InfoHub Logo

Taqyryby: «Kóshede saq bol!»
Maqsaty:
1) oqýshylardyń jol erejesi týraly bilimin keńeıtý, jol belgilerin, olardyń toptaryn ajyrata bilýge úıretý;
2) jol erejesin qatań saqtaýǵa daǵdylandyra otyryp, kóshe erejesine baılanysty uǵymdar men termınderdi bilý adam ómiri úshin qajettiligin túsindirý;
3) jolda júrý mádenıetin qalyptastyrý, ádeptilikke, ózara dostyqqa tárbıeleý.
Kórnekiligi: jol belgileri, jol tańbalary, baǵdarsham, sýretter.
Barysy.
Muǵalim: Qurmetti ustazdar men oqýshylar! Búginde aýylda da, qalada da úlken kósheler jáne onda júıtkigen avtokólikter kóbeıýde. Kóshe keńeıgen saıyn ersili - qarsyly jaıaý júrginshiler men júrgizýshilerdiń de kóbeıetini daýsyz. Sońǵy jyldary elimizdiń qaı jerinde bolmasyn avtokólikterdiń barlyq túrleri eselep artyp keledi. Munyń ózi mashına júrgizýshiler men jaıaýlardyń, ásirese mektep oqýshylarynyń jol erejesin neǵurlym jete bilip, qatań saqtaýyn qajet etedi. Kósheniń tártibin úıde ata - ana eskertse, kóshe qıylysynda kúzet qyzmetkerleri men baǵdarsham qadaǵalaıdy. Al sender kóshe erejesin jaqsy bilip, ony oryndaýǵa, saqtaýǵa tıissińder.

«Jas ınspektorlar ( polıseı kıimin kıgen oqýshylar shyǵady) 4 synyp oqýshylary
Armysyzdar, asyl dostarym
Búgingi kún, este saqtalsyn
Mektebimizge kelip otyrmyz,
Jas ınspektorlardan jalyndy sálem!- 3 ret

1 - oqýshy: Alǵa umtylma entelep,
Mashınadan qash, myna!
Túsip ketpe asyǵyp,
Dóńgelektiń astyna!

2 - oqýshy: Aınala qaýip bar oıla,
Jan - jaǵyna qaraıla!
Syrǵanasań kóshede,
Mashına jolyn abaıla!

3 - oqýshy: Asyqpańdar, balalar,
Úlken jolǵa kelgende.
Jan - jaǵyna qarap al!
Deme: Bizdi kim eler,
Mashına joq pa? Júre ber!

4 - oqýshy: Eshteńe joq alańdar,
Óte berer adamdar.
Jol shetinde turatyn,
Jolbelgige qarańdar!

5 - oqýshy: Jarysyp - aq keter ek,
Mashınalar óte kóp.
Joldan ótem asyqpaı,
Velosıped jetelep.

6 - oqýshy: Jol kóliktiń júregi,
Mashına kóp júredi.
«Qaýip joq» − dep oılama,
Jolda fýtbol oınama!

7 - oqýshy: Ata – ananyń senimin,
Eske ustap aqtaı bil.
Joldan óter jaıaýdyń,
Erejesin saqtaı bil!

8 - oqýshy: Aınala qaýip bar oıla,
Jan - jaǵyna qaraıla!
Syrǵanasań kóshede,
Mashına jolyn abaıla!

9 - oqýshy: Armanǵa aldan kútken asyǵamyz,
Biz qalaı tolqyn atpaı basylarmyz.
Jol júrý erejesin jaqsy bilip,
Saqtyqta tura alatyn jas ulanbyz.
Birge: Jol júrý erejesi zańdy tártip - Ol ortaq
Úlken kishi barshamyzǵa!
Hor:
Án: (“Atameken” áýenimen)

Kóshede biz saq bolaıyq, jas dostar
Qaımyqpasyn ata - anamyz biz úshin
Jol erejesin saqtap júrip árdaıym
Jas ulandar atyna saı bolaıyq