InfoHub Logo

Taqyryby: Kim kúshti, epti?
Maqsaty: Salaýatty ómir saltyn ustanýǵa baýlý.
Sportqa degen qyzyǵýshylyǵyn arttyrý.
Mindeti: Ár túrli sporttyq oıyn túrlerimen tanysý, tásilderin meńgerý.
Balalardyń ıkemdiligi men eptilikterin, mergendik pen shapshańdylyq qabiletterin damytý.
Túri: Estafetalyq oıyn.
Ótiletin orny: Sport alańy.
Kórnekiligi: túrli tústi sharlar, doptar, kedergiler, jalaýshalar, konýstar, ysqyryq, ýaqyt ólsheýish.
Qurmetti ata analar men balalar, búgingi «Sport ómir kórki»saıysyna qosh keldińizder!
Kóńildi jarysqa 2 toptyń ıaǵnı, «Aqqý»jáne «Gúlder» tobynyń balalary qatysady. Jarysqa qatysýshylardy ortaǵa shaqyramyz.

Ustanǵan salaýatty ómir saltyn,
Jasqanyp, eshqashanda moıymaıtyn,
Bolashaq sportshylar keldi ortaǵa
Qol soǵyp qarsy alaıyq, qane, halqym!

- Saıysty bastamas buryn, saıysymyzǵa ádil baǵa beretin ádil - qazylar alqasymen tanysaıyq. Ár kezeń saıyn ádil - qazylar óz baǵasyn beredi.
- Sporttyq saıysymyz 5 baldyq júıemen baǵalanady.

Salaýatty ómir saltyn saqtańyz,
Jattyǵýdan eshqashan da qashpańyz.
Bala baqsha balalary
Parasatty, aıbyndy,
Bolyńyz siz segiz qyrly, bir qyrly.

Toppen tanysý
-«Aqqý» tobyn ortaǵa shaqyramyz
Toptyń urany: Sportpen dostas, jalqaýlyq pen qoshtas.
-«Gúlder» tobyn ortaǵa shaqyramyz
Toptyń urany: Bárimiz birimiz úshin, birimiz bárimiz úshin.
- Jaraısyńdar balalar, olaı bolsa jarysymyzdy bastamas buryn denemizdi qyzdyraıyq, senderdi ortaǵa dene qyzdyrý jattyǵýyna shaqyramyn.
- Qurmetti saıyskerler! Sizderge sát sapar! Saıysymyzdy bastaımyz.
1. Kezeń. «Qos aıaqpen sekirý»
Sharty: Qos aıaqpen berilgen bes sheńber ishine sekirip, belgilengen konýsty aınalyp, keri qaraı tap solaı tapsyrmany oryndaý. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý. Balany qolǵa alyp sekirý.
2. Kezeń. «Irelendep júrý»
Shartty: Syzylǵan syzyq boıymen ırelendep júrip baryp, belgilengen konýsty aınalyp, keri qaraı tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý. Balany arqasyna otyrǵyzyp júgirý.
3. Kezeń. «Úırekter saıysy»
Sharty: balalardy arqasyna otyrǵyzyp, úırek sekildi júrý. Estafetany kelesi oıynshyǵa berý, oıyndy birinshi bolyp bitirgen jeńimpaz bolyp eseptelinedi. Baǵalaý.
4. Kezeń. «Kim jyldam?»
Sharty: balalar ózderine berilgen geometrıalyq pishin, ıaǵnı tórtburysh pen sheńber ústimen júrip, belgilengen konýsty aınalyp, keri qaraı tik júgirip qaıtady. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

5. Kezeń. «Jas sportshylar»Balalar belgilengen doǵanyń astymen ótip, keri qaraı qaıtalaıdy. Estafetany kelesi oıynshyǵa berý, oıyndy birinshi bolyp bitirgen top jeńimpaz bolyp eseptelinedi. Baǵalaý.

Kórsetti mine óz ónerin balalar
Saıystyń da sońy kelip taıanar
Jeńimpazdy anyqtaıyq qanekeı.
Ádil - qazy saıysty ádil baǵalar,- dep saıysymyzdyń sharttary boıynsha qorytyndy shyǵaryp, jeńimpazdardy anyqtap, marapattaý úshin sóz ádil - qazy alqalaryna beriledi.

Sport - kórki ómirdiń,
Sport - dosyń, serigiń.
Jattyqsań shymyr bolarsyń,
Shynyǵyp, ósip, tolarsyń,- demekshi salaýatty ómir saltyn ustanyp, sportty serik eteıik dostar!

Almaty oblysy, Kerbulaq aýdany,
Qoǵaly aýyly, «Qarlyǵash»
balabaqshasynyń tárbıeshisi
Ibraeva Araılym Kakarmanovna