, kelesi bólim bı saıysy.
«Qozǵalyssyz ómir joq, bı súımeıtin bala joq» - dep aqyndarymyz jyrlaǵandaı endi «bı saıysyn» bastaýǵa ruqsat etińizder.

İ júrgizýshi: Bizdiń mekteptiń qyzdary óneri asqan,
Bıleıdi myń buralyp bala jastan.
Qaıda bizdiń ónerpaz qyzdarymyz?
Ortaǵa shyq tartynbastan – dep bıshilerimizdiń ónerin tamashalaıyq
İİ júrgizýshi: Jaqsy bıde ónege,
«Segiz qyrly bir syrly»
Ónerdi úıren bir – birlep,
Bıde bıle talpynyp – kelesi bıshimizdi ortaǵa shaqyramyz.

İ júrgizýshi: Bıim sondaı ádemi,
Tilshigim bar terbelgen.
Názik sazdy áýenmen,
Myń buralyp bıleımin,- deı kele jas bıshilerimizdi ortaǵa shaqyraıyq.
İİ júrgizýshi: Bala, bala, balapan,
Qaımyqpada seskenbe.
Ortaǵashyq kánekeı,
Ónerińdi kórsetshi – dep ónerpaz bıshimizdi ortaǵa shaqyramyz.

İ júrgizýshi: Mine bizdiń myń buralǵan bıshilerimizdiń de búgingi saıysqa arnaıy daıyndap kelgen bı ónerleri óz máresine jetti.
Kórermender sizder kimge daýys bergilerińiz kelse sol saıyskerdiń atyn aldyn ala daıyndalǵan qaǵazǵa belgilep ákep berýlerińizdi ótinemiz.
Endi ádil qazylarymyz saıyskerlerimizdiń upaıynyń esepterin daıyn bolǵansha sizderdiń qurmetterińizge Batıhan Erkegúldiń oryndaýynda «Bir tilek» áni ózderińizge arnalady.
Sán – saltanat jasaıyq,
Kúı sandyqty ashaıyq.
Bul mereke bul toıǵa,
Ánnen shashý shashaıyq, - dep oryndaýynda «Baldáýren» áni qabyl alyńyzdar.
İİ júrgizýshi: Kim ónerli bul keshte, úmit alda,
Qobaljý bar júrekte kúdik barda.
Ádil qazy alqasy atyńdy aqta,
Ánshilerge armanmenen baqyt jolda, - deı kele sóz kezegin ádil qazylarǵa beremiz.

İ júrgizýshi: Kópshilik qurmetine bólengen ónerpazdarymyz aldaǵy ýaqytta kóptegen baıqaýdyń jeńimpazdary atanyp, oryndaýshylyq sheberligimen talǵampazdyǵymen úlken – úlken tabystarǵa jete berýlerińizge tilektespiz deı kele konserttik keshimizdi aıaqtaı otyryp «óner talantty ósiredi» degen aqyn sózinen qýat alyp, asyl murany saqtap, órkendete bereıik degim keledi. Kóńil bólip tamashalaǵandaryńyzǵa kóp rahmet!
Saý bolyńyzdar!

Aqmola oblysy, Zerendi aýdany, Aqadyr aýyly.
Malık Armangýl