InfoHub Logo

Juldyzdy túlek - 2019
Júrgizýshi:
Armysyzdar qurmetti qonaqtar, ulaǵatty ustazdar, ardaqty ata - analar!
Búgingi «Juldyzdy túlek - 2019!» atty Kýálik tapsyrý keshine qosh keldińizder.
Keshimizdi bastamas buryn búgingi merekege arqaý bolyp otyrǵan 9 – synyp jetekshileri men oqýshylaryn ortaǵa shaqyramyz.
Ár sózi meıirimmen bastalatyn,
Qataıtqan shákirtiniń jas qanatyn.
Bilimniń nárin sepken ustazdardyń,
Qalaısha atamasqa asqaq atyn!
9A - synyp jetekshisi: -----------------------------
9 - synyp túlekteri:

Bıazy minezimenen
Túrli róldi somdaıdy
Kúlimdegen Ádiletti
Barlyq dosy qoldaıdy.

Til tabysqan bárimen
Aqjarqyn jan ómirde
Jaqsylyqtyń jarshysy
Aqkóńil ǵoı Araılym.

Aspazshy bolý armany
Ózi sondaı salmaqty
Nurlandyrǵan ortany
Bizdiń Jandos jan - jaqty.

Qandaı da bolsyn ıgi is
Onsyz sirá bitpeıdi
Gúl jaınaǵan Balǵyndy
Jaýqazyn gúlge teńeımiz.
Ózi sondaı uqypty
Synypta eń kórikti
Qoshemettep shaqyraıyq
Eldardaı jigitti.

Kúlli jurtty tamsantqan
Myń burala bıleıdi
Talabymen qýantqan
Bizdiń Ajar ónerli.
Er júrekti Arlan bar,
Júırigimiz ol bolar.
Kompúterdiń tilin bilip,
Bar jaǵynan tanylǵan

Boıynda úlken namys bar
Árqashan alǵa umtylǵan
Segiz qyrly, bir syrly
Namysshyl jigit Erkebulan

Bıikke samǵaý maqsaty
Alǵyr, zerek, talapty
Kórkem shyǵarma oqýdan
Aldyna jan salmaıtyn
Qoshemettep qanekeı
Qarsy alaıyq Aıdanany.
Sýret salý sheberi
Kópshil, alǵyr, ádepti
Qoshemet kórset halaıyq
Bizdiń Shalqar keledi.

Aıdaı sulý Janelámyz,
Ardaqty bizdiń qyzymyz.
Syńǵyrlaǵan kúlkisi bar,
Kúlimdegen daýsy bar.

Kez - kelgen jerdi kartadan
Múdirmeı taýyp beredi
Ólkeniń jer - sý attaryn
Berik jaqsy biledi.

Sabyrly, jaısań minezi
Adaldyqty súıedi
Anelá sondaı daryndy
Kórkem sózdiń sheberi.

Sportty jany súıedi
Salaýatty ómir súredi
Bar qoǵamdyq jumystyń
Ortasynda júredi
Medet synyptyń júregi.
Júrgizýshi: Qurmetti qonaqtar, ata – analar, ustazdar, mektep túlekteri búgin elimizdiń túkpir – túkpirinde jyl boıy bilim nárimen sýsyndaǵan túlekterine aq jol tilep kýálik tapsyrý rásimi júrip jatyr. Endeshe Shubar orta mektebiniń kýálik tapsyrý merekelik keshti ashyq dep jarıalaımyz.
Mektep qoı Elimizdiń qany, jany.
Mektepten bastalady bári – bári
Búgingi saltanatty keshimizde
Shyrqalsyn Qazaqstan ánurany.
Qazaqstan Respýblıkasynyń Gımnyń oryndalýy.
9 jyl oqyp, bilimiń tústi qorlana
Kýálik alǵaly tursyń mektep degen ordada.
Kýálik degen – azamattyq kýási,
Kýálik degen - ómirge bergen joldama.
deı kele kópten kútken qýanyshty kezeń, 9 jylǵy tókken terińniń jemisi,
9 jyl boıy alǵan bilimińniń belgisi atestat alý kezeńi kelgendeı - kýálikterdi tapsyrýǵa mektep dırektory Idrısov Asqar Anýarbekuly jáne dırektordyń oqý isi jónindegi orynbasary Balhasheva Marjan Abýǵalıqyzyn ortaǵa shaqyramyz.
/ Fanfar oınalyp, kýálik alyp kelinedi /
1 - Júrgizýshi
Alǵash ret oıatqansyń sanamdy,
Alǵash ret ustatqansyń qalamdy.
Sol úshinde máńgi syılap ótermin
Túsindirgen jaqsy menen jamandy.
– deı kele quttyqtaý sóz kezegi alǵashqy ustaz Balhasheva Marjan Ábýǵalıqyzyna beriledi.
Juldyzdy túlek - 2019 (Kýálik tapsyrý keshi) júkteý