InfoHub Logo

«Kóńildi máre» sporttyq saıysy
Maqsaty: Salaýatty ómir saltyn qalyptastyrý, sportqa degen súıispenshiligin arttyrý.
Damytýshylyq: óz jerin, óz elin qorǵaı alatyn el jandy, ulttyq namysy mol jigerli búldirshinderdi tárbıeleý;
Tárbıelik: Jas urpaqty ózdiginen bilim deńgeıin kóterýge úıretip ózin – ózi tárbıeleýge daǵdylandyrý.
Qajetti quraldar: Arqan, sharıkter, úlken rezeńke doptar, asyqtar, samokat, hokeı taıaqshalary.
Túri: Estafetalyq oıyn
Ótiletin orny: Sport zaly
Júrgizýshi: Qurmetti ustazdar men tárbıeshiler! Búgingi «Kóńildi máre!» atty sporttyq oıyndar jarysyna qosh keldińizder! Top arasyndaǵy jarysqa toptardy ortaǵa shaqyraıyq. («Qara jorǵa» áýenimen balalar ortaǵa shyǵady.)
(Gımn oınalady)
Júrgizýshi: Balalar, qazir jyldyń qaı mezgili?
Qys aılaryn atańdar.
Jeltoqsan aıynda qandaı merekelerdi atap ótemiz.
Búgingi jarysqa qatysýǵa eki top kelip tur. Olar «Tulpar» jáne «Qyran» toptary. Osy toptardyń jarysyna ádil baǵasyn beretin ádil qazylar alqasyn saılap alaıyq.
(ádil qazylar alqasy saılanady)
Al, qurmetti halaıyq
Jarysty endi kórińiz
Ádil qazy alqasy
Ádil baǵa berińiz
Ónerge bıik senińiz
Dýmanǵa qyzyq kelińiz
Ádil qazy el sengen
Ónerge baǵa berińiz
Mine, balalar shyqty alańǵa,
Jas sportshylar jeke – jeke komanda
Al, balalar ózderińdi tanyńdar,
Eptilik, myqtylyq, batyldyq kórsetip tabandy,
«Ýra» degen urandy biz tastaımyz
Jarysymyzdy al endi bastaımyz
«Jeńiske jetemiz!» dep
Jalyndy uran tastaımyz.
«Kóńildi saıys!»- atty jarysymyzdy bastaımyz.
Saıys túrleri:
1. Tanystyrý
2. Dopty ber
3. Sharıkti uıashyqqa salý
4. Hokeı
5. Kim jyldam
6. Asyq atý
7. Shegirtke
8. Arqan tartys
İ týr «Tanystyrý»
«Tulpar» toby: Qatar ósken qurdasqa,
Jarys unap turmas pa!
Qýyp jetý jaqsy ǵoı
Ozyp shyǵý bir basqa.
«Qyran» toby: Bosqa qarap turmaıyq,
Baǵymyzdy synaıyq
Namysty qoldan bermeıik
Jarysty ozyp shyǵaıyq.

 İİ týr «Dopty ber»
Ár komanda sapqa turyp, dopty qoldarymen astarynan asyryp artyndaǵy oqýshyǵa beredi. Sońǵy oqýshy dopty ustap, saptyń aldyna júgirip kelip, dopty artqa berip jalǵastyrady. Belgilengen mejege jetken soń oryndaryna júgirip kelip sapqa turý kerek. Birinshi bolǵan komanda jeńedi.
İİİ týr «Sharıkti uıashyqqa salý»
Balalar bir - birden sharıkterdi kárzeńkege dáldep salady. Neshe ret sharık salsa, sonsha upaı jınaıdy. Oıyn ýaqytqa oınalady. Ýaqyty 2 mınýt
İV týr «Hokeı»
Tenıs dobyn hokeı taıaqshasymen (klúshka) ıterip júrip, mejeden aınalyp, keri kelip kelesi oıynshyǵa beredi. Birinshi bolǵan top jeńedi.
V týr «Kim jyldam»
Samokatqa minip, belgilengen mejeden aınalyp kelip, kelesi oıynshyǵa berdi. Birinshi kelgen top jeńedi.
Vİ týr «Asyq atý»
Belgilengen mejege asyqtar tizilip qoıylady. Ár komandadan bir - birden oqýshy shyǵyp, asyqty kózdep atady. Kóp asyq atyp alǵan komanda jeńiske jetedi.
Vİİ týr «Shegirtke»
Ár toptan bir - bir oqýshy doptyń ústine otyryp, belgilengen mejege sekirip jetip, keri qaıtady. Birinshi bolyp bitirgen top jeńedi.
Vİİİ «Arqan tartys»:
Bul eki topqa bólingen balalarmen oınalatyn oıyn bir túri. Arqannyń eki jaǵynan eki topqa bólingen balalar tartysady. Qaı top óz jaǵyna alyp, kelse sol top jeńiske jetedi.

Júrgizýshi: Qurmetti kórermender, balalar!
Búgingi balalarmen uıymdastyrylǵan «Jarysqa shyq, jas ulan!» atty sporttyq keshimizdi qorytyndylap, ádil sheshimdi ádil qazylardan kútemiz.
(ádil qazylardyń sheshimi tyńdalady)
Osymen sporttyq jarysymyz aıaqtaldy. Kórip tamashalaǵandaryńyzǵa rahmet!