InfoHub Logo

«Kógildir tý astynda, bıikke biz samǵaımyz!» sporttyq oıyn
Maqsaty men mindeti:
1. Oqýshylardyń densaýlyǵyn, belsendiligin nyǵaıtý, eptilikterin, shapshańdyqtaryn, batyldyqtaryn, kúshtilikterin baıqaý.
2. Sportqa degen súıispenshiligin arttyrý.
3. Salaýatty ómir saltyn nasıhattaý.
Qoldanylatyn quraldar: estafetalyq kedergiler, dop (úlken, kishi), sharık, qasyq, úlken ydys, gımnastıkalyq tósenish, taıaqshalar jáne t. b.

Saıystyń barysy: Mekteptiń sport zalynda kóńildi mýzyka oınap turady.

İİ. júrgizýshi: Qaıyrly kún, qurmetti sport súıer qaýym! Qazaqstan Respýblıkasynyń táýelsizdigine 25jyl tolýyna oraı uıymdastyrylǵan «Kógildir tý astynda, bıikke biz samǵaımyz!» atty estafetalyq jarysqa qosh keldińizder!

İ. júrgizýshi: Qazaqstan Respýblıkasynyń Prezıdenti N. Á. Nazarbaevtyń «Halyq densaýlyǵy» atty memlekettik baǵdarlamada halyqtyń densaýlyǵyn nyǵaıtý – memleketimizdiń birinshi kezektegi atqaratyn mindeti ekenin atap kórsetkeni barshamyzǵa belgili. Salaýatty ómir saltyn ustaný – osy is sharanyń bir baspaldaǵy.
Qazaqstan Respýblıkasy 1991 jyly 16 jeltoqsan da óziniń táýelsizdigin jarıalap, derbes memleket boldy. Ol búgin de dúnıe júziniń kóptegen elderimen baılanys ornatqan, búkil álem tanyǵan elge aınaldy.
Biz ózimizdiń Ánuranymyzdy, Týymyzdy, Tól teńgemizdi basqa elderge maqtanysh etemiz. Memlekettik rámizderdi qadirleý táýelsiz Qazaqstannyń árbir azamatynyń qasıetti boryshy.
Qazaqstan Týymen – tuǵyrly, Eltańbasymen - eńseli, Ánuranymen - aıbatty. Olaı bolsa ortamyzǵa memleketimizdiń rámizderi Eltańba, Tý, Ánurandy shaqyramyz! (ortaǵa Eltańba, Tý, Ánuran ustaǵan oqýshylar shyǵady)
Qazaqstan Respýblıkasynyń Memlekettik ánurany oryndalsyn!

İİ. júrgizýshi: «Deni saý adam – tabıǵattyń eń qymbat jemisi» T. Karleıl
Taza aýa, sport bolsyn dárimiz.
Eńbek etip kelgeninshe álimiz,
«Alǵa» - degen bir – aq maqsat ustanyp,
Saıysqa attanaıyq bárimiz!

İ. júrgizýshi: Al, endi sport zańy boıynsha ádilqazylar alqasymen tanystyryp óteıik.

İİ. júrgizýshi:
Salaýattyq ómir saltyn qoldaımyz,
Jamandyqtan janymyzdy qorǵaımyz.
Densaýlyqty janymyzǵa serik qyp,
Bolashaqqa amanat qyp joldaımyz!.

İ. júrgizýshi: Oqýshylar jetekshilerimen qosylyp,
otyr synǵa túskeli,
Synalmaqshy eptilik pen kúshteri.
Árbiriniń jiger – kúshi jalyndap,
Jeńis sátin taǵat tappaı kútkender.
Saıysatyn synyptardy búgingi
Qarsy alaıyq qoshametpen, kelińder!

İİ. júrgizýshi: Ortaǵa ár synyptan 5oqýshy jáne synyp jetekshilerinen quralǵan, saıysqa túskeli turǵan toptarymyzdy shaqyraıyq:
№1 top: «Tulpar» (5 «a»synyp, synyp jetekshisi Jýnýsova M. G.)
№2 top «Suńqar» (5 «á»synyp, synyp jetekshisi Á. J. Imambaeva. )
№3 top «Arlan» (6 «a»synyp, synyp jetekshisi Azımbaeva Ǵ. K.)
Úsh top júrip ótip, oıyn alańyna baryp ornalasady.

İ. júrgizýshi: Búgingi «Kógildir tý astynda, bıikke biz samǵaımyz!»
atty sporttyq oıynymyz 6 kezeńnen turady. Óz baqtaryn synaǵaly turǵan ár top dóńgelene turyp, sergitý jattyǵýlaryn bastaıdy. Olar ózderiniń top attarymen, tósbelgilerimen jáne urandaryn tanystyryp ótedi.

İİ. júrgizýshi: Qurmetti jarysqa túskeli turǵan básekelester, ustazdar, ádilqazy alqalary jáne saıysymyzdyń qonaqtary! Saıysymyzdy bastaıyq.
1. Estafetalyq jarys (Basketbol dobyn kedergiler arasynanalyp júrip, kedergilerde qoıylǵan suraqtardyń birine jaýap beredi, osylaı top músheleri túgel oryndaıdy)

Kedergilerde kezdesetin suraqtar:
1) Týdyń avtoryn atańyz (Shaken Nıazbekov)
2) Eltańbanyń avtorlary kim? (Jandarbek Malıbekov jáne Shota Ýalıhanov)
3) Ánurannyń sózi men ánin kimder jazǵan?(Sózi: Nursultan Nazarbaev, Jumeken Nájimedenov, Áni: Shámshi Qaldaıaqov)
4). Qazaqstan qashan táýelsiz el boldy? (1991 jyly 16 jeltoqsan)
5). Ulttyq valútany aıtyńyz? (teńge)
6). Qaqpashy neni kúzetedi? ( qaqpany)
7). Bir sózben aıtqanda: asyq, toǵyzqumalaq, tyǵylmaq,
aýdaryspaq... (ulttyq oıyndar)
8). Sport alańyndaǵy eń basty adam kim? (tóreshi)
9). Bokstyń alańy qalaı atalady? (rıng)
10) Kros degen ne? (júgirý).

2. «Kartop otyrǵyzý». 1 - shi oqýshyda keglıleri bar korzına. Ol júgirip baryp zaldyń shetindegi obrýchqa keglılerdi tógip, bos korzınany kelesi oıynshyǵa beredi. Kelesi oqýshy jınap alyp keledi, osylaı barlyǵy oryndap shyǵady.
3. «Eptilik estafetasy» Birinshi oıynshy basketbol dobyn jerge soǵyp, alyp baryp, torǵa tastap, stol tenısiniń raketkasymen tenıs sharıgin qaqpaqyldap alyp qaıtady, kelesi oıynshy tenıs sharıgin qaqpaqyldap aparyp, basketbol dobyn torǵa tastaıdy da, sekirtpe jippen sekirip qaıtady, osylaı barlyǵy oryndap shyǵady.
4. «Báıge». Belgi boıynsha bala at bolyp, balanyń ıyǵynan jippen ilip, qyz bala jipten ustap júgiredi)
5. Pıngvın» Dopty aıaqtyń ortasyna qysyp alyp júrý, osylaı barlyǵy oryndap shyǵady.
6. «Sur qoıan» Birinshi oıynshy qapty aıaǵyna kıip, belgi bergen kezde bógetti aınalyp sekirip kelip, qapty kelesi oıynshyǵa beredi, osylaı barlyǵy oryndap shyǵady.

İ. júrgizýshi: Al, qurmetti sport súıer qaýym, asyǵa kútip otyrǵan saıysymyzda aıaqtalyp, jeńimpazdar anyqtaldy.
Ár top óz qabiletterin ortaǵa salyp, qyzyqty da, tartymdy saıys kórsetti. Jarys bolǵan soń onyń mindetti túrde jeńimpazy bolady. Sóz ádil qazylar múshelerine beriledi.
Jeńiske jetken toptardy marapattaý.

İ. júrgizýshi:
Qurmetti sport súıer qaýym!
Bir tilek aıtarymyz,
Berekeli zaman bolsyn,
Barshańyz aman bolyńyzdar!
Jıyrma birinshi ǵasyrda,
Ashyq aspan astynda,
Densaýlyqtaryńyz myqty bolsyn!
Januıalaryńyz qýanyshqa tolsyn!
Búgingi «kóńildi máre» jarysyn, Osymen aıaqtaımyz!

SHQO, Kókpekti aýdany, Tassaı aýyly,
«Áýezov atyndaǵy orta mektebi»KMM
Dene shynyqtyrý páni muǵalimi Smagýlov Nıgmet