InfoHub Logo

Jumabek Ahmetuly Tashenov-halyqtyń birtýar perzenti. Onyń erligin qazir tarıhqa jaqyn adamdar nasıhattap, qalyń kópshiliktiń estýine sebepker bolyp júr. Jıyrmasynshy ǵasyrdyń birinshi jartysynda dúnıege kelgen Jumabek Ahmetulynyń erlikterinen 108 jylda qazaq halqynan bólek, túrki tildes halyqtar da habardar. Onyń osynsha tanymal bolýyn tek bir sebeppen túsindire almaımyz. Naqtyraq aıtqanda: Qazaqstannyń 5 oblysyn ózge elge kóshirýden saqtap qaldy. Almatynyń qaq ortasynda «qazaq aýylyn qurdy» dep aıyptalsa da, jumysynan aıyrylǵan dostaryna kómektesýden, úısiz qalǵan halqyna páter berýden, azyq-túlikpen qamtasyz etýden taıynbady. Sol ýaqyttaǵy saıası turaqsyzdyq jaǵdaılarynda Qazaqstan jerinde ıadrolyq qarýdy synaýdan ótkizý jaıly tyń derekter paıda bolǵanda, basshylyqqa qarsy shyqty. Ońtústik Qazaqstannyń Maqtaaral, Bostandyq aýdandarynyń maqta egetin jerlerin Ózbekstanǵa berýge qarsy pikir bildirip, saqtap qaldy. Qazaq tilindegi gazet-jýrnal basylymdarynyń jabylmaýyna, ózge tildiń aýdarmasy retinde shyǵarylýyna jol bermedi. Sondaǵy onyń basshylyqqa qarsy shyqqandaǵy ár sózi: «Maǵan keregi laýazym emes, qazaq halqynyń birligi men jeriniń tutastyǵy»-degenniń tóńireginde boldy. Keıinnen: «Men ol armanyma jettim. Elim, jerim ornynda»-dedi. Ár adamnyń armandary qanshalyqty ártúrli bolatyny qyzyq, ıá? Bireýi qymbat kólik, páter, joǵary shendi armandasa, endi bireýi emine daýa tabylǵanyn, otbasynyń amandyǵyn, halqynyń tutastyǵyn, jeriniń bútindigin armandaıdy. Árkim óz armany oryndalýy úshin maqsatqa aınaldyryp, qolynan keler bar sharany jasaýy qajet. Jumabek Tashenovtyń laýazymy-joǵaryda ataǵan barlyq erlikti jasaýǵa kómek berdi. Onyń joǵary sheni oǵan «tynysh otyrýǵa bolatyn jyly oryn» bolǵan joq, ulttyń joǵalmaýyna septigin tıgizetin «múmkindikter laýazymy» boldy. Jumabek Tashenovtyń jaǵdaıynda bul-ıgi múmkindik boldy. Bastysy-ol kópshiliktiń elestetetin stereotıpin joıǵandardyń biri men biregeıi atandy. Ol-batyr bolý úshin qylyshty qolǵa alyp, urysqa attaný mańyzdy emestigin dáleldedi. Tapanshadan oq ushyryp, jaýdy jeńip batyr bolýǵa da bolady, ony qolda ustamaı-aq ta erlik jasaǵandardyń qatarynan tabylýǵa bolady. Sondyqtan,qazirgi jastarǵa aıtarym:  Patrıotızmdi ıdealdy termınge teńeýdi qoıyńyzdar. Patrıotızm-bul tek eldiń basyna is túskende tıisti kıim kıip, qolǵa qarý alý emes. Patrıotızm - bul eń aldymen elińe degen súıispenshilik. Tilińe, dinińe, ulttyq qundylyqtaryńa degen qurmet. Ulttyq kodtyń joǵalmaýyna alańdap, ol úshin bir paıdańdy tıgize alyp ta patrıot bola alasyn. Bul jaqta eń bastysy-mindetsinbeý. Ár jasap jatqan ıgi isińdi ózgeler úshin emes, eń aldymen óziń úshin jasaýdasyn. Qorytyndylaı kele, aıtarym: Erligi arqyly bar qazaq jerine tańylǵan Jumabek Ahmetuly Tashenov - jastar men aǵa býyn ókilderiniń tamsanyp qarap, zerttelýge turarlyq tulǵalardyń biregeıi. Qazirde onyń aty kóshe ataýlary, mektepterge berilýde. Meniń maqtanatynym-onyń týǵan jerinde dúnıege kelgenim, onyń aty berilgen mektepte oqyp, támamdap jatqanym, aýdanda onyń aty berilgen kóshede aıaq basyp júre alatynym, bastysy - Jumabek Ahmetulynyń kim ekenin tereń zertteı alǵanym, sebebi «Óz ultynyń ulylaryn ulyqtamaý, ol – satqyndyqtyń satqyndyǵy».                                                                                                                                                                                                                                                                                                                                                                                                                                                                                                                                                      Serikpaı Nazym

---