InfoHub Logo

Taqyryby: Kishkentaı arý
Taqyryby: Kishkentaı arý
Maqsaty: bolashaq arýlardyń boıyna qazaqy tárbıeni boıyna sińirý, «qyz» degen sózdiń ózi ádemiliktiń, ádeptiliktiń jan - jaqty sulýlyqtyń belgisi ekenin túsindirý
Barysy:
Bala, bala, bala dep,
Túnde shoshyp oıanǵan,
Tún uıqysyn tórt bólip,
Túnde besik taıanǵan
Qolyn qatty tıgizbeı,
Kir kóılek kıgizbeı,
Iisin jupar ańqytqan
Jer Anaǵa tirshilik nárin seber, kóktemmen birge barlyǵymyz úshin qymbatty meıram kelip jetti. Barsha analarǵa, arýlarǵa iltıpatymyzdy bildire otyryp osynaý tól merekelerińiz qutty bolsyn demekpiz. Búgin sizderge «Kishkentaı arýlar» baıqaýyn tartý etemiz.
Qyz emes, qyzdyń ózi altyn
Kóriner tolǵan aıdaı júzi jarqyn.
Úlkenniń aldyn orap sóz sóılemes,
Halqynyń saqtaı bilgen izgi saltyn.
Muǵalim:
Ádildikpen baǵa berer arýǵa,
Ádildikpen qara qyldy jarýǵa.
Ádilqazy alqalaryn saılaıyq,
Naq arýdy tańdap búgin alýǵa.
(Ádilqazylar alqasymen tanystyrý)
Muǵalim:
Myń buralǵan arýlar ańdyp basyp,
Keledi mine, ortaǵa tolqyp - tasyp.
Arýlaryn syılaǵan halqym meniń,
Qol soǵyp, qoshemetpen qarsy alaıyq.
Muǵalim qyzdardy tanystyryp ortaǵa shaqyrady.
1. Aı sekildi ózi de,
Syńǵyr – syńǵyr sózi de.
Mahabbat degen arýdyń
Ádemi ǵoı kózi de.
2. Úzdik oqyp sabaǵyn,
Bárimizge jaǵatyn
Uljan keıde qyrsyqsa
Túıip alar qabaǵyn.
3. Sabaǵyn da meńgergen,
Jaqsylyqty jón kórgen
Ata - anasy Janerkege
Ádemi esim teńgergen.
4. Qýantady bilimimen bizdi Gúlden
Qol soǵyp qarsy alaıyq endi ony biz
Bilimiń serik bolsyn talabyńa
Búgini qabyl bolsyn tilegimiz.
5. Sabaǵynan qalmaıdy,
Jalqaýlyqqa barmaıdy
Araılym búgin saıysta
Án men jyryn arnaıdy
(Uldar qyzdardy izetpenen sahnaǵa ertip keledi)
Muǵalim:
Kishkentaı arýlar kelip jetti tanysýǵa
Boıyndaǵa bar daryndy darytýǵa
Qoryqpastan sahnaǵa kelip jetti
Ádeppen, izetpen tanysýǵa.
1 - kezeń. Ózderin tanystyrý
1 - arý.
Aı nurynan jaralǵan,
Aı men kúni anamnyń,
Aqyldysy balanyń,
Kileń bestik sabaǵym
Mahabbat degen sulýyń
Men bolamyn, aǵaıyn.
2 - arý.
Otbasynyń erkeletken,
Jarqyraǵan juldyzymyn.
Sabaqty jaqsy oqıtyn
Janerke degen bir qyzyńmyn.
3 - arý.
Qyzdar degen bola alady qyr gúli,
Qazaq qyzy bolý kerek úlgili.
Jaqsylyqqa utylatyn árqashan,
Gúlden arý men bolam
4 - arý
Yntaly da ınabatty,
Ónegeli bir qyzbyn.
Ata - anamnyń aqyldysy –
Moldabaeva Uljanmyn.
5 - arý
Men de esti balamyn,
Aıtqan tildi alamyn.
Jumsaǵanǵa baramyn,
Jaqsy meniń sabaǵym.
Araılym degen arý qyz
Men bolamyn, aǵaıyn.
2 - kezeń. Óner kórsetý
Muǵalim:
Kedeımin dep qysylma,
Óneriń bolsa qolyńda.
Ónerliniń yrysy
Jarqyrap jatar jolynda - deı kele arýlarymyzdyń ónerimen tanysaıyq.(Kishkentaı arýlar óz ónerlerin kórsetedi)
3 - kezeń. Bilgenge marjan
Muǵalim:
Halqymyzdyń ejelgi úrdisi bar,
Adastyrmas oń joldan úlgisi bar.
Úlkendi syılaý uqqanǵa sonyń biri,
Zerdeli oı zeıindi qyzdy synar,- suraq - jaýap saıysy.
Ár arý qorjyndaǵy suraqtarǵa jaýap beredi.
Suraqtar:
1. Dúnıede eń tátti, eń jumsaq ne?
2. Kóship qonýǵa qolaıly qazaq baspanasyn ata.
3. Qazaqtyń ishekti mýzykalyq aspabyn ata.
4. Ulttyq oıyndardy ata.
5. Tórt túlik maldy ata.
4 - kezeń. Sheber qoldar
Muǵalim:
Sheberlerim óner tamyp qolynan,
Jańylmaǵan ata - baba jolynan.
Sheber qoldar óz ónerin kórsetsin,
Biz aıtalyq tóreligin sońynan - berilgen úlgi boıynsha oıýdy oıyp japsyrý.
(Qyzdar jumystaryn aıaqtaǵansha uldar analaryna taqpaq aıtyp beredi)

1 - oqýshy:
Sizden ósken balalar,
Batyrlar men danalar,
Quttyqtaımyz meırammen
Qurmetti bizdiń analar
2 - oqýshy:
Balanyń da tiregi,
Dananyń da tiregi.
Shanshymasyn eshqashan
Analardyń júregi
3 - oqýshy:
Aınalaıyn, anashym,
Jumysyna barasyń.
Qaıtyp meni kórgenshe
Shyn saǵynyp qalasyń
4 - oqýshy:
Analardy súıemiz,
Sózin oıǵa túıemiz.
Ájeni de ardaqtap,
Ádeppen bas ıemiz
5 - oqýshy:
Erlik etken biz úshin,
Eńbek etken biz úshin,
Erkeletken bizderdi,
Erkindetken bizderdi
Anamyzǵa myń alǵys
6 - oqýshy:
Biz dospyz gúldermen,
Tekke ony julmaımyz.
Toı kúni bir - birden
Anaǵa syılaımyz.
5 - kezeń. Sán úlgisi
Jaıdary jazyq mańdaı,
Úninen naz uqqandaı.
Qazaqtyń arýlar – aı,
Ibaly, názik qandaı.
Qyzdar daıyn bolǵansha uldardyń oryndaýynda
«Aq mamam» áni
Kishkentaı arýlar mýzyka áýenimen sán úlgilerin kórsetedi.
Qorytyndy: Sizder búgin arýlarymyzdyń ónerli ekenin kórdińizder. Ádilqazylar alqasyna sóz beriledi. Jeńimpazǵa «Kishkentaı arý» ataǵy berilip, arýlarǵa madaqtama jáne syılyqtar usynylady.
Barlyq analar men arýlardy quttyqtap synyp oqýshylary «Jan anam» ánin oryndaıdy.
«Kóktem válsi» váls