InfoHub Logo

Bilim berý salasy: «Qatynas»
Uıymdastyrylǵan oqý is - áreketi: Til damytý
Taqyryby: «Kel, oınaıyq!»
Bilimdilik maqsaty: Dybystardyń durys aıtylýyn qalyptastyrý, dybystardy sózde, sóılemde ajyrata bilýge, baılanystyryp sóıleýin, balanyń sózdik qoryn molaıtý,
Damytýshylyq: Artıkýlásıalyq sóıleý apparatynyń qımyl - qozǵalysyn, qoldyń usaq motorıkasyn, tynys alýyn, logıkalyq oılaýyn, fonematıkalyq estý qabiletterin damytý.
Tárbıelik: Oqý is - áreketine degen qyzyǵýshylyqtaryn arttyrý.
Sózdik jumys: kóktem, sandyq, jýyný, qulyp.
 Bılıngvaldy syńary: vesna, sýndýk, ýmyvatsá, zamok. 
 Zattyq damytý ortasy: Aına, qaǵazdan jasalǵan gúlder, kóbelekter, kóktem mezgiline, dybystarǵa baılanysty, sýret qıyndylary, slaıd, sıqyrly qorapsha, úsh túrli sandyq.

Áreketter kezeńi	Pedagogtiń is - áreketi	Balalardyń   is - áreketi
Motıvasıa - lyq - qozǵaýshylyq Uıymdastyrý - shylyq - izdenistik Refleksıa - lyq - túzetýshilik	Shattyq sheńberi  Jarqyn, jarqyn únimiz, Bolashaqtyń kúnimiz. Balabaqsha úıiniń, Jaınap turǵan gúlimiz. Sálemetsizder me, qonaqtar, Qosh keldińiz bárińiz. - Jaraısyńdar, balalar! Búgin bizge kóptegen qonaqtar kelip otyr eken. Qonaqtar senderdiń oqý is - áreketine degen qyzyǵýshylyqtaryńdy, bilimderińdi kórgileri keledi eken. Endeshe biz oqý is - áreketine kósheıik. - Qazir jyldyń qaı mezgili? - Kóktem aılaryn ataıyqshy? - Balalar, men senderge kóptegen túrli sýretter daıyndadym. Sol sýretterdiń ishinen kóktem mezgiline tán sýretterdi taýyp alyp myna qaǵaz betine jabystyramyz da oryndarymyzǵa otyramyz. - Balalar, biz sendermen qaı dybystardy durys aıtyp úırendik? - Dybystardy durys aıtý úshin biz nege arnalǵan jattyǵýlar oryndamyz? «Kúrekshe» «Altybaqan» «Kese» «Tátti tosap» «Masa» «Sylaqshy». Artıkýlásıalyq massaj. - Balalar biz uıqydan turǵan soń ne isteımiz? - Durys jýynamyz. Káne barlyǵymyz aınaǵa qarap bitimizdi jýamyz, mańdaıymyzdy, kózimizdi, qasymyzdy, murtymyzdy, qulaqtarymyzdy jýamyz. (5 - 6ret) Tynys alý jattyǵýy. «Gúl ıiskeý» «Kóbelek ushyrý» Dıdaktıkalyq oıyn: «Sıqyrly sandyq» - Balalar, men senderi «Sıqyrly sandyq» oıynyna shaqyramyn. Munda árqaısymyz úırengen dybystarymyzdan bastalatyn sýretterdi myna úsh sandyqqa ornalastyramyz. Birinshi sandaqqa dybys sózdiń basynda, ekinshi sandyqqa sózdiń ortasynda, úshinshi sandyqqa sózdiń aıaǵynda keletin sózderdi taýyp salamyz. Sergitý sáti.  Sekiremiz top - top - top, Shapalaqtap hlop - hlop - hlop. Iilemiz ońǵa qaraı bir, eki, úsh, Iilemiz solǵa qaraı bir, eki, úsh. Bir otyryp, bir turyp, Biz shynyǵyp alamyz. Dybystyq jattyǵý  Er - er - er Emdeıdi dáriger. Ǵý - ǵý - ǵý Jasaımyn jattyǵý. Yr - yr - yr Atam baqty sıyr. Er - er - er Ushyp keldi kepter. Aq - aq - aq Taldan tústi japyraq. Ap - ap - ap Ápkemde kóp kitap.   Saýsaq jattyǵýy. - Biz kóptegen saýsaq jattyǵýlaryn jasap úırendik. Taqtadan birneshe sýretter shyǵady, al sender sony qolmen beınelep berińder. Qulyp, qoıan, kún, úı, ulý, sańyraýqulaq, qaz, tasbaqa, torǵaı. «Bizdiń januıa»  Bir úıde biz nesheýmiz? Kel sanaıyq ekeýmiz. Bas barmaǵym ákem, Balan úırek - anam, Ortan terek aǵam, Shyldyr shúmek - men, Kishkene bóbek sen. Bir úıde biz nesheýmiz? Bir úıde biz beseýmiz. - Jaraısyńdar balalar, endi men sendermen «Sıqyrly qorap» oıynyn oınaǵym kelip otyr. Aldaryńdaǵy sıqyrly qoraptyń ishinde túrli sýretter salynǵan, al sender sol sýretti jumbaq oılap jasyrasyńdar. Qarbyz, qyryqqabat, alma, kóbelek, toqyldaq, átesh, t. b. Ár sózdi býynǵa ból. - Balalar, bizge jańyltpash ne úshin kerek? - Kim qandaı jańyltpashtar biledi? - Balalar, endi biz oqý is - áreketimizdiń sońynda «Kim jyldam?» oıynyn oınap jibereıik. Oıynda men bir sóılem aıtamyn, al sender jalǵastyrasyńdar. Oıyn: «Kim jyldam?» - Qysta qar jaýady, al kóktemde... - Jazda jeńil kıinemiz, al qysta...   - Kózimizben kóremiz, al qulaǵymyzben... - Tańerteń oıanamyz, al túnde... - Kóktemde aǵash búrshik jarady, al kúzde... - Sıyr móńireıdi, al qoı... - Átesh shaqyrady, al ıt... - Jaraısyńdar balalar, búgingi oqý is - áreketimiz de aıaqtalyp qaldy. Búgin biz oqý is - áreketimizde qandaı tapsyrmalar oryndadyq?  - Senderdi búgingi oqý - is - áreketine óte jaqsy qatysqandar. Búgingi oqý is - áreketinin alǵan kóńil kúılerińdi munda turǵan sýretter arqyly kórsetińder.	Balalar sheńber boıyna turyp óleń joldaryn qaıtalaıdy.   - Qazir jyldyń kóktem mezgili. - Naýryz, sáýir, mamyr.   Balalar kóktem mezgiline tán sýretterdi tańdap alyp jasyl paraqqa jabystyrady da oryndaryna otyrady.   -«R», «L», «Sh», «S», «J» dybystaryn aıtyp úırendik.   - Tilge arnalǵan jattyǵýlardy, tynys alý jattyǵýlaryn oryndadyq   Balalar aına aldynda tilge arnalǵan jattyǵýlardy oryndaıdy.   - Jýynamyz.   Aına aldynda artıkýlásıaláq massajdy logopedtiń nusqaýy boıynsha oryndaıdy. Gúldi, kóbelekti paıdalana otyryp, tynys alý jattyǵýyn oryndaıdy. Oıyn shartyn túsinip qyzyǵa oınaıdy. Qımyl - qozǵalys arqyly sergitý jattyǵýyn oryndaıdy.   Dybystyq jattyǵýdy logopedpen birge qaıtalaıdy.      Balalar taqtada kórsetilgen sýretterdi saýsaqtary arqyly beıneleıdi.   Óleń joldaryn qaıtalaı otyryp saýsaq jattyǵýyn oryndaıdy.   Balalar aldaryndaǵy qorapshalardy ashyp kórip ishindegi sýretke óz oılarynan jumbaq oılap aıtaly. (Ózi túrli - tústi, gúlderge qonady?) kóbelek. - Tilimizdi jattyqtyrý úshin.   Balalar ózderi biletin jańyltpashtaryn aıtady.   - Al kóktemde qar erıdi. - Al qysta qalyń kıinemiz. - Qulaǵymyzben esteımiz.   - Túnde uıyqtaımyz. - Kúzde japyraqtar sarǵaıyp jerge túsedi. - Qoı mańyraıdy.  - It úredi. - Tilge arnalǵan jattyǵýlar, tynys alý jattyǵýyn, saýsaq jattyǵýyn, oıyndar oınadyq.  Balalar arnaıy daıyndalǵan túrli kóńil - kúıdegi smaılıkterdi tańdap alyp kórsetedi.

Kútiletin nátıje:
Biledi: kóktem mezgiliniń erekshelikterin ajyratyp, ataı biledi.
Meńgeredi: Dybystardy durys aıtýdy meńgeredi.
Jasaı alady: Saýsaq arqyly ár túrli zattardy beıneleı alady.

Taraz qalasy №13 bóbekjaı - baqsha 
Logoped Ibraeva Gýlsara