Kitaphanashylar men arhıv mamandarynyń jalaqysy 20% ósedi
Bıyl elimizdegi kitaphanashylar men arhıv isi mamandarynyń jalaqysy artady.
«Bıyl kitaphana qyzmetshileri jáne arhıv isi mamandarynyń eńbeaqysyn 20%-ǵa, 2027 jylǵa deıin eki ese ósirý josparlanyp otyr. Bizge bilim salasyndaǵy kitaphanashylar, mádenıet salasyndaǵy qosalqy qyzmetshiler problemalaryn aıtyp habarlasty. Iaǵnı olar jalaqysy kóteriletinderdiń qataryna kirmeı qalǵan. Osy oraıda atalǵan sanattaǵy jumysshylardyń áleýmettik jaǵdaıyn qalaı kóteremiz degen suraqty talqylaý úshin, birneshe quzyrly organdardyń ókilderin shaqyryp otyrmyz», - dedi Májilis depýtaty Juldyz Súleımenova «AMANAT» partıasy alańynda ótken baspasóz máslıhatynda.
Depýtattyń esepteýi boıynsha búginde 25 jyl ótili bar kitaphanashynyń jalaqysy orta eseppen 140 myń teńge.
«Bul jerde jalaqydan bólek, jumysshylardyń eńbek demalysy, saýyqtyrýǵa arnalǵan tólemder de kiredi. Jalaqy, áleýmettik qoldaý máselelerine kelgende, mádenıet jáne bilim salasyndaǵy kitaphanashylardy qatar qarastyrý qajet. Sonymen qatar qosalqy qyzmetshilerdi umytpaý kerek, mysaly kitaphanada jumys isteıdi, biraq kitaphanashy emes», - deıdi ol.
Mádenıet jáne sport vıse-mınıstri Arman Júdebaevtyń málimetinshe, elimiz boıynsha kitaphanashylardyń ortasha jalaqysy 125 980 teńge. Al basshylyq qyzmettegiler 214 myń teńge mańaıynda jalaqy alady.
You Might Also Like
-
Elordalyq bilim basqarmasy bıyl qaı mektepterde 1-synypqa daıarlyq synyby ashylatynyn málim etti.
-
Birde Sataı, Jámentik bı, Bóltirik atty bala úsheýi Dáýlet degen baıdyń úıine qonaqqa barady. «Sataı batyr, qal-jaǵdaıyń qalaı?» — dep Dáýlet quraq ushypty. Aldaryna ákelip sary qym...
