InfoHub Logo

Taqyryby: KİTAP − BİLİM BULAǴY
Maqsaty: Bilimniń kilti kitap arqyly beriletinin uǵyndyrý. Kitaptyń adam ómirindegi mańyzy, ǵylym men bilimniń paıdasy jaıly túsindirý. Kitapqa degen qyzyǵýshylyǵyn arttyrý. Kitapty kútip, ony taza, uqypty paıdalanýǵa úıretý.
Kórnekiligi: Kitap týraly jazylǵan plakattar, kitaptar qory, syzba.
Júrgizý ádisi: Oıyn, suraq − jaýap, kórnekilik, áńgime, kitaphanaǵa saıahat.
Barysy: İ. Psıhologıalyq daıyndyq.
− Oqýshylardyń nazaryn sabaqqa aýdarý.
− Kitap týraly maqal − máteldi hormen aıtqyzý «Kitap − kóp aqyldyń quıylǵan kóli». Maǵynasyn ashyp berý.
İİ. Negizgi bólim.
a/ Taqyryby men maqsatyn habarlaý.

á/ Suraqtarǵa jaýap alý.
Balalar, mynaý neler? (kitaptar, biri eski, biri jańa)
Bul kitaptarda neler jazylǵan? Osy kitap bizderge kerek pe? Nege?

b/ Bizdiń elimizde birde bir bala mektepten tys qalmaıdy. Jalpyǵa birdeı bilim berý týraly memlekettik mańyzy bar «Bilim týraly» Zań qabyldanǵan. Elimizde kitap shyǵarýǵa kóp kóńil bólinedi. Qazirgi kezde mektep oqýshylaryna oqýlyqtar tegin beriledi. Oǵan kóptegen qyrýar aqsha jumsalady. Oqýlyqty, kórkem ádebıetti kútip ustaı bileıik, olardy basyp shyǵarýǵa aǵa − apalarymyzdyń kóp eńbegi ketti.
Saǵan bilim jemisin
Oqýlyǵyń beredi.
Talaı adam sol úshin
Mańdaı terin tógedi.
Ormanshy aǵashtardy kesedi.
Mashınıst aǵashty tasıdy
Zaýyt qaǵaz basady
Ǵalymdar, Sýretshiler
Árip terýshiler

Oqýlyqty mektebiń
Berer saǵan tep − tegin
Bilmeısiń aý, sen biraq,
Qanshama eńbek ketkenin.

v/ Keńester, únemi este saqtap júrý kerek.
☺Kitap betteriniń buryshtaryn búkteme.
☺Kitap muqabasy búlinbes úshin qaptap al.
☺Kitap betterin jyrtpa.
☺Kitapqa sýret salma, jazba.
☺Tamaq iship otyryp kitap oqyma.
☺Kitap betteriniń arasyna qaryndash, qalam salma.

g/ Tirek − syzbamen jumys.
İİİ. Qorytyndy bólim.
a/ Mektep kitaphanasyna qonaqqa barý.
Kitaptar da adam sıaqty: ómirge keledi, ómir súredi, qartaıady, óledi. Olar da biz sıaqty aýyryp qalýy múmkin. Aýyrǵan jaǵdaıda olardy emdeý qajet. Sol úshin de kitaptardy aıalap ustaýymyz kerek. Búgin biz kitaptarda qonaqtamyz. Bizdi qorshap turǵan kitaptar. Ol − kitaphana. Kitaphanada óz ózińdi qalaı ustaý kerek?
1. Kitaphanada shýlaýǵa bolmaıdy, óıtkeni, basqa adamdarǵa kedergi keltiresińder.
2. Kitapty uqypty, taza ustaý kerek. Ózderińnen keıin ony kóptegen balalar oqıtynyn esten shyǵarma.
3. Kitapty ýaqytynda qaıtar. Óıtpese, basqa oqýshy kútip qalady.
4. Kitapty joǵaltyp alma.

á/ Suraqtarǵa jaýap alý.
b/ Kitap − jan aınasy. Adal dosyń. Kitaptyń da armany bar. Ol − las, uqypsyz oqýshylardyń qolyna túspeý. Bilimge qyzyǵatyn, uqypty balalardyń qolyna tússek eken dep armandaıdy.