InfoHub Logo

Eger ulyńyz erjigit, qyzyńyz ıbaly bolsyn deseńiz, bala tárbıesine tikeleı aralasyńyz! «Bala tárbıesi áıeldiń ǵana mindeti» degen jalǵan oıdan arylyńyz. Bala tárbıesi birinshi kezekte ákeniń mindeti. Balalaryńyzdyń bolashaǵyna, minezi men tártibine siz jaýaptysyz. Áıelińiz óte tamasha jan bolýy múmkin, degenmen ol ákeniń ornyn basa almaıdy, Siz berý kerek bolǵan tárbıeni bere almaıdy.

Balanyń ómirinde áke orny erekshe. Sol orynnyń úńireıip bos qalýyna jol bermeńiz! Ulyńyz ben qyzyńyzǵa sizden asqan batyr, sizden asqan úlgi joq. Siz olar úshin jalǵyzsyz. Olardy úlgisiz qaldyrmańyz.

Ulyńyz óskende jaqsy otaǵasy bolýdy sizden úırense, qyzyńyz bolashaq jaryn tańdaýda sizdi basty nazarǵa alady. Olardyń erteńine balta shappańyz.

Qolyńyzdaǵy telefon, aldyńyzdaǵy teledıdar sizdiń nazaryńyzǵa, qaraýyńyzǵa esh muqtaj emes. Al balalaryńyzdyń qalaı ósip ketkenin baıqamaı qalasyz. Siz olarǵa qaramasańyz renjıdi, jaralanady, ózderin baqytsyz sezinedi. Siz olarǵa kereksiz!

Balalaryńyzdyń janyńyzda júrip, ózderin ákesiz sezinýine jol bermeńiz!

---