InfoHub Logo

Bizdiń synyptyń bir jyldyǵy «15 mamyr – Halyqaralyq Otbasy» kúni aıasynda «Ulttyq, adamgershilik jáne rýhanı qundylyqtardy tárbıelik sharalar arqyly nasıhattaýdaǵy synyp jetekshiniń róli» baǵytynda 4 synybynda synyp jetekshisi Gýlnýr Kozybaevanyń
uıymdastyrýymen ótken «Júırik bolsań, ozyp kór» atty tárbıelik is - sharanyń ázirlemesi

Maqsaty: balalardyń til týraly tanymdyq deńgeıin kóterý, bilimdi, jan - jaqty bolýǵa úıretý, birneshe til bilýge, úırenýge degen qyzyǵýshylyqtaryn arttyrý, oı - órisin, oılaý qabiletterin damytý, shyǵarmashylyqqa, shapshańdyqqa baýlý, balalardy ozyq oıly oqýshy bolýǵa tárbıeleý
Kórnekilik: ınteraktıvti taqta, slaıdtar, kompúter, úntaspa, kórme materıaldary, portfolıolar, bannerler, býkletter.

Barysy
Muǵalim.
Qaıyrly kún, qurmetti kórermender, qonaqtar, saıyskerler! 2013 - 2014 oqý jylyn qorytyndylaý maqsatynda ótkeli otyrǵan Bizdiń synyptyń bir jyldyǵy, «15 mamyr – Halyqaralyq Otbasy» kúni aıasynda «Ulttyq, adamgershilik jáne rýhanı qundylyqtardy tárbıelik sharalar arqyly nasıhattaýdaǵy synyp jetekshiniń róli» baǵytynda uıymdastyrylyp otyrǵan «Júırik bolsań, ozyp kór» atty tárbıe saǵatymyzǵa qosh keldińizder!

«Biz bárimiz bir atanyń - qazaq halqynyń urpaǵymyz. Bárimizdiń de týǵan jerimiz bireý: ol qasıetti qazaq dalasy. Bul dúnıede bizdiń bir ǵana Otanymyz bar: ol táýelsiz Qazaqstan»- degen bolatyn elbasymyz N. Á. Nazarbaev. Olaı bolatyn bolsa táýelsiz Qazaqstannyń jas urpaqtarynan kúter úmiti zor. Ol jas urpaq myna sizdersizder! Sizder elbasymyzdyń, ata - analaryńyzdyń, ustazdaryńyzdyń úmitin aqtaıdy degen senim bildire otyryp saıysymyzdy bastaıyq. Bul saıysta sizder boılaryńyzǵa, oılaryńyzǵa qandaı bilim, ilim túıgenderińizdi baıqatady.

Saıysta 3 tap synǵa túsedi. Ár toptyń aty, urany bolý shart. Oıyn 6 bólimnen turady
İ. Jedel jaýap
İİ. Til - óner
İİİ. Bárin bilgim keledi
İV. Qyzyqty uıqastar
V. Myqty bolsań, taýyp kór
Vİ. «Óleń - sózdiń patshasy, sóz sarasy»

İ top: «Jas qyran»
Urany:
İİ top «Bolashaq»
Urany:
İİİ top «Birlik»
Urany: «Birlikti birdi jyǵady, bilimdi myńdy jyǵady»
Bul toptardyń ereksheligi tek oqýshylar emes, ata - analar men birlesedi. Ol úshin ata - ana qolyndaǵy qaǵazdyń ishindegi fıgýralar boıynsha jaıǵasady. ( - İ top, - İİ top, - İİİ topqa jaıǵasasyzdar)
Bul oıynda balalar óz bilimin paıdalanyp, sanasynyń óskenin, sóz baılyǵynyń moldyǵyn kórsetse, ata - analar balasyna qanshalyqty qamqor bola alatynyn kórsetedi.

Qazylar ornyqtyrar ádildikti,
Kimderdiń jaýaptary kámil shyqty.
Bilim men tapqyrlyqtyń jarysynda
Jeńiske jeter deımiz naǵyz myqty,- demekshi, qazylar alqasyn tanystyryp óteıin.
1. _________________________________________________________________
2. _________________________________________________________________
3. _________________________________________________________________

Al, qanekeı, kelińder,
Birińe - biriń erińder.
Bilimińizdi tekserip,
Oıynǵa qatysyp kórińder,- deı kele oıynǵa qatysýshylarǵa sáttilik tileımin.

Bilim degen bıik shyń
Baqytqa seni jetkizer.
Bilim degen aqylshyń
Qıyndyqtan ótkizer,- dep saıysymyzdyń alǵashqy sharty «Jedel jaýap» bólimin bastaımyz.

İ bólim: Jedel jaýap
Bul bólimde ár topqa 6 suraqtan qoıylady. Ár durys jaýapqa 1 upaı beriledi. Oqýshy jaýap bere almaǵan jaǵdaıda kelesi oıynshy jaýap berýge múmkindigi bolady.

İ topqa:
1. Qazaqstan astanasy qaı qala? (Astana)
2. El basqarý salasyndaǵy eń joǵarǵy laýazym? (Prezıdent)
3. Keńes Odaǵynda alǵash ǵaryshqa ushqan kim? (Iýrıı Gagarın)
4. Qazaqtyń ataqty kúres sheberi (Qajymuqan Muńaıtpasuly)
5. 1 - maýsym qandaı mereke? (Balalardy qorǵaý kúni)
6. SSRO - Germanıa soǵysyna qatysqan shyǵystyń qos shynary ( Álıa Moldaǵulova, Mánshúk Mámetova)
İİ. topqa:
1. Qazaqtyń ulttyq aspabynda oryndalatyn shyǵarma (Kúı)
2. 2012 jyly Londonda ótken olımpıadanyń aýyr atletıkadan chempıondary (Ilá Ilın, Maııa Maneza, Svetlana Podobedova, Zýlfıa Chınshanlo)
3. Qazaqstan Ánuranynyń avtorlary kimder? (Jumeken Nájimedenov, Nursultan Nazarbaev)
4. Abaıdyń shyn aty kim? (Ibrahım)
5. Qazaqstan rámizderin ata. (Tý, Eltańba, Ánuran)
6. Qazaq halqy óziniń tuńǵysh Prezıdentin qashan saılady? (1991 jyly 1 - jeltoqsan)
Iİİ. topqa:
1. Alǵash ǵaryshqa ushqan qazaq? (Toqtar Áýbákirov, 1991 jyly)
2. Qazaqtyń úsh bıin ata. (Tóle, Qazybek, Áıteke)
3. Qazaqstannyń ataqty sýretshisi (Ábilhan Qasteev)
4. 6 - shilde qandaı mereke? (Astana kúni)
5. 2012 jyly London olımpıadasynyń jeńil atletıkadan chempıony (Olga Rypakova)
6. Qazaq dalasynda mektep ashqan uly aǵartýshy kim? (Ybyraı Altynsarın)

İİ bólim: Til - óner
Maqaldyń jalǵasyn tabý kerek. Árbir durys jaýap 2 upaı beriledi.
İ topqa:
1. Eń tátti de til,... (eń ashshy da til)
2. Oqý - bilim bulaǵy,... (bilim - ómir shyraǵy)
3. Óner aldy... (qyzyl til)
4. Ataǵa qarap....( ul óser), anaǵa qarap...(qyz óser)
5. Ananyń kóńili balada...( balanyń kóńili dalada)
6. Ata - ananyń qadirin...(balaly bolǵanda bilersiń)
İİ topqa:
1. Ashý - dushpan,... (aqyl - dos)
2. Til qylyshtan... (da ótkir)
3. Otan... (ottan da ystyq)
4. Atanyń balasy bolma...(adamnyń balasy bol)
5. Jaqsy sóz... (jarym yrys)
6. Balanyń jaqsysy qyzyq... (jamany kúıik)
İİİ topqa:
1. Sheberdiń qoly ortaq,... (sheshenniń tili ortaq)
2. Otansyz adam -... (ormansyz bulbul)
3. Er jigit eli úshin týady,... ( eli úshin óledi)
4. Uıada ne kórseń... (ushqanda sony ilersiń)
5. Balaly úı - bazar,... (balasyz úı - mazar)
6. Qyz eldiń kórki,... (gúl jerdiń kórki)