InfoHub Logo

Taqyryby: «Júregimde jaqsylyq»
Maqsaty:
Bilimdilik: ózara dostyq, «jaqsylyq» uǵymdary, adamgershilik qundylyqtary jóninde túsinik berý. Adam boıyndaǵy qundy qasıetter týraly túsinikterin keńeıtý.
Damytýshylyq: Ózin jáne aınalasyn súıýge, jaqsy kórýge degen nıetterin oıatý.
Tárbıelik: Qorshaǵan ortaǵa jaqsylyq jasaı bilýge tárbıeleý.
Kórnekilikter: slaıd
Ádis – tásili: suraq - jaýap, baıandaý.
Oqý is - áreket túri: saıahat sabaq

Sabaqtyń barysy:
Shattyq sheńberi
Bizdiń topta balalar
Tatý - tátti oınaıdy.
Dos kóńili árqashan
Tek jaqsylyq oılaıdy.
- Balalar búgin bizder «Altyn júrek» qalashyǵyna saıahatqa shyǵamyz. Ol elge barý úshin óz júregimizdiń qandaı ekenin bileıikshi.
«Júrekten júrekke» sheńberi
«Júrek jylýy» trenıń
Tárbıeshi: -. Qane, oń alaqanymyzdy júregimizdiń tusyna qoıyp, lúpildep soqqan kishkene júregimizdiń dúrsiline bir sát qulaq túrip kóreıikshi.
- Júrekterińniń soǵysyn sezesińder me?
- Bizdiń júregimiz qandaı, ne dep soǵady eken?
- Meniń júregim qamqorshy
- Meniń júregim jyly.
- Meniń júregim qýanyshty.Balalardyń jaýaptary tyńdalady./

Áńgimeleý «Meıirimdi balapan» ertegisi
- Balapan nelerdi kezdestirdi?
- Qandaı jaqsy isterdi istedi?
Tynyshtyq sáti.

Balalar bir sátke kózimizdi jumyp, boıymyzǵa sińirgen jaqsy qasıetterdi, júregimizdegi jaqsylyq alaýyndaǵy jylýdy
tula boıymyzǵa tarataıyq.
Balalar biz búgin adam boıyndaǵy jaqsy qasıetter jóninde áńgimeleımiz.
- Balalar «jaqsylyq» degen sózdi qalaı túsinesińder?
Jaqsy adam – ol qandaı adam?
(balalardyń jaýaptaryn tyńdap, tárbıeshi tolyqtyrady)
Balalar, durys aıtasyńdar, ıaǵnı adam boıyndaǵy jaqsy qasıetter ol – úlkenderge kórsetken kómegi, kishige qamqor bolýy, uly tabıǵatty aıalap, mápeleýi, ıaǵnı aǵashtardy syndyrmaý, jerge, sýǵa qoqys zattardy tastamaý, qustar men jan – janýarlardy qamqor etip, týǵan jerge degen súıispenshiligi jaqsy adamgershilik qasıetteri arqyly kórinedi.
Balalar senderdiń boılaryńda osyndaı qasıetter bar ma?
(balalardyń jaýaptaryn tyńdaıdy)

Senderdiń jaqsy bala ekenderińdi synap, tekserip, múmkin bul suraqqa ózderińniń is - áreketterińmen jaýap berersińder.
«Jaqsylyq jasaý úshin ne isteý kerek?»
1 tapsyrma
Otbasy múshelerine qalaı jaqsylyq jasaımyz?
2 tapsyrma
Dostarymyzǵa qalaı jaqsylyq jasaımyz?
3 tapsyrma
Otanǵa qalaı jaqsylyq jasaımyz?
4 tapsyrma
Tabıǵatqa qalaı jaqsylyq jasaımyz?
Dıdaktıkalyq oıyn «Ne qajet?»
Shyǵarmashylyq jumys
Geometrıalyq pishinderden qustarǵa uıa jasaý./

«Iá, joq» oıyny
Men bárine árqashan,
Kómektesýge daıynmyn
Osyndaı is bolǵanda
Men árqashan deımin ıá - ıá - ıá!
Úlkenderdi syılaımyz ba?
Aǵash otyrǵyzamyz ba?
Anamyzǵa kómektesemiz be?
Balalardy uramyz ba?
İnimizdi kıindiremiz be?
Mysyqty baǵamyz ba?
Qusqa jem salamyz ba?
Aýany lastaımyz ba?
Gúlge sý quıamyz ba?
Uıany buzamyz ba?
Jaqsylyq jasaımyz ba?

Dáıeksóz «Jaqsylyq jasaý da – baqyt...»

Sergitý sáti
Mynaý – meniń júregim,
Bári osydan bastalady,
Mynaý – basym aqyldy,
Bárin osy atqarady.
Mynaý – meniń oń qolym,
Mynaý meniń – sol qolym
Barlyq isti atqarady.
Mynaý - meniń oń aıaǵym,
Mynaý - meniń sol aıaǵym
Jaqsylyqqa aparady.

« Tabıǵattyń danalyq asyl sózderi»
Árkimge súıispenshilik syılap, Kúndeı bol!
Lotos gúlindeı bol: Júregiń árqashan ashyq bolsyn!
Aǵashqa uqsa - Jaqsy ister jasa, jasaǵan isińe maqtaý kútpe!
Teńizdeı bol: - Seniń oılaryń taza bolsyn!
Aqqýdaı bol: Ómirden tek jaqsysyn tańda, jaqsyǵa ǵana qara, jaqsyny tyńda jáne tek jaqsylyq jasa!
Qumyrsqadaı bol - Basqalarmen bólise bil!

Jaqsy bolsań, jerdeı bol
Bárin shydap kótergen.
Taza bolsań sýdaı bol
Bárin jýyp, ketirgen.
Bireýge jaqsylyq etseń –
Ol jaqsylyqty mindet etpe! (M. Áýezov)

Jaqsylyq júrgen jerde, tarshylyq bolmaıdy. Osymen bizdiń saıahatymyz aıaqtaldy.
Qorytyndy.
- Biz «Altyn júrek» qalashyǵynda ne úırendik?

Jaqsy sóz – jaqsy tilek,
Bolaıyq izgi nıetti.
Jaqsylyq oılap kisige,
Tileıik úlken – kishige – dep tamasha sózdermen «Jaqsylyq jasaǵan baqyt» - dep aınalańa jaqsy ister jasap, qýantsań, kóńilin árdaıym qýanyshqa tolyp, baqytty bolasyń. Árdaıym júregimizde meıirimdilik pen jaqsylyq bolsyn.