InfoHub Logo

Taqyryby: Aýdandyq «Juldyzdy sát» ıntellektýaldy oıyny
Jumystyń maqsaty: Daryndy balalardyń zerdesin keńeıtip, matematıkalyq álemniń qyr - syryn jete meńgertý. Osy jasalǵan jumystardyń nátıjesin bolashaq ómirinde iske asyryp jáne jetildirip qıynda qyzyq matematıkalyq álemniń syryn ashýǵa yntalandyrý.
Jumystyń túri: Intellektýaldy oıyn.
Kórnekiligi: Interaktıvti taqta, suraqtar, juldyzshalar, kólik túrleri, sharlar
Oıynshylar: 4 synyp oqýshylary
Júrgizýshi: Nurmaǵanbet Jibek Serikqyzy
Akt zaly ásem bezendirilip, ásem áýen oınap turady.

Júrgizýshi:
Armysyzdar, qurmetti ustazdar! Oqýshylar jáne oıynǵa qatysýshy saıyskerler
Júrgizýshi:
«Táýelsiz el tiregi – bilimdi urpaq», «Bilikti birdi jyǵady, bilimdi myńdy jyǵady» – dep halqymyz beker aıtpasa kerek. Búgingi bizdiń mektebimizde aýdandyq 4 synyp oqýshylary arasynda ótkeli otyrǵan «Juldyzdy sát» ıntellektýaldy oıynyna qosh keldińizder! - demekpiz.

- Sharamyzdy bastamas buryn jalpy aýdandyq «Bizdiń aınalamyzdaǵy matematıka» pedagogıkalyq jobasy aıasynda ótip otyrǵan «Juldyzdy sát» ıntellektýaldy oıynynyń İ - İİ kezeńderi týraly qorytyndy sózdi jáne İİİ aýdandyq kezeńge joldama alyp otyrǵan 4 synyp oqýshylaryna lebizin bildirý úshin ortaǵa Aýdandyq bilimdi damytý ortalyǵynyń ádiskeri ------------------------------ shaqyramyz.

1 júrgizýshi:
Shyn júırik shabysynan tanylady,
Naǵyz bilim, tereń oı sanalady.
Baǵa berer ádilqazy ortamyzda
Sizderge qurmetpenen qol soǵylady.
Qazylar ornyqtyrar ádildikti
Kimderdiń jaýaptary kámil shyqty,
Bilim men tapqyrlardyń saıysynda,
Jeńiske jeter deımiz naǵyz myqty.
(Ádilqazylar múshesimen tanystyrý)

1. Kazıeva Z. O – Qarqaraly aýdany Bilimdi damytý ortalyǵynyń ádiskeri, tóraǵa
2.-------------- bastaýysh synyp muǵalimi
3.------------- bastaýysh synyp muǵalimi
4. -------------- bastaýysh synyp muǵalimi
5. --------------- dırektorynyń oqý isteri jónindegi orynbasary

Júrgizýshi:
Báıgege túsip jaryspaı,
Júıriktiń baǵy janar ma?
Bilim men óner jarysyp,
Tárbıe - tálim tabar mán.
Bul báıge oıdyń báıgesi,
Kim júırik oıǵa sol – alda,- degendeı oı men bilim jarysyna qosh keldińizder!

Sonymen qarsy alyńyzdar 4 - synyp oqýshylary!
Saıyskerlermen tanys bolyńyzdar.

Júrgizýshi:
1 – oıynshy --------– bolashaqta jýrnalıs bolýdy armandaıdy jáne ol armanyna jetý úshin bar kúsh jigerin aıamaıdy.
2 – oıynshy ----------- zań qyzmetkeri bolamyn degen oıy bar.
3 – oıynshy ----------- - bolashaqta ustaz bolýdy armandaıdy
4 – oıynshy ----------------- bolashaqta adam janynyń arashashysy dáriger bolǵysy keledi
5 - oıynshy --------------- Qaırat Nurtas, Tóreǵalı Toreáli sıaqty ataqty ánshi bolýdy armandaıdy

Júrgizýshi:
Balalar, oryndaryńa jaıǵasyńdar.
- Jalpy oıynnyń tártibimen tanystyryp óteıin:
- Oıynǵa barlyǵy 5. oıynshy qatysady.

