InfoHub Logo

Sabaqtyń taqyryby: Keshirimshildik kóńil keńdigi
Qundylyǵy: súıispenshilik
Sabaqtyń maqsaty: Aınalada qorshaǵan adamdarǵa keshirimmen súıispenshilikpen, túsinistikpen, izgilikpen qaraý adam boıyndaǵy jaqsy qasıetter ekenin túsindirý.
Kórneki quraldar: úntaspa, oqýlyq, aq qaǵaz, dápter, ınteraktıvti taqta.

Sabaqtyń barysy
Uıymdastyrý kezeńi

İ. Tynyshtyq sáti.
Ormanǵa oısha serýen. Baıaý áýen qoıylady.(Eskertý: eger bul sabaqty ashyq alańda ótkizilse, onda serýendi synypta emes, baqtaǵy bir orynnan bastaý kerek).

Muǵalim: Arqańyzdy tik ustap otyryńyz. Kózińizdi jumyp, tereń tynys alyńyz. Árbir tynys alǵan saıyn neǵurlym bosańsyp, sabyrly bolýǵa tyrysyńyz. Qazir biz ormanǵa serýenge shyǵamyz. Ózińizdi synyp esigine qaraı bettetip, esikti ashqanyńyzdy, dálizben ótip, dalaǵa shyqqanyńyzdy elestetińiz. Taza aýa jutyp, shashyńyzdy jelbiretken jeldi jáne betińizdi sál - pál qyzdyrǵan kún sáýlesin sezinińiz, Bir mınýt toqtap aınalaǵa kóz salyńyz. Tabıǵattyń ásemdigi men jylylyǵyn sezinińiz. Gúldiń birine jaqyndap, eńkeıip, onyń náziktigi men juqalyǵyna zeıin salyńyz. Ony ıiskeńiz jáne hosh ıisin jutyńyz. Aınaladaǵy bar nárseni baqylap, ary qaraı júre berińiz. Gúlder, gúldermen aǵashtardyń ıisi, qustardyń daýysy jáne jándikterdiń yzyńy.

Bizge qalaısha jeńil ári tynysh jáne baqytty seziný qandaı. Tabıǵat netken ǵajap, ony qalaısha súıetinimiz ben qadirleıtinimizdi, birde bir tiri jándikke zıanymyz tıgizbes úshin qamqorlyq jasaýdy túsinemiz. Sizdiń kez kelgen ýaqytta kelip demalatyn ornyńyz bar. Al qazir mektepten qaıtýǵa daıyndalyńyz. Ornyńyzdan turyp, aınalaǵa taǵy bir iret qarańyz, taza aýadan tereń jutyńyz, esikti ashyp, óz ornyńyzǵa qaıtyp kelińiz. Osy jym – jyrttyq, tynyshtyq, qanaǵat sezimin ózińde saqtańyz. Kózińizdi ashyp, kúlimsireńiz!

İİ. Úı tapsyrmasyn tekserý:
Oqýshylardan úı tapsyrmasyn tekserý maqsatynda, aldyn ala oqyp kelýge berilgen. M.Maqataevtyń «Kúndestik qurysyn»óleńine suraqtar qoıý.
● Adamdar arasynda renishtiń týýyna ne sebep bolady?
● Kúndestik, baqtalastyq degen sózdi qalaı túsinemiz?
● Adamdarǵa tek qýanysh syılaý kerek degen pikirmen kelisesiń be? Nelikten?
● Aqyn bizge ne aıtty?

İİİ. Dáıek sóz
Sabaqtaǵy berilgen taqyrypqa baılanysty, oqýshylardyń óz pikirlerin júıeli aıtyp úırený maqsatynda A. Igúnekıdiń «Keshire bilgen adam - kúshti adam» degen qanatty sózine kózqaras, sebep, mysal, jalpylaý birizdiligin saqtaı otyryp taldaýǵa usynylady.

Qorytyndy sóz: Kemshiliksiz adam bolmaıdy. Bilmestikten tájirıbesizdikten qatelesýler bolady. Qatelesý - kináli bolý, Kinásin moıyndaý árkimniń qolynan kele bermeıdi. Al jón sózge túsine jyǵylyp, kinásin moıyndap, qatesin túzete bilý aqyldylyqtyń, qaıratkerliktiń belgisi.

İV. Áńgimelesý
Oqýshylardyń berilgen taqyryp tóńireginde ózindik pikirlerin bildire alý, tálim - tárbıe alý, adamdyq qundylyqtardy úırený maqsatynda. Tóle bıdiń toǵyz jasar Jeteske bergen batasyn aıtý.
At berseńiz ólip qalady, ton berseńiz tozyp qalady, odanda ólmeıtin, óshpeıtin, kókeıden esh ketpeıtin batańyzdy berińiz - deıdi. Sonda Tóle bıdiń batasy: (Oqýshylar qolyn jaıady)
Bir úıdiń balasy bolma,
Kóp úıdiń sanasy bol!
Bir eldiń atasa bolma,
Bar eldiń danasy bol!
Bir tonnyń jaǵasy bolma,
Kóp qoldyń aǵasy bol!
Aqty aq dep baǵala,
Qarany qara dep qarala
Ózegiń talsa, ózen boıyn jaǵala,
Basyńa is tússe, kópshilikti saǵala!
Ózińe óziń kámil bol,
Halqyńa ádil bol,
Jaýyńa qatal bol,
Dosyńa adal bol!

Qazaq halqynyń urpaq tárbıeleýdegi basta ustanymy, qaǵıdasy bolǵan?
Qazaq danyshpandarynyń osy baǵytta aıtqan qandaı ulaǵatty sózderin mysalǵa keltirer edińizder?
Osy batadan qandaı oı túıdińizder?

V. Shyǵarmashylyq jumys
Oqýshylarǵa tek qana aqparaty berip qana qoımaı, óz betimen izdený maqsatynda óleń joldaryn óz oılarymen qurastyrýǵa berý.
Turǵanda san alýan ǵasyr kúdik,
Tárbıege beredi..........................
Adamdyq, azamattyq, aq kóńildilik,
Árkimge eń qajet.............................
Bárimizden tabylsa qup jarasar.
....................................., raqymdylyq.
Báriniń bastaýy -.............................
Tereńirek oı....................................

VI. Toppen án aıtý
Oqýshylardy bir sát sergitý maqsatynda, Jarylqasyn Dáýlettiń áni «Qazaq eli» ánin aıtý.

VII. Dáptermen jumys
Dápterde tómendegi deı tapsyrma berilgen:
Birinshi baǵanǵa ózińe jaqyn adamdarda jazyńdar. Ekinshi baǵanǵa jaqyn adamdaryńnan ne kútesiń, sony tizbektep jazyńdar.
Jaqyn adamdar Olardan ne kútesiń?

VII. Úı tapsyrmasy
12 - sabaqtaǵy «eki dos» ańyz áńgimesin oqyp kelý.
VIII. sabaqty qorytyndylaý,
Tynyshtyq sáti. «tynyshtyq áni»