InfoHub Logo

Júrek jylýy
Ózin - ózi taný sabaǵynyń jospary
Qundylyq: Súıispenshilik.
Qasıetter: Meıirimdilik, shynaıylyq, janashyrlyq.
Sabaq maqsaty: Oqýshylarǵa júrek jylýy týraly aıta otyryp, súıispenshilik qundylyǵynyń mánin ashý.
Mindetteri:
- Oqýshylarǵa meıirimdilik týraly aıtý;
- Oqýshylardyń boıyndaǵy janashyrlyq, shynaıy qamqorlyq qasıetterin damytý:
- Oqýshylardy meıirimdilikke, shynaıylyqqa, janashyrlyqqa tárbıeleý.

Sabaq barysy:
İ. Uıymdastyrý kezeńi
Oqýshylarmen amandasyp, oqýshylardyń oqý quraldaryn «5 zatty» tekserý.
Tynyshtyq sáti. Nurǵa bólený Baıaý áýen

İİ. Úı tapsyrmasyn tekserý:
Úıge berilgen tapsyrma №23 sabaqtaǵy V. Oseevanyń «Jaı ǵana ájeı» mátini boıynsha, tómendegi suraqtarǵa jaýap alý:
1. Abzaldyń ornynda sen bolsań ne ister ediń?
2. Abzaldyń boıynan qandaı qasıetterdi baıqadyńdar?
Senderdiń ómirlerińde osyǵan uqsas oqıǵa boldy ma?

İİİ. Dáıeksóz. Súıispenshilik júrekten. Halyq danalyǵy.
- Balalar júreginde súıispenshiligi bar adam boıynda qandaı qasıetter bolady?
- Júregi taza, aq adamdar qandaı bolady? Internet resýrsy

IV. Muǵalimniń syıy.«Ǵajaıyp tús» (ertegi) Tórehan N. T.
Birde Arman tús kóredi. Túsinde onyń dene músheleri talasady. Bas birinshi bolyp bylaı deıdi:
- Men bárin basqaramyn, mende kóz, aýyz, qulaq, muryn bar. men bolmasam adam eshteńeni kórmeıdi, estimeıdi, ıisti de sezbeıdi, sóıleı de almaıdy, tipti ashtan óler edi.
- Eger men bolmasam, seni ári - beri, jan - jaqqa kim burar edi? – dedi Moıyn.
Osy kezde qyzý talasqa Qol aralasty:
- Eger men bolmasam, júk tasý, tamaq daıyndaý, kir jýý, útikteý, jazý, sýret salý, ártúrli aspapta oınaý qıynǵa soǵar edi.
Bir kezde Keýdeniń de shydamy taýsyldy:
- Men she?! Eger men bolmasam, adam bolar ma edi? Moıyn sen qaıda qalar ediń? Qol - aıaq, sender she? – dedi.
Al sender bizdiń arqamyzda mektepke, dúkenge, kınoǵa barasyńdar. Kúni boıy júgiremiz, sonda da raqmet aıtpaısyńdar, - dedi Aıaq.
Bul aıtystyń qalaı aıaqtalatyny Armanda qatty qyzyqtyrdy, biraq eń shıelenisken jerinde ol oıanyp ketti.
1. Armannyń ornynda sender tús kórseńder, senderdiń tústeriń qalaı aıaqtalýy múmkin edi?
- Al sender qalaı oılaısyńdar, adamda eń basty qaı múshesi?
- Endeshe, barlyǵymyz kózimizdi jumyp, tynyshtyqta júregimizdi tyńdap kóreıikshi. Júregimiz ne dep tur???
Jaqsylyqty oıla,
Jaqsylyqqa qara,
Jaqsylyqty esti,
Jaqsylyqty aıt,
Jaqsylyqty iste,
Baqytqa bastar jol osy, - munyń bárin júregimizben qalaýymyz kerek. Al oǵan qol jetkizýge barlyq múshelerimiz de kómektese alady.
Shyǵarmashylyq jumys, toptyq jumys:
İ top: «Súıispenshilik» sózine «Bes joldy óleń» qurastyrý
İİ top: «Baqyt» sózine «Bes joldy óleń» qurastyrý
İİİ top: «Qaıyrymdy lyq»sózine «Bes joldy óleń» qurastyrý.
Toppen án aıtý.
Bala tilegi. Sózi: S. Moldasanuly, Áni: F. Joldasova.

Úı tapsyrmasy. 24 sabaq 92 - 95 betterdegi
M. Súndetovtiń «Qaıyrymdylyq» áńgimesin oqý.
Sońǵy tynyshtyq sáti. (Jaı áýen oınap turady.)
Erkin, yńǵaıly otyryp, kózderimizdi jumamyz. Búgingi ótken sabaǵymyzdy oı eleginen ótkizeıik. «Súıispenshilik, janashyrlyq, meıirimdilik» degen sózderdi estigende oılaryńa ne keledi? Iá, Súıispenshilik - tirshiliktiń negizgi tiregi. Súıispenshilik - tirshiliktiń sáni men mánin keltiretin nur.
Endeshe, sol súıispenshilikti biz de júregimizge uıalatyp, basqalarmen bólise bileıik.
Jaılap kózderińdi ashýǵa bolady. Búgingi sabaq úshin senderge úlken raqmet!

Batys Qazaqstan oblysy, Aqjaıyq aýdany,
Mergen orta jalpy bilim beretin mektebiniń
ózin - ózi taný muǵalimi Kajgalıeva Saltanat Orazovna