Oıyn erejesi:
- Oıyn 5 kezeńnen turady. Ár kezeńniń tapsyrmasyn oryndaý arqyly sizder belgili jolaqtardy attaı otyryp, shapshańdyqtaryńyz ben eptilikterińizdiń arqasynda kólik túrlerine aýysyp otyrasyzdar jáne durys jaýaptaryńyzǵa juldyzsha alý arqyly upaı jınaısyzdar.
1 juldyzsha - 10 bal.

1 júrgizýshi:
Oıynnyń «SHIRATÝ» kezeńinde sizder bilimniń ár alýan salasynan alynǵan suraqtarǵa jaýap beresizder.
Árbir suraqtyń jaýaby úshin sizderge 5 sekýnd ýaqyt beriledi.
Barlyǵy ortaq 10 suraq qoıylady.
«Myńnan tulpar, júzden júırik bol»- demekshi barshańyzǵa sáttilik tileımiz!

Bilim degen bıik shyń,
Baqytqa seni jetkizer.
Bilim degen aqylshyń,
Qıyndyqtan ótkizer –
dep bilimdi sarapqa salmas buryn «Shıratý» sátin bastaıyq

1. Eń úlken eki tańbaly sandy ata (99)
2. Telefonda 103 - ti terip qaı qyzmetti shaqyrsa bolady?(jedel járdem)
3. Kókjıek tustaryn anyqtaıtyn qural. (tusbaǵar)
4. Eki sheti tuıyqtalǵan syzyq? (kesindi)
5. Qaı qus jumyrtqasyn basqa uıaǵa salady? (kókek)
6. Ósimdik qaı múshesimen tynys alady? (japyraq)
7. « Ǵylym tappaı maqtanba» – óleńin kim jazǵan? (Abaı)
8. 6 júzdik 9 birlikten turatyn sandy ata (609)
9. Mátinniń túrlerin ata. \Sıpattaý, paıymdaý, áńgimeleý\
10. Men onyń túnin súıem, kúnin súıem,
Aǵyndy ózen, asqar taý, gúlin súıem.
Men onyń qasıetti tilin súıem,
Men onyń qudiretti únin súıem - óleńiniń avtory kim?
\M. Muqataev\

Júrgizýshi:
Syryn ashyp beretin ár uǵymnyń,
Ǵajap syrdy osydan sen uǵyndyń.
Qıyny men qatar turar qyzyǵy,
Matematıka – patshasy san ǵylymnyń.

Dúbir shyqsa shyn qas tulpar tura ma,
Bilip alǵyn muny da sen sura da.
Geometrıa, arıfmetıka salasyn,
Óristetken ál - Farabı ǵulama.

Igi isti qashanda sen úzbegin,
Tek únemi shyn asyldy izdegin.
Ál - Bırýnı, Omar Haııam, Ulyqbek,
Jalǵastyrǵan danalardyń izderin.

At - Týsı men Túrkistanı túıindep,
Jazǵan eńbek bul ǵylymǵa beıimdep.
Osylaısha qanat jaıǵan bul ǵylym
Evropada damı tústi keıindep.

Júrgizýshi:
Qazaǵym da kórinedi zor maǵan,
Topyraǵynda ǵylym týy ornaǵan.
I. Aqbergenov, B. Orazbaev, O. Jáýtikov
Alǵash bolyp kandıdattyq qorǵaǵan.

Tazart endi pıǵylyńdy, sanańdy,
Keń tabıǵat, kesh adassa balańdy.
Bir Táńirim matematıkalyq eseppen,
Jaratqan ǵoı on segiz myń ǵalamdy.

Ashylady kiltin tapsań sandyqtar,
Matematıka júzdikter men ondyqtar.
Súresi men aıatynda Qurannyń,
Uǵynǵanǵa matematıkalyq dáldik bar.

Ashyp tastap keń saraıyn syryńnyń,
Ómir júgin osydan sen uǵynǵyn.
Matematıka ómirińe zor qajet,
Sondyqtan da syryn bil bul ǵylymnyń.

Oıynymyzdyń 1 kezeńi:
Tapsyrma № 1
Aýlada 7 shymshyq otyr edi, oǵan taǵy da beseýi qosyldy. Bir mysyq jaılap kelip 1 shymshyqty ustap aldy. Sonda qansha shymshyq qaldy?
Jaýaby: Mysyq ustap alǵan 1 shymshyq qaldy. Basqa shymshyqtar ushyp ketti.

Oıynymyzdyń 2 kezeńi:
Tapsyrma № 2
Dorbadaǵy 10 asyqty 10 bala aldy. Sonda dorbada 1 asyq qaldy. Ol qalaı?
Jaýaby: Sońǵy bala dorbasymen aldy.

Oıynǵa qatysyp, biraq 3 kezeńge óte almaǵan oqýshylarǵa úlken alǵysymyzdy aıtamyz. Al, kelesi kezeńge ótken oqýshylarǵa sáttilik tileımiz!

Oıynymyzdyń 3 kezeńi:
Tapsyrma № 3
Uzyndyǵy 10 metr jipti ár bóligi 2 metr bolý úshin neshe ret qıý kerek?
Jaýaby: 4 ret qıý kerek.

Oıynǵa qatysyp, biraq 4 kezeńge óte almaǵan oqýshylarǵa úlken alǵysymyzdy aıtamyz. Al, kelesi kezeńge ótken oqýshylarǵa sáttilik tileımiz!

Oıynymyzdyń 4 kezeńi:
Tapsyrma № 4
20 - nyń jartysynyń jartysy artyq pa, álde 80 - niń shıreginiń shıregi artyq pa?
Jaýaby: 20: 2: 2 = 80: 4: 4 teń

Oıynǵa qatysyp, biraq 4 kezeńge óte almaǵan oqýshylarǵa úlken alǵysymyzdy aıtamyz. Al, kelesi kezeńge ótken oqýshylarǵa sáttilik tileımiz!

Oıynymyzdyń 5 kezeńi:
Tapsyrma № 5
Synypta 35 oqýshy bar. Qyzdar uldardan úshke artyq. Synypta uldar qansha, qyzdar qansha?
Sheshimi: x+x+3=35 x=16 (u) h+3=16+3=19 (q)

- Al, búgin seniń juldyzyń jandy. Bul seniń juldyzdy sátiń. Jeńisińmen quttyqtaımyz.

Jeńimpaz oqýshyǵa sóz berý. Qandaı sezimdesiń? Dostaryńa ne tiler ediń?

Ádilqazy músheleri oıynnyń aýdandyq irikteý kezeńine qatysqan barlyq bilim alýshylarǵa arnaıy sertıfıkattar tabystaıdy.

Fınalǵa qatysqan oıyn qorytyndysy boıynsha joǵary upaı jınaǵan 3 jeńimpaz bilim alýshylardy túrli dárejedegi dıplomdar men tósbelgilermen marapattaıdy.

Eń joǵary upaı jınap, bas júlde ıelengen jeńimpazǵa baǵaly syılyq tabystalady.

Júrgizýshi:
Tań shýaq táýelsizdik elimizde,
Baq - dáýlet shalqı bersin jerimizde.
Aman - saý bolaıyqshy kóriskenshe
Kók baıraq, jelbireı tús kógimizde!-
deı kele aýdandyq deńgeıdegi «Juldyzdy sát» ıntellektýaldy oıynymyz márege jetti.

«№ 10 Nurken Ábdirov atyndaǵy JBBOM» KMM – nyń
bastaýysh synyp muǵalimi
Nurmaǵanbet Jibek Serikqyzy