InfoHub Logo

Qoja jas kezinde saýdamen aınalyspaq bolady. Ózinen jastaý bir dosyn ertip, bir qumyra sút satyp alady da, qalaǵa satýǵa aparady. Sútti satqan soń, olar bir qumyra shyryn satyp alyp, aýylǵa aparyp satpaq bolady. Solaı etedi de, olar qumyrany shyrynǵa toltyrǵan soń, bulardyń qaltasynda taǵy da jıyrma bes tıyn qalady. Qojanyń jasy úlken bolǵasyn, aqsha ózinde qalady. Bular shyryndy alyp, jolǵa shyǵady.

Biraz jol júrgen soń, Qoja:

— Tifý-tifý! Tek kóz tımesin. Súttiń de, shyrynnyń da saýdasy sátti boldy! — deıdi.

— Saýdamyz osylaı sátti bola berse, — deıdi Qojanyń dosy. — Onda biz eki aıda biraz aqsha jınap alamyz, sóıtip joqshylyqtan qutylamyz.

Biraz júrgen soń, Qojanasyr:

— Qymbatty dostym, biz búgin biraz aqsha taptyq. Sonyń qurmetine bir kese shyryn ishkim kelip tur, — deıdi.

— Dostyqtyń jóni bir bólek, — deıdi dosy, — al aqshany teńdeı bóliseıik. Shyryndy ekeýmiz birge aldyq, ishkiń kelse, aqsha tóle.

Qoja qaltasyndaǵy jıyrma bes tıyndy dosyna beredi de, bir kese shyryn ishedi. Dosy bolsa, jıyrma bes tıyndy qaıtyp berip, ol da shyryn ishedi. Biraz júrgen soń, Qoja dosyna jıyr ma bes tıyndy berip, taǵy da ishedi. Sosyn Qojanyń dosy da ishedi. Qysqasy, olar aýylǵa jetkenshe, qumyra da bosap qalady. Biraq olardyń qaltasynda, áıteýir, jıyrma bes tıyn qaldy ǵoı.

---