InfoHub Logo

Taqyryby: «Kitap – rýhanı sarqylmas qazyna»

Sabaqtyń maqsaty:
Kitap – sarqylmas rýhanı qazyna deı kele, bilimniń kitap arqyly beriletinin uǵyndyrý. Kitaptyń adam ómirindegi mańyzy, ǵylym men bilimniń paıdasy jaıly túsindirý. Kitapqa degen qyzyǵýshyly - ǵyn arttyrý. Oqýlyqtardy kútip ustaýǵa úıretý.

Sabaqtyń kórnekiligi: Kitap jaıly jazylǵan plakattar, sýretter.

1. Uıymdastyrý kezeńi.
Kitap ta alma aǵashy,
Jemisin bizder teretin.
Tátti almaǵa balashy,

Kitabyńnyń ár betin,- dep Muzafar Álimbaev atamyz jyrlaǵandaı ádebı kitaptar men oqýlyqtar senderge bilim kózi, rýhanı qazyna. Biz kitap arqyly bastaýysh mekteptiń ózinde - aq búkil adamzat ómirimen tanysamyz. Kitap bilimimizdi molaıtady, kitaptan kóp ónege men tárbıe alamyz. Oqyǵanyń, toqyǵanyń kóp bolsa jeńbeıtin jaý, alynbaıtyn qamal joq. Dana halqymyz «Bilekti birdi jyǵady, bilimdi myńdy jyǵady» dep beker aıtpasa kerek dep búgingi 1 «A» synyp oqýshylary daıyndaǵan «Kitap - rýhanı sarqylmas qazyna» atty tárbıe saǵatymyzdy bastaýǵa ruqsat etińizder.

Nursultan:
Kitap - rýhanı azyq. Kitap adamnyń dúnıetanymyn keńeıtedi. Biz kitap - pen kún saıyn kezdesemiz. Ertegi, áńgimelermen syr shertetin kitaptar bizdiń eń jaqyn aqylshymyz.

Aıaýlym:
Kitap shyǵarý úshin kóptegen adamdar eńbek etedi. Biz kitapty qalaı ustaýymyz qajet?

Eldar:
Kitapty jyrtpaı, kirletpeı, búldirmeı taza ustap, oqyǵan kezde mánerlep oqý kerek.
Muǵalim: Balalar búgin bizge qonaqqa Kitap kelip otyr. Kitapty ortaǵa shaqyraıyq.
Kitap: Balalar, men bilim kózi - Kitappyn. Meni jasaý úshin kóp adam eńbek sińirdi. Balalar kitap qaıdan shyǵatynyn bilesińder me?
Balalar: Aǵashtan
Muǵalim: Kitap shyǵarý úshin kóp eńbek sińiremiz. Kitap sen bizge qonaq bolyp, balalardyń bilimin tamashala.
Dılana:
Adamnyń dosy kitap. ómir kilti,
Teń kelmes oǵan jıǵan múlki.
Aqylshy janǵa serik, jol bastaýshy,
Asyl ǵoı qazynasy, ómir kórki.