InfoHub Logo

Ana tili 3 - synyp
Taqyryby: K. Tabeı «Ol aqyn bolar ma edi?»
Maqsaty: 1. Bilimdilik. Oqýshylarǵa mátindi negizge ala otyryp «Jeltoqsan oqıǵasynyń» tarıhyn, mańyzyn túsindirý. Sol kóteriliske qatysqan kúresker jas Qaırat Rysqulbekovtyń erligin, jaqsy qasıetterin úlgi tutý.
2. Damytýshylyq. Balalardy baılanystyryp, júıeli, mándi sóıleýge daǵdylandyrý. Shyǵarmashylyq qabiletterin damytý, óz betimen jumys isteı bilý daǵdylaryn qalyptastyrý.
3. Tárbıelik. Oqýshylardyń eli úshin qurban bolǵan batyrlarymyzdyń erligin dáriptep, eline jerine degen súıispenshiligin arttyryp patrıottyq tárbıe berý.
Sabaq ádisi: aqparattyq tehnologıa, syn turǵysynan oılaý sabaǵynyń elementteri.
Sabaqtyń barysy:
İ Uıymdastyrý kezeńi.
- Balalar, búgingi sabaǵymyz erekshe ótpek!
Psıhologıalyq daıyndyq
(Relaksasıa túrinde úntaspadan A. Eńsepovtiń «Kók baıraq» kúıi oryndalady)
- Qane balalar, kózimizdi jumaıyq!
- Ózińdi kók aspannyń tórinde samǵap ushyp kele jatqan qyran qustyń beınesinde elestet. Sen kók aspandy jaryp ushqan, jeline de daýylyna qaramaıtyn qyransyń. Qane kózińe elestet! Anaý turǵan bıik taýdy kórdiń be? Onyń ar jaǵynda óz aldyna derbes, erkin de táýelsiz el bar. (Kóshpendiler fılminen úzindi)
İİ Ótkendi qaıtalaý
- Balalar qaı el eken?
- Qazaqstan!!!
- Qazaqstan qandaı memleket?
- Erkin, derbes, ulanǵaıyr, beıbitshilik ornaǵan, azatty, eń bastysy «táýelsiz»!
Táýelsizdikti almas buryn elimiz qandaı qıyn zamandy basynan ótkizdi?
- Jońǵar shapqynshylyǵy, 1937 - 38jyldardaǵy repressıa, 1930 - 32 ashtyq jyldary, 1941 - 45j UOS
- Uly Otan soǵysynyń qandaı batyrlaryn bilesińder?
- Álıa Moldaǵulova, Mánshúk Mámetova, Núrken Ábdirov, Baýyrjan Momyshuly, Raqymjan Qoshqarbaev.
Endeshe aldylaryńdaǵy noýtbýktyń pernetaqtasyn bassańdar senderge arnaıy suraqtar beriledi, qane jyldam jaýap bereıik.
• Raqymjan Qoshqarbaev kim?
• Reıhstag degen ne?
• Raqymjan óz komandırinen qandaı tapsyrma aldy?
• Tý tigý úshin komandır Raqymjandy nege tańdap aldy?
• Tapsyrma qalaı oryndaldy?
• Raqymjan Qoshqarbaev týraly qosymsha ne bilip keldiń?(ekrannan R. Qoshqarbaevtyń sýretteri)
Kórinis: «Tý tikken Raqymjan»
Oı túıindeý.
Sonymen osy er batyrlarymyz ne úshin, kim úshin, ne sebepti soǵysqan?
- Uly jeńistiń neshe jyldyǵyn atap óttik?
- Keler jyly qandaı úlken shara bolǵaly tur?
Qazaqstanymyzdyń táýelsizdigine 20 jyl
Táýelsiz memleket degendi qalaı túsinesińder?
• Óz aldyna derbes;
• Halqy bar, belgili aýmaqty ıelenedi
• Memlekettik rámizderi, Ata zańy, memlekettik tili;
• Ulttyq salt - dástúr, ulttyq oıyny, bıi bar

İİİ Sergitý sáti.
Qazaqtyń ulttyq bıi «Qara jorǵa»

İÚ Jańa sabaq
- Qazaqstan respýblıkasy qaı jyly táýelsizdigin jarıalady?
- 1991j 16 jeltoqsan
Táýelsizdiktiń bastamasy qaı jyly boldy? Ózderiń jeltoqsan oqıǵasy týraly bilesińder me?
- 16 jeltoqsan 1986 jyl
(Taqtadan jeltoqsan oqıǵasyna arnalǵan slaıd, úntaspadan «Jeltoqsan jeli» áni)
Ol oqıǵany eshbir qazaq azamaty umytýǵa tıis emes.
Jeltoqsan aıy... Jeltoqsan men qarasha sol bir, eki aı. Keshegi dúrkirep ótken 1986 jyldyń jeltoqsanynda qazaq halqy ultannan sultan bolyp, tar jol, taıǵaq keshýden ótti.
16 jeltoqsan Qazaqstan tarıhynda óziniń jańǵyryǵymen óshpes iz qaldyrǵan nebári 18 mınýtqa sozylǵan Respýblıka Ortalyq plenýmda Respýblıkamyzdy basqaryp kelgen Dinmuhamed Ahmetuly Qonaevtyń ornyna Kolbın saılandy.
17 jeltoqsan Almaty qalasynda myńdaǵan qazaq jastary narazylyq bildirip sherýge shyqty. Olar «Táýelsizdik kerek. Qazaq eliniń kósemi saılansyn!» - degen tilek bildirdi. Ult namysyn jyrtyp alańǵa shyqqan jastardyń arasynda L. Asanova, E. Sypataev, S. Muhamedjanova boldy. Sol kezdegi úkimet basshylarynyń buıryǵymen kúsh kórsetildi. Kóptegen jastar túrmege qamaldy. Olarǵa jeltoqsannyń yzǵarly kúninde zábir kórsetildi. Osyndaı qatygezdikti kórgen olarǵa arasha túsem dep júrgenderdiń arasynda Qaıraty Rysqulbekov te bar edi.
- Endeshe búgingi sabaǵymyzdy jeltoqsan qurbany bolǵan Q. Rysqulbekov aǵamyzǵa arnaımyz.

Kitappen jumys.
• Muǵalimniń oqýy
Oqýshylar ishteı oqıdy
• Sózdik jumys: Peshene – jazmysh, taǵdyr
On ekide bir gúli ashylmaǵan – jas
• Suraq - jaýap:
1. Áńgime kim týraly?
2. Mátinnen Qaırat Rysqulbekov jóninde ne bildiń?
3. Áńgimede Qaırattan basqa taǵy qandaı «Jeltoqsan qurbandarynyń» attary atalǵan?
4. Jeltoqsan oqıǵasy qashan boldy? Jeltoqsan qozǵalysyna qatysýshylardyń arman - tilekteri ne edi?
5. Qazaqstan qaı jyly óz táýelsizdigin jarıalady?
• Taýyp oqý:
1) Mátinnen Q. Rysqulbekovtiń óz shyǵarmalarynan keltirilgen úzindilerdi taýyp, mánerlep oqy.
2) Qaırattyń áke - sheshesiniń esimderin ata, olardyń sózderin taýyp oqy
• Bólimge bólý, at qoıý
(Ekranda ár bólimge saı keletin ataýlar shyǵady, oqýshylar ár bólimniń taqyrybyn tańdap alýdyń sebebin túsindiredi)
Bozdaqtar armany oryndaldy
Bilimge umtylǵan Qaırat
Qaırat máńgi esimizde
Balań júrektiń jan syry

- Balalar, qazaqta qasıetti sandar bar, sol sıaqty 21 sanynyń Qaırattyń ómirinde qandaı iz qaldyrdy?
• 21 jasynda tutqyndaldy
• 21 kún sot aldynda tergeldi
• Semeıdegi abaqtydaǵy 21 kamerasynda tutqynda otyrdy
• 1988 jyldyń 21 mamyrynda qaıtys boldy
• Bes jyl ótken soń, 21 - aqpanda aqtaldy

Dáptermen jumys: deńgeılik tapsyrma

Jazýshylar aımaǵy – ESSE “Men Qaırat aǵamyzdyń erligin maqtan tutamyn”
Aqyndar aımaǵy – 4 jol óleń
Zertteýshiler aımaǵy – Qaıratqa minezdeme berip sıpattaý jáne Venn dıagramsyn quryp, R.Qoshqarbaev pen Q. Rysqulbekovti salystyrý

Shyǵarmashylyq tapsyrma (kompútermen oryndaıdy)
Oqýshylar tintýirdiń kómegimen kóp núkteniń ornyna tıisti sózdi qoıyp ornyn tabady.
1. Bolat... shynyǵady,
Batyr... shynyǵady.
2. Júk aýyryn... kóteredi,
El aýyryn... kóteredi.
3.... jer kógerer,
... er kógerer

Bul maqal – mátelder jalpy ne týraly?
- Batyrlyq, erlik týraly
- Alaıda, qazirgi zamanda erlik nemese batyl is degendi qalaı uǵasyńdar? Sender erlik jasadyńdar ma?
İV Qorytyndy
INSERT
Bilemin
Bildim
Bilgim keledi

V Baǵalaý
Sabaqqa belsendi qatysqan oqýshylardy baǵalaý
Vİ Úıge tapsyrma
Jazýshylar aımaǵy – esse “Er esimi – el esinde”.
Aqyndar aımaǵy – Qaırat aǵanyń óleńin jattaý.
Zertteýshiler aımaǵy – L. Asanova, E. Sypataev, S. Muhametjanova týraly derekter jınaý.