InfoHub Logo

Jastyq shaqta adam sulýqumar sezimnen asa almaı, tek kórikti, sulý áıel kózdeıdi. Al syrty sulý qyzdyń ishki jan dúnıesi de sulý bolyp kezdesýi — óte sırek qubylys. Sulý qyzǵa úılengender júre kele áıelin kim kóringennen qyzǵanyp, ýaqytyn únemi óz áıelin qorǵashtap kúzetýmen ótkizedi. Sóıtip, sulýǵa úılengen adam kúzetshiniń keıpine kıip, qandaı sorǵa tap bolǵanyn ózi de baıqamaı qalady. Bul týraly aqyn:

«Sulýqumar, sulýdy ańsap sor qýma, Qyzyl júzdi sarǵaıtpa hám qor qylma», — deıdi.

Al keıbireýler «qatyn almaı, qaıyn al» degen baǵytty ustanyp, baı jerden áıel alýdy oılaıdy. Ondaı adamdar kúnderdiń kúninde sol áıelderiniń ashsa — alaqanynda, jumsa — judyryǵynda bolyp, jaltaqtap áıeliniń aýzyna qaraýmen kúnin ótkizedi. Sonyń saldarynan ol úıdegi otbasynyń basshysy kim ekenin aıyrý da qıyn bolady:

«Eı, tyńdaýshy, baı áıelden úmitker, Quly bolyp qalma onyń, bilikti er», — deıdi.

Al bárinen de kózin súzip qaramaıtyn, eriniń kózine shóp salmaıtyn, aq nıetti, ádepti, pák, uıatty qalyńdyqty tabý — qıynnyń qıyny.

Sondyqtan aqyn:

«Qaıyn alma, alsań naǵyz qatyn al, adamshyldyq sińgen asyl zatyn al», — dep qoryta aıtqan.

Iaǵnı Júsip Balasaǵun babamyz da Paıǵambarymyzdyń (aleıhıssalam) hadısinde aıtylǵandaı, áıeldi ımanyna, rýhanı nári men ishki jan dúnıesiniń sulýlyǵyna qarap tańdaý kerektigin ósıet etedi.

---