InfoHub Logo

Uıymdastyrylǵan oqý is - áreketiniń tehnologıalyq kartasy.

Bilim berý oblysy: Qatynas, Tanym, shyǵarmashylyq
Bólim: Til damytý (kiriktirilgen sabaq)
Taqyryby: Kóktem mezgiline saıahat

Maqsaty: Kóktem mezgili týraly bilim - daǵdylaryn tereńdetý, sóıleý mádenıetin, oılaý, este saqtaý qabiletterin bekitý, oılanyp tolyq jaýap berýge baýlý. Sýret boıynsha áńgimeleýge, ertegi qurastyrýǵa daǵdylandyrý.
Bir - birimen dostyq qatynasta bolyp, ortaǵa degen súıispenshilikke, óz isterine súısine bilýge qamqorlyqqa tárbıeleý.

Kórnekilikter: sýdyń, qustyń daýsy jazylǵan úntaspa, geometrıalyq pishinder, úlgi, qıylǵan shóp, jelim, salfetka, ermeksaz, taqtaısha, qaǵaz
Bılıngvaldy komponent: sý - voda, qus - ptısa, qustar - ptısy
Tárbıeshiniń áreketi
Áýenmen balalardy kirgizý.
Balalar, qarańdarshy búgin erekshe kún, óıtkeni bizge qonaqtar keldi.

Sálemdeseıik!
Shattyq sheńberin qurý:
Qýan, shattan, alaqaı!
Qýanatyn keldi kún.
Qaıyrly tań,
Qaıyrly kún.
Kúlip shyqty kún búgin!

Bir - birimizge tilek bildireıik:

Balalar senderde elimizge eleýli, halqymyzǵa qalaýly úlken azamat bolyńdar!
Al endi otyryp áńgimeleseıik.
Suraq - jaýap:
- Bir jylda neshe jyl mezgili bar?
- Bir jylda tórt jyl mezgili bar.
- Qandaı mezgilder eken, kim ataıdy?
- Kóktem, jaz, kúz, qys jyl mezgilderi dep atalady.
- Qazir jyldyń qaı mezgili?
- Qazir kóktem mezgili.
- Kóktemde qandaı ózgerister bolady?
- Kóktemde qar erıdi. Kóktemde kún jylyna bastaıdy.
Kóktemde aǵashtar búrshik atady. Kóktemde jańbyr jaýady. Kóktemde shóp shyǵady. Kóktemde qaratorǵaı ushyp keledi. Kóktemde jer jyrtady. Kóktemde dán sebedi.

- Kóktem, kóktem erekshelikteri týraly ne aıtýǵa bolady?
Maqal - mátel, jańyltpashtar, taqpaqtar aıtady.
Otyrǵyz aǵash kóktemde
Jón bolmaq eńbek etkeniń.
Kelmese shamań ekkenge,
Syndyrma jurttyń ekkenin.

Balalar - aý, balalar!
Shaqyrady dalalar.
Kóktem keldi, gúl alyp,
Kóktem keldi, jyr alyp.

Kóktem, kóktem, kóktemde,
Qustar kelip jetkende.
Qýanyp bir qalamyz,
Án men qarsy alamyz.
Maqal - mátel:
Eńbektiń nany tátti,
Jalqaýdyń jany tátti.
1. Kóktemniń birinshi belgisi: qar erip, sý bolady.
Úntaspadan syldyrlaǵan sýdyń daýsy estiledi.
Sý týraly zerthanalyq jumys.
Balalar syldyrlaǵan sý ekenin aıtady.
Mynaý taza sý. Sý móp - móldir. Sý – suıyq, aǵyzsaq tógiledi. Sýyqqa qoısań muz bolyp qatady. Teńiz bolyp tolqıdy. Aýaǵa bý bolyp ushady.
Myna sýǵa boıaý qossań, boıalady. Sýdyń ıisi, dámi joq.. Sýǵa aýyr zatty salsa, batady. Al sýǵa jeńil zatty salsaq, júzedi.
- Taǵy ne aıtýǵa bolady?
- Jýyný úshin kerek, tazalyq úshin, tamaq pisirý úshin, gúlderdi, aǵashtardy, eginderdi sýarý úshin kerek.
Jaqsy, balalar. Sý - tirshilik úshin qajet. Maqal - mátel aıta qoıyńdar.
Til jattyǵýyn aıtaıyqshy:
Sý - ómirdiń kózi.

Jelbireıdi tý,
Taza bolsyn sý,
Qalyń bolsyn ný,
Sen qolyńdy jý.
Qulpyrady baqsha - baý,
Bolsyn deniń saý!
2. Qustar ushyp keledi.
- Balalar al mynaý neniń daýysy? Qandaı qustardy bilesińder?
Bul qustardyń daýysy.
Qarǵa, saýysqan, torǵaı, qarlyǵashty bilemiz.
- Qane, qustar týraly ne bilemiz?
Qustar bıikke ushady, jemdi shoqyp jeıdi, balapan basady.
- Qustardyń qandaı paıdasy bar?
- Qustar aǵashtardy qorǵaıdy, qurt - qumyrsqany jeıdi.
Kelip kóktem qustary,
Baý - baqshada án saldy.
Olardy jas dostary
Uıa jasap qarsy aldy.
Qustar týraly taqpaqty, kim aıtady?
Qonyńdar, qustar, qonyńdar,
Bárińe tórden oryn bar.
Qanatty barlyq dostarǵa
Balalar qamqor bolyńdar!
- Qandaı tyıym sózder bilemiz?
Qustyń uıasyn buzýǵa bolmaıdy!
- Qustardyń jumyrtqasyn syndyrýǵa bolmaıdy!
- Qusty taspen atýǵa bolmaıdy!
Slaıd kórsetý:

Jańyltpash aıtpaısyńdar ma?

Dıdaktıkalyq oıyn: «Óz pishinińdi tap»
Maqsaty: baıqampazdyqqa tárbıeleý.

Durys turdy ma, tekserý.

3. Kún jarqyrap, shóp shyǵady.
Sergitý jattyǵýyn jasatý.

Bılıngvaldy komponentti aıttyrý.
Kóktem mezgili týraly taqpaqty kim aıtyp beredi?

Kúndi markermen
boıańdar, shópti japsyrasyńdar.
Kórme uıymdastyrý.
4. Oıyn ortalyǵy:
Oıyn: «Daýsynan tany»
Sanamaq arqyly kim oıyndy bastaıtynyn tabady.
Oınaıyqta, oılaıyq.
Baılap qoıyp kózińdi,
Qorshap turmyz aınala
Atyńdy atap shaqyrǵan
Aıtshy, qane, qaı bala?
5. Qorytyndy ortalyq: Tirshilik qýaný úshin... «Aýa, sý jáne kún»sózderiniń kómegimen sýretti qoldanyp, tárbıeshiniń kómegimen shaǵyn «ertegi, nemese áńgime»quratý.
Aýasyz jer betinde tirshilik joq..
Erte, erte, ertede osydan kóp jyl buryn sý bolmapty.
Qustar qaıtti?
Aǵash ne istedi?
Gúlderge ne boldy?
Ábden sharshaǵan qustar jelden kómek surady.
Jel kómektestime?
Sodan keıin ne boldy?

Bárimiz birge aıtaıyqshy:
Jel soǵady gý - gý,
Tyrs - tyrs, jańbyr jaýady
Tyrs - tyrs, tyrs - tyrs,
Bul durys! Bul - yrys!
Myna óleń jolyn aıtaıyqshy:
Kóktem keldi shýaqty,
Balalardy qýantty.
Alaqaı, alaqaı!
Kóktem keldi!
Kóktem qandaı kóńildi!
- Sender durys aıtyp, tártipti bolsańdar kim qýanady?