Krasnoıarsk ólkesiniń qoryǵynda aıýlardyń naǵyz «dramasy» túsirildi
Ol kidirip, qonjyqtaryna bir qarady da, keıin aldy-artyna qaramastan álemdegi eń úlken ózenniń arǵy betine júzip ketti.
Ortasibir qoryǵy ınspektorynyń beınetaspasyna urǵashy aıýdyń qonjyqtarymen qoshtasý sáti túsip qaldy. Ol olardy ósirdi, endi janýarlarǵa óz betinshe ómir súrýdi úırený kerek, dep jazady Siberian Times.
Urǵashy aıý sońǵy analyq paryzyn oryndaý úshin jaqsy jerdi tańdaǵan. Ol eki qonjyǵyn Enıseıdiń jaǵasyna alyp keledi de, qoshtasqan soń ózenniń arǵy betine júzip ketedi.
Urǵashy aıý qonjyqtarynyń bul jasta (shamamen bir jarym jas) onyń artynan barýǵa júreksinetinin bilgendeı. Osylaısha olar onyń ıisin sezbeı qalady.
Qonjyqtar anasynyń qyltıǵan eki qulaǵy barǵan saıyn alystap bara jatqanyn baqylap, sý jıeginde uzaq turdy. Anasynyń qaıtyp keletinine senimdi bolǵandaı. Kelesi kúni de qonjyqtar anasynan aıyrylǵan jerge qaıtyp keledi. Biraq urǵashy aıý qaıtyp oralmaıdy. Ol balalaryna qolynan kelgenniń bárin jasady, endi olar óz betinshe ómir súrýdi úırenýi kerek.
Ortasibirlik qoryqta shamamen 250 qońyr aıý mekendeıdi. Bul ańdar asa ósimtal emes. Ádette urǵashy aıý ómirge ekiden kóp emes tuqym ákeledi. Qonjyqtar bir jarym-eki jasqa tolǵanda aıýlar otbasy bir-birinen ajyraıdy.
You Might Also Like
-
13 qazanda Mysyr Arab Respýblıkasynyń astanasy Kaır qalasynda qazaqtyń uly aqyny ári oıshyly Abaı Qunanbaıulyna arnalǵan eskertkish-bústiń saltanatty ashylý rásimi ótti, dep xabarlaıdy QazAqparat.
-
Qazaqstan ǵalymdarynyń «qara» tizimi ázirlenedi. Bul týraly búgin ǵylym salasyna qatysty zańnamaǵa ózgertýler men tolyqtyrýlar engizý jónindegi zań jobasynyń tujyrymdamasyn talqylaýǵa a...